Tɔɔɓɛlaa veelɛ 7:9 - Yálá laawoo hɛɓɛ (dc)

⁹ Kɛlaa, volóɲɔ̨n gɛ nuą tii diɛ di kee ɓa: «Yii ŋɛ̨i gu kaa gɛi, mɛ̨nį haŋąą vəli, mɛ̨nįi ŋɛ̨i gu ɲɛ̨i aa tɔɔ ɉu, gaa a mɛ̨nį lɛlɛɛi mąąnɛ̨ɛ̨ gu bələ ɓo. Gwa wala mo, a lɛɛ ɉu kɛɛ hu a pɔ̨nɔ̨, gu nwun nɛɛ ɉu mɛ̨nį li. Ka gwə tɛ taai, gu ɉukulɔ tɔɔmun mą.»

Yálá laawoo hɛɓɛ

⁹ Kɛlaa, volóɲɔ̨n gɛ nuą tii diɛ di kee ɓa: «Yii ŋɛ̨i gu kaa gɛi, mɛ̨nį haŋąą vəli, mɛ̨nįi ŋɛ̨i gu ɲɛ̨i aa tɔɔ ɉu, gaa a mɛ̨nį lɛlɛɛi mąąnɛ̨ɛ̨ gu bələ ɓo. Gwa wala mo, a lɛɛ ɉu kɛɛ hu a pɔ̨nɔ̨, gu nwun nɛɛ ɉu mɛ̨nį li. Ka gwə tɛ taai, gu ɉukulɔ tɔɔmun mą.»

Bible

⁹ Nya ƃe dí mò díkîe-ni dîa dîyɛɛi, “Mɛnii ŋí kwa gɛ̂i vé lɛ́lɛ ní. Sâa káa a tuŋ lɛ́lɛɛ ƃó ɣêle. Kwà kɛ̀ nɔ́ naâi kɛ̂i kúkpîŋ mɛni ma, kúfe môi núu da kpɛ́ni ma, à kɛ̀ kwa maa-kpɛ̂ŋ kɛ̀ é lɛ́ɛ la zu ɣele é ƃɔ́, tɔŋ-kpɛ́ maa a pâi pâi kúpɔ. Kwaa lí a maa félaa a gɛɛ kú duŋ lɛ́lɛɛi ŋí ƃó gâloŋ ŋɔpɛ́rɛ kɛ́tɛi lá.”

Tɔɔɓɛlaa veelɛ 7:9 ပူးပေါင်းရင်းမြစ်များ

Tɔɔɓɛlaa veelɛ 5:4

Nwoo tii mɛ̨n Naaman ə mo, ə li ə ɉukulɔ nwɔ tɔɔmun mą, yɛ mą: «Mɛ̨nįi Israɛlə nɛ̨ɛ̨non ə mo yaa li!»

Tɔɔɓɛlaa veelɛ 7:10

Di pa, di ɉįi la nuą təli, diɛ diɛ: «Kwaa li, kwaa həli Aramə nuą di wɔ kɔ́ɓuwui la, nui lɔpee ta hvo laa, nu woo kpɛli hvo tɔɔi laa; ɉooɠaa lɔ ɓə kɛ laa da ɉoohvaalənŋąą, di yiliɛ ɉəɠə pɛlɛ́ɠaa diɛ, daa di lɛɛ laa.»

Tɔɔɓɛlaa veelɛ 7:3

Hvólóɲɔ̨n gɛ nuą nąąn di kɛ heeni bələ nwun na, diɛ di kee ɓa: «Lə mɛ̨nį ɓa, gu kaa ɓɛ heeni guɔ haa mąąkpɔn?

Tɔɔɓɛlaa veelɛ 7:6

Yai-Laa ə kɔ́ kɔ́ wotoloɠaa da hooɠaa tín dɔɔ Aramə nuą di wɔ kɔ́ɓuwui la, da kɔlaɠa kɛnɛ̨ tín. A ya ɓə, Aramə nuą da kɛ di kee ɓa: «Israɛlə tɔɔmun aa Hɛtə tɔɔmun, da Eziptə tɔɔmun di həɠə, diɛ pa pɛlɛi guɔ a kɔ́.»

Tɔɔɓɛlaa veelɛ 7:8

Volóɲɔ̨n gɛ nuą tii, də li di hiɛ gɔ́ɓuwu nąą kəlee, di lɔ ɉəɠə pɛlɛ́ tɔ̨nɔ̨ mu, di kɔ̨nɔ̨n mįi laa di di kpələ; di waliɠaa həɠə, hɛni da həɠəɠaa, də li di noo. Di pənə nwɔ̨nɔ̨ də li ɉəɠə pɛlɛ́ takpɛli mu, ɉɛnŋąą kpɔ di gaa laa, di gəlee həɠə də li la nwɔ̨nɔ̨ di noo.

Hanwon 24:16

Mąąhɔlɔɓo, tələnmomun a pɛli mą tooi gee mɛ̨i mɛ̨ihveelɛ, yɛ muhəɠə, Kɛlaa, nwąnąlɔ nuą da di laanɔ̨nwɔ̨ ɓo mɛ̨nį ɲɔ̨n ɉu.

Azaya 41:27

Siɔn mąą mɛ̨nį ɓə gɛ, ɲą́ą́ ŋɛ̨i hvaai, ŋį́ kɛ la a nu dɔlɔɔ gɛ́ pələ mo mą, Ɉerusalɛmə ɓə ŋį́ wɛlɛɛ lɛlɛɛ ɓomun dɛɛ laa.

Azaya 52:7

Nuąi wɛlɛɛ woo lɛlɛɛ laa həli, di kɔ́wɔ lɛlɛɛi di mu, ɲeeɠaa ton na, diɛi di kaa liilaa woo laahəlii, diɛi da kɛ mɛ̨nį lɛlɛɛ woo laa həlii, diɛi da kɛ nwun mąąɓo loloɓoi; diɛi da kɛ kɛi Siɔn ɓa: Ə́ wɔ Yálái kaa tɔɔlaa kɛi.

Lonon mo 32:23

Kɛlaa ka wala gɛ, a kɛ tii kaa nɛ̨ŋɛ̨n ɉəɠə Yai-Laa ɓa; mąąnɛ̨ɛ̨ ka gɔlɔn kaa ka wɔ nɛ̨ŋɛ̨n tii a hvilɛn ka pulu.

Lukə 2:10

Kɛlaa, malakai tii ə mo diɛ; yɛ diɛ: «Ka hvo ɲɔ̨w, mąąhɔlɔɓo, ŋą pa wɛlɛɛ woo lɛlɛɛ ɓoi kaa yii pai nu kəlee kwəinɛ̨ɛ̨.

Filipə 2:4

Nu ta hvo giliŋąhiɛ gbɔwɔ nwɔ tɔlɔ kwɛli mɛ̨nį ɓa, kɛlaa ka ka kiliŋąhiɛ ka ɓɛlaa di wɛi ɓa.