Tɔɔɓɛlaa veelɛ 8:20 - Yálá laawoo hɛɓɛ (dc)

²⁰ Yoramə nwɔ yələi, Edɔmə nuą di kulɔ Ɉuda tɔɔlaa yee mu, di di kpɔwɔ ɓa tɔɔmun ɉee.

Yálá laawoo hɛɓɛ

²⁰ Yoramə nwɔ yələi, Edɔmə nuą di kulɔ Ɉuda tɔɔlaa yee mu, di di kpɔwɔ ɓa tɔɔmun ɉee.

Bible

²⁰ Tãi Zɛoraŋ è kɛ̀ nîi la a kâloŋ, Idɔŋ-ƃelai dí tɔ̀ɔ Zuda ma. Dí dílɔii kpîniŋ kɛ̀ a ŋuŋ-ma ƃô lɔii dí díkpîŋ kaloŋ sèe dímɛi.

Tɔɔɓɛlaa veelɛ 8:20 ပူးပေါင်းရင်းမြစ်များ

Zɛnɛse 27:40

Kulaalaa lɔ ɓə yá ə́ wɔ yɛnɛ̨ɛ̨ kɛ ɉu, yá kɛ a ə́ ləɠə nwɔ tímun, Kɛlaa yələ ta, ə́ kaa pai tɔi a ə́ nwąnąi ə́ kulɔ ɲee mu.»

Samia Veerɛi 8:14

Davidə ə lɔi ɲąąwooɓo nuą hee Edɔmə lɔi nwun na, ə nwun nąmįną hee Edɔmə lɔi kəlee nwun na. Edɔmə nuą kəlee di lɛɛ Davidə yee mu. Bələ ɓə Yai-Laa ə kɛi kɔ́ nɛ̨ɛ̨ la Davidə ɓa ɓɛi lɔpee a li laa.

Tɔɔɓɛlaa dɔlɔɔ 22:47

Ɉaláá wɛli kɛ nuą kpəliɠaai lɛɛ Ɉosafatə nąn Asa nwɔ yələ, ə gəlee kpɛ nɔi.

Tɔɔɓɛlaa dɔlɔɔ 22:48

Tɔɔmun hvo kɛ heeni Edɔmə lɔi hu, kɛlaa, ə ɲɛ̨ikɔw ta hee laa.

Tɔɔɓɛlaa veelɛ 14:7

Amasiasə yee ə tɛɛ Edɔmə ɓa gboloyá ɓoloon bɔ, nu waa pow ɓə lɛɛ gɔi tii hu. Ə Sela taa hon, ə nąą laa hee a Yokteɛlə, naai tii lɔ ɓə ni mą háá ɓa a háá.

Tɔɔɓɛlaa veelɛ 3:26

Yii kɛa Moabə tɔɔmun ə gaa yɛ gɔ́ aa kala mą, ə kɔ́kuláá nwun mɛ̨ihveelɛ həɠə, di kɔ́ pɛlɛ Edɔmə ɓa; yiliɠaa kpɛli di yee hvo lɔ.

Tɔɔɓɛlaa veelɛ 3:27

Non ɉilɔnu dɔlɔɔ ŋɛ̨i kɛi pa heei a mąąhvalin, ə yili həɠə ə gulɔ ɉįi kpoloon mɛ̨i a haláá. Yili ə nwąną kpɔ Israɛlə nuą diɛ kpɔ kɛnɛ̨, di həɠə laa, di li di pɔ taaɠaa.

Tɔɔɓɛlaa veelɛ 3:9

Israɛlə tɔɔmun da Ɉuda tɔɔmun, ɛlɛɛ, Edɔmə tɔɔmun di hvilɛn gea bələ ɓa. Di kpɛlaan-gbɛlaan, di hvóló mɛ̨ihveelɛ kɛ diɛ hiɛ, ya ə kpɛɛ kɛa nu kanŋaa da ɉuwɔɠaa mąn di yəi.

Tɔɔɓɛlaa veelɛ 8:22

Bələ ɓə Edɔmə nuą di kulɔ la Ɉuda nuą yee mu; ə lɛɛ la ɉu ə həli la háákələi ɓa. Nąąlɔwai, Livna nuą diɛ kpɛli di kulɔ Ɉuda yee mu.