Tɔɔɓɛlaa veelɛ 7:15 - Yálá laawoo hɛɓɛ (dc)

¹⁵ Yiliɠaa di lɛɛ Aramə nuą kpaalə ɓa, di həli Ɉurdɛn ɓa. Di həɠəɠaa kaa daɠa taɠaa Aramə nu pɔɔ ɲą, yai di kɛi ɓo mą diɛ doo da hɛn dakpɛliɠaa. Gɛlaɠaa tii di pənə di pa, di tɔɔmun gilaa pɔ̨nɔ̨.

Yálá laawoo hɛɓɛ

¹⁵ Yiliɠaa di lɛɛ Aramə nuą kpaalə ɓa, di həli Ɉurdɛn ɓa. Di həɠəɠaa kaa daɠa taɠaa Aramə nu pɔɔ ɲą, yai di kɛi ɓo mą diɛ doo da hɛn dakpɛliɠaa. Gɛlaɠaa tii di pənə di pa, di tɔɔmun gilaa pɔ̨nɔ̨.

Bible

¹⁵ Gbakolo-ŋai dí lì é lɛ́ɛ la zu dí seri Zɔdiŋ Ya-leei ma. Dí kɛ́ɛ liî dí Siria-ŋai dí kɔ́-kuluƃa-ŋai díseɣe-ŋa da díyêei kɔ-kɔ́ sãa kàa dáa-tàa berei ma gwaa kélee, nyii-ŋai dí dípìli tãi dí kɛ̀ pûi la a kîrɛ yao pêre sui. Dífe dí ta káa ní. Gbakolo-ŋai dí pà pôlu dí díkoraŋ ƃó gâloŋ mî.

Tɔɔɓɛlaa veelɛ 7:15 ပူးပေါင်းရင်းမြစ်များ

Tɔɔɓɛlaa veelɛ 7:14

Tɔɔmun ə kɔ́ kɔ́ wotolo hveelɛ kpulɔn ɉooɠaa tii diɛ, ə nuą tɔɔ Aramə nuą tii pulu, yɛ diɛ: «Ka li ka nąą mąąkpɛɛ.»

Tɔɔɓɛlaa veelɛ 7:16

Gɛɛ tii, nuą di kulɔ Samari, diɛ li Aramə nuą di wɔ kɔ́ɓuwui la, diɛ hɛnŋąą həɠə. Yɛ bələi Yálá nwɔ nui ə mo la, di kɛi lɛɠɛ hunwɔ̨ kilə pow kɔ́w hveelɛ ya a walilə kwələ tɔ̨nɔ̨, diɛ kpai kilə pow hveelɛ kɔ́w nąąn ɲa a wali kwələ tɔ̨nɔ̨ yɛ bələi Yai-Laa ə mą la.

Zôo 2:4

Kɛlaa, ɓilihi yɛ Yai-Laa ɓa: «Nu a pɛli ə mɛlan gaalon gulɔ a haláá, gbɔwɔ nwun mąąɓo mɛ̨nį ɓa. Hɛn kpɔ gaa nu yəi, a pɛli ə gəlee kwɛlɛ nwɔ yɛnɛ̨ɛ̨ mąą mɛ̨nį ɓa.

Ikilisiati 3:6

Hɛn gwɛli yələ kaa mą, ɉɛn tii lan ɲələ yɛ ɓo mą. Hɛn naaikɛ yələ kaa mą, bili yələ yɛ ɓo mą.

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Azaya 2:20

Ɲələi tii a həli, ɉaliɠaai di bɛli a wali da hɛni, diɛ kwɛli hvilɛn mą, da nɛɛ kpəɠəiɠaa da lɔwɠaa di yəi.

Azaya 22:24

Nąn nwɔ pɛ́lɛ́i kəlee a kɛ a ɉɛlɛnŋąą mą, mu hɛnŋąą kəlee, gbɛa kpɛa da bɛlɛɛ pɛlɛɛ, ɉɛnɲąŋą pɛlɛɛ pɛlɛɛ kəlee, ə həɠə ɲá haɠa gbamąɠaa diɛ, ə həli la ɲa ləɠiɠaa diɛ.

Azaya 31:7

Mąą yələ, nu kəlee kaa pai nwɔ wali halii da nwɔ hɛni halii pilii, diɛi tii kaa kpinįi ka bɛli nɛ̨ŋɛ̨n gɛɛ hui.

Izikiɛ 18:31

'Ka ká yee kulɔ ka wɔ kulɔ nwoo mu laa kəlee hu, 'ka kiliŋąhiɛ nįnɛ̨ həɠə, 'ka too ka nįnɛ̨ kɔ́lɔi, lə mɛ̨nį ɓa ka káá bɔ ka haa, Israɛlə nwɔ pɛlɛ́i mu nuą?

Maafîu 16:26

Nu a yɛnɛ̨ɛ̨ hɛn gɔw kəlee hɔlɔɓo, ə hvɛɠɛ a nwɔ yɛ̨nɛ̨ɛ̨, yili dɔlɔ ɓaa a lə?

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;