Tɔɔɓɛlaa veelɛ 8:11 - Yálá laawoo hɛɓɛ (dc)

¹¹ Yili pulu, Elise ə Hazaɛlə kaa kpɔ a ɉukwɛaa, ə ɲɛ̨i ɲɔ̨n, yili pulu Elise ə wɔlɔ.

Yálá laawoo hɛɓɛ

¹¹ Yili pulu, Elise ə Hazaɛlə kaa kpɔ a ɉukwɛaa, ə ɲɛ̨i ɲɔ̨n, yili pulu Elise ə wɔlɔ.

Bible

¹¹ Ilasa è ŋɛ́i pìlaŋ Azae ma gɛ́ gàa kpɔ́ sĩi a zu kôya é lɛ́ɛ la zu ŋumɛ kɛ́ Azae kɛ̀. Nya ƃe Ilasa è pɛ̀lɛ wɔ́lɔɔ ma.

Tɔɔɓɛlaa veelɛ 8:11 ပူးပေါင်းရင်းမြစ်များ

Zɛnɛse 45:2

Ɉosɛfə wɔlɔ pələi tii, Eziptə nuąi ŋɛ̨i kɛ bɛlɛ́ kwɛlɛ, di nwoo mɛ̨n, mɛ̨nįi tii bələ ə həli tɔɔmun ma.

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Tɔɔɓɛlaa veelɛ 2:17

Kɛlaa, di kpala pələi tii na, ə lɛɛ ɉu yɛ diɛ: «Ee! Ka di tɔɔ kani.» Di nɛɛ mą di nu pow lɔɔlii tii tɔɔ, di li di Eli kwɛli hvóló haaɓa yee mu, di hvo gaa.

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Ɉeremi 9:18

Woo lawoo kaa tɔɔi Siɔn daai! «Diɛ kɛ: Ə́kə! Daa ku too ku kpowoɲɛi ɓa, nwumɛ̨ yɛ ə ku paa, mąąnɛ̨ɛ̨ ku kulɔ lɔi, daa ku wɔ pɛlɛ́ɠaa pu.»

Lukə 19:41

Jesus ə lɛɠɛɛ kɛa Ɉerusalɛmə taa ɓa, ə ɲɛ̨i hee daa ɓa, ə wɔlɔ, yɛ mą:

Ɉaan 11:35

Jesus ə wɔlɔ.

Gɛlaɠaa 20:19

Ŋą́ kólo kɛ gu Ną́mu ɓa a kpɔɔmąąyɛɛlaa ɲɛ̨́iyá hu, bələi mąn Ɉuifəɠaa di kɛi lɔ la mą́ą́kili, ɲąąhɛŋi mɛ̨nįɠaa tamąą yɛ həli mą́ą́, gɛ́ mɔ̨nɔ̨ mįi.

Gɛlaɠaa 20:31

Ka ka kili lɛɛ ɉu kaa diɛ kwɛlan ɉaaɓa kuu mu, hvóló da kpinį ŋį́ kɛi ka kili pu mɛ̨nįɠaa hu, gɛ da kɛ kpɔ a ɲɛ̨iyá wɔlɔ.

Lomaŋ 9:2

Níi kələn ŋąąi gwə́i, ɛlɛɛ, níí holuɛ lɔ a yələ kəlee.

Filipə 3:18

Ŋą́ą́ ta kɛ mo kaa, yiihu nwɔ̨nɔ̨ gáá moi kaa kpɔ a ɲɛ̨iyá wɔlɔ gɛ́ kaa: nu taɠaa kaa Kristə nwɔ kolɔwa mąą yowo laa túwɔ́ ɓoi.