Tɔɔɓɛlaa veelɛ 6:9 - Yálá laawoo hɛɓɛ (dc)

⁹ Yálá nwɔ nui a li ə ɉukulɔ Israɛlə tɔɔmun mą, yɛ mą: «Hvo kɛ ə́ kaa lii bələ yii ŋɛ̨i pɔ pələ, mąąhɔlɔɓo, Aramə tɔɔmun a nwɔ kɔlaɠai pɛlɛ laa.»

Yálá laawoo hɛɓɛ

⁹ Yálá nwɔ nui a li ə ɉukulɔ Israɛlə tɔɔmun mą, yɛ mą: «Hvo kɛ ə́ kaa lii bələ yii ŋɛ̨i pɔ pələ, mąąhɔlɔɓo, Aramə tɔɔmun a nwɔ kɔlaɠai pɛlɛ laa.»

Bible

⁹ Ŋ̀âla naloŋ Ilasa è ŋ̀óo tɛ̀ɛ Eezuɛ kaloŋ pɔ́ naa: “Í mɛi káa ífe tɛ̀ɛ gwaai tí ma pere, kpɛ́ni fêi, Siria-ŋai díkaa seêi ká perei naa.”

Tɔɔɓɛlaa veelɛ 6:9 ပူးပေါင်းရင်းမြစ်များ

Tɔɔɓɛlaa dɔlɔɔ 20:13

Kɛlaa, Yálá kwəi mɛ̨nį hukulɔ mun da ə pa tɔɔmun Akabə pɔ, yɛ mą: «Mɛ̨nįi Yai-Laa ə mo ya ka, yɛ: Yáá nu kpɔn gɛnɛ̨ɛ ŋɛ̨i kaa, gáá gəlee tooi ə́ yee ŋą, yili ɓə yá gɔlɔn na yɛ́ diɛ ɲą́ą́ ɓə a Yai-Laa.»

Tɔɔɓɛlaa dɔlɔɔ 20:28

Yálá nwɔ nui ə mąą lɛɠɛ Israɛlə tɔɔmun ma, yɛ mą: «Yii Yai-Laa ə mo ya ka: Yii Aramə nuą diɛ Yai-Laa kaa a yee hu Yálá, hvo a nɛ̨ŋɛ̨ hu Yálá; gáá nu kpulu ŋɛ̨i kəlee lɔi ə́ yee ŋą ə gɛ ka gɔlɔn kaa diɛ: Ɲą́ą́ ɓə a Yai-Laa.»

Tɔɔɓɛlaa veelɛ 4:1

Yálá kwəi mɛ̨nį hukulɔ mun da nɛ̨ą ə pa a yələ ta, yɛ Elise ɓa: «Elise! Ə́ kili kaa ɉu yɛ́ ə́ wɔ tímun da nɛ̨ą ɓaa a ɲą́ą́, kɛlaa, aa haa. Yaan, ə́ gɔlɔn yɛ́ diɛ, ə kɛi ɲɔw Yai-Laa ɓa. Ya ka tii, nuąi kwələ tɔɔ mą, dɔ̨nɔ̨ aa pa, yɛ ə nónnii hveelɛi ŋɛ̨i həɠə a doláá.»

Tɔɔɓɛlaa veelɛ 4:27

Nɛ̨ɛ̨nui ə tɛ ə həli Elise ɓa ɲee nwuɔ̨, ə pu Elise kɔ́wɔ mu, yɛ ɲee yɛɛ a Elise kɔ́wɔ. Gehazi ə lɛɠɛ laa yɛ kɛ ə ɲee kulɔ Yálá nwɔ nui kɔ́wɔ ɓa. Kɛlaa, Elise yɛ Gehazi ɓa: «Nɛ̨ɛ̨nui ŋɛ̨i lɛɛ laa, liihələn gwəi kɛnɛ̨ a hvə mą, Yai-Laa aa mɛ̨nįi tii loo mą́ą́, hvo nɛ li mą́ą́.»

Tɔɔɓɛlaa veelɛ 4:7

Nɛ̨ɛ̨nui tii ə li ə ɉukulɔ Yálá nwɔ nui ɓa, yili yɛ mą: «'Lí ə́ nwulɔ ta lɔwɔ́tɔɔ, ə́ ə́ mąą kwələ kulɔ la, yili pulu, ka ə́ lonnii ka ka wɔ yɛnɛ̨ɛ̨ kɛ gbəli hu.»

Tɔɔɓɛlaa veelɛ 6:10

Nąąlɔwai, Israɛlə tɔɔmun a nuą tɛɛ pələ takpɛli, ɓɛ pələi Yálá nwɔ nui a kɛ mą di tɛɛ la. Elise ə kəi tɔɔmun gilaa pɔ̨nɔ̨, yili yɛ ɓo kɛa gili mɛ̨i. Di gɛi kɛ tii gee mɛ̨i tamąą.

Tɔɔɓɛlaa veelɛ 6:12

Gɔkuláá tɔ̨nɔ̨ yɛ mą: «Nwɔ́ mɛ̨nį nąmu tɔɔmun, yili mąą nu ta hvo ku lɔwai. Kɛlaa, Elise ŋɛ̨i a Yálá kwəi mɛ̨nį hukulɔ mun Israɛlə lɔi hu, ya ɓə a kɛ mɛ̨nįi tii kɛi, ɉə kaa mą, wooɠaa kpɔ yá kɛ moi ə́ yəi bɛlɛ́n ə́ laai lɔwai, ə gəlee hukulɔ Israɛlə tɔɔmun mą.»

Tɔɔɓɛlaa veelɛ 6:8

Kɔ ə kɛ Aramə tɔɔmun da Israɛlə di lɔwai, ɓɛlɔwai Aramə tɔɔmun da nwɔ kɔ́kulááɠaa da di nwɔ nwun dɔɔi kɛ la, diɛ kɛ mą: «Ka gwə li gu gɔ́laɠa pɛlɛ ɓɛ yii!»

Zôo 5:12

A gbáná nuą di wɔ kiliŋąhiɛ hukala, mɛ̨nįɠaai di gili tee di kwəi, gəlee hu a kala di yəi.

Mąątɛ̨nɛ̨ 33:10

Yai-Laa ə lɔiɠaa kwəi kiliɠaa hukala, mɛ̨nįɠaai nuą di mąąkili tee di kwəi, ə di lɛɛ a kpɛli.

Hanwon 22:12

Yai-Laa a mɛ̨nį kɔ́lɔn ŋąą leelee mɛ̨i kaa, yɛ nu ɲɔ̨nwɔ̨ɔ̨ɠaa woo mąą kpoloon.

Ɉeremi 11:18

Ɓɛlɔwai Yai-Laa, ə́ nwə́li lon doo la ɉu, gɛ́ gbaɠala kaa, nąąlɔwai ɓə ŋį́ di wɔ gbanalaai kaa la.

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,