Tɔɔɓɛlaa veelɛ 6:31 - Yálá laawoo hɛɓɛ (dc)

³¹ Yili pulu, tɔɔmun ə gwɛla, yɛ mą: «Háákələi, Safatə lon Elise nwunganin a lɛɛ ŋą, Yálá hvo yɛnɛ̨ɛ̨ nɛ̨ɛ̨ mą́ą́!»

Yálá laawoo hɛɓɛ

³¹ Yili pulu, tɔɔmun ə gwɛla, yɛ mą: «Háákələi, Safatə lon Elise nwunganin a lɛɛ ŋą, Yálá hvo yɛnɛ̨ɛ̨ nɛ̨ɛ̨ mą́ą́!»

Bible

³¹ È mò ǹyɛɛi, “Ɣâla é ŋ́gula maa kɛ́ a ŋánaa à kɛ̀ Safa ǹóŋ Ilasa ŋuŋ a sâa lɛ̀ɛ gâraŋ ŋa!”

Tɔɔɓɛlaa veelɛ 6:31 ပူးပေါင်းရင်းမြစ်များ

Samia Veerɛi 19:13

Ka káá a gááyɔwɔa, gu kaa a nu huwu tɔ̨nɔ̨. Lə mɛ̨nį ɓa, ka lɛɛ pulu, tɔɔmun bulu pənə mɛ̨nį hu, yɛ pa bɔɔli?›»

Samia Veerɛi 3:35

Nu kəlee di pa ə gɛ, Davidə ə kɔ̨nɔ̨n golo mįi, ɓɛlɔwai tii hvóló ə kɛ nií la yələi. Kɛlaa, Davidə aa kɛ gwɛla, yɛ kɛ diɛ: «Yálá ə mɛ̨nį huwui lɔpee gəlee laa mą́ą́, a kɛ ŋą́ lɛɠɛ hɛn da ɓa, a wala kɛ tii, akɛ ŋą́ hɛn nɔpee ta kɔ́ɔn, akɛ hvóló hvo nii too li.»

Samia Veerɛi 3:9

Yálá ə Avnɛrə hon a pələi lɔpee, akɛ mɛ̨nįi Yai-Laa ə gwɛla la Davidə ɓa, ŋą́ wala gɛ ma.

Tɔɔɓɛlaa dɔlɔɔ 18:17

Eli kaai Akabə ə mo, yɛ mą: «Eli! Yɛ́ ɓəi! Yɛ́i yáá kpalo ɓɛla Israɛlə ɓa yɛ́ ɓəi!»

Tɔɔɓɛlaa dɔlɔɔ 19:2

Ɉezabɛlə ə nu ta tɔɔ Eli pɔ, yɛ mą: «'Li, yɛ́ Eli ɓa: ‹Ɉezabɛlə aa gwɛla a nwɔ haliɠaa kəlee laa, yɛ diɛ: «Tinąą, ɓɛlɔwai, mɛ̨nįi tii ə́ naa Baalə laa yəlikɛ nuąi diɛ, a da laa yɛ́.»›»

Tɔɔɓɛlaa dɔlɔɔ 2:23

Tɔɔmun Salomɔn ə gwɛla, a Yai-Laa laa; yɛ diɛ: «Nwooi ŋɛ̨i Adoniasə ə mo, nwun nɛɛ ɉu, Yai-Laa hvo mɛ̨́i kaa!

Tɔɔɓɛlaa dɔlɔɔ 20:10

Bɛn-Hadadə ə pənə nwɔ̨nɔ̨ ə di tɔɔ, yɛ diɛ, ka li kaa mą: «Yiihui, Samari lɔi a wala wolo nąą hvo lɛɛ a muluun gbala, ną́nni di wɔ haliɠaai di báá.»

Tɔɔɓɛlaa dɔlɔɔ 22:8

Kɛlaa, Israɛlə tɔɔmun yɛ Ɉosafatə ɓa: «Hulɔnu ta kaa ɓɛ, gwa pɛli Yai-Laa mąąnin gɛi bɔ pələ, kɛlaa, nwɛ́i, nwɛli hvo mą́ą́; Mąąhɔlɔɓo, mɛ̨nįi a ɉəɠə Yálá la yɛ mo, hva kɛ a nɛlɛɛ yɛ hvilɛn na mą́ą́, ɲɔ̨nwɔ̨ɔ̨ lɔ ɓə a kɛ moi a hvóló kəlee. Mąą hulɔnui ɓaa: Yimla lon Mise.» Ɉosafatə yɛ tɔɔmun ma: «Tɔɔmun hvo kɛ gaa yili ɓoi tii.»

Tɔɔɓɛlaa veelɛ 5:20

Gehazi yai a Yálá nwɔ nu ŋą tímun, yɛ gbɔwɔ ɓa: «Gálamɔ̨ɔ̨ hvo gɛ li hvo ɲee hee Aramə mun Naaman nwɔ mɛ̨inɛ̨ɛ̨ mu, yai ə paa la bɔ; yii kpɔ Yai-Laa kaa a vulú, gáá gilɛ həɠəi ŋą́ laŋąn mą, ə gɛ, ŋą́ hɛn da hon ɲəi.»

Hanwon 16:14

Tɔɔmun nii a holi, nu paa nuą too hiɛ li, Kɛlaa, kilimąą mun a tɔɔmun ɉu hon.

Ɉeremi 38:4

Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Ɉaan 11:50

Ka hvo gɔlɔn kaa diɛ: mąąnɛ̨ɛ̨ nu tɔ̨nɔ̨ ə haa nɔi nuą mąą mɛ̨nį ɓa, ə tɛɛ nɔi nuą kəlee haa ɓa?»

Rutə 1:17

Ɓɛi yá haa laa, nąą ɓə ŋą́ haa la di nóó laa. Akɛ haa a wala gu ɓɛlaɓo, ŋą́ həɠə ə́ pulu, Yai-Laa hvo mɛ̨́i kaa, akɛ ŋą́ həɠə ə́ pulu, ŋą́ həɠə gbə́lə yá ɲɛ̨i tɔwɔ.»

Samuɛlə dɔlɔɔ 14:44

Saulə yɛ Ɉonatan ɓa: «Ɉonatan, ya wala haa Yálá ə mɛ̨nį nwąnąą kɛnɛ̨ laa mą́ą́.»

Samuɛlə dɔlɔɔ 25:22

Mɛ̨nįi mąąnɛ̨ɛ̨ Yálá ə naa Davidə ɲowoɠaa diɛ, ə naa Davidə ɓa, akɛ Navalə yəi bɛlɛ́n mun dɔ̨nɔ̨ kpɛli a lɛɛ a vulú yələ ə ɓɔ.»

Samuɛlə dɔlɔɔ 3:17

Eli yɛ mą: «Lə mɛ̨nį ɓə ə mo yɛ́, hvo ɲɔw mą́ą́, nɛ̨ɛ̨ yɛ́ mɛ̨nįɠaai Yálá ə mo yɛ, Yá wala gəlee hukulɔ mą́ą́, yá dɔ̨nɔ̨ kpɛli lɛɛ pulu, Yálá ə mɛ̨nį huwu lɔpee gəlee laa yɛ́.»