Tɔɔɓɛlaa veelɛ 6:17 - Yálá laawoo hɛɓɛ (dc)

¹⁷ Elise ə Yálá hvɛli yɛ mą: «Nui ŋɛ̨i ɲɛ̨i həɠə mą, ə kɛɛ kaa.» Yai-Laa ə Elise nwɔ tímun ɲɛ̨i həɠə mą; yɛ gaa ɲɛ̨i kɛi, nwɔ̨n nwotoloɠaa da hooɠaa diɛ ɓə ə di kaa, gəlee daa Elise mąątínɛ̨n.

Yálá laawoo hɛɓɛ

¹⁷ Elise ə Yálá hvɛli yɛ mą: «Nui ŋɛ̨i ɲɛ̨i həɠə mą, ə kɛɛ kaa.» Yai-Laa ə Elise nwɔ tímun ɲɛ̨i həɠə mą; yɛ gaa ɲɛ̨i kɛi, nwɔ̨n nwotoloɠaa da hooɠaa diɛ ɓə ə di kaa, gəlee daa Elise mąątínɛ̨n.

Bible

¹⁷ Nya ƃe Ilasa è Yâwɛɛ fɛ̀li ǹyɛɛ mai, “Óo Yâwɛɛ, ŋ̀ɛ́i la ƃó a gɛɛ é kwaa káa.” Yâwɛɛ è Ilasa yée mu-nuui ŋɛ́i lá ƃò é naa káa é gáa a gɛɛ ǹyéei ma gwaa kélee láa è kɛ̀ a vɛ́ɛ a soo-ŋa da kɔ́-kɔ keleŋ-ŋa ŋɔŋ kɛ́ ƃò dîa, dí tínaŋɔɔ Ilasa kɔlɛ ma gwaa kélee.

Tɔɔɓɛlaa veelɛ 6:17 ပူးပေါင်းရင်းမြစ်များ

Zɛnɛse 21:19

Yálá ə Hagarə ŋɛ̨i pɔ̨nɔ̨ yálɔwa ta ɓa, Hagarə ə li ə di wɔ ya pu hɛn tii laa hvɛɛ, ə da tɔɔ non na.

Zɛnɛse 32:1

Mąą yələ laa ɓoɔ, Laban da nonnii nɛ̨ąą, ɛlɛɛ da mąnįnni di di hvɛli, di ɲələwala kɛ di kee ɓa, ə lúwɔ́ too diɛ, yili pulu, ə pənə yɛ li.

Zɛnɛse 32:2

Ɉakɔbə yaa kpɛli, ə tɛɛ yɛ li, da Yálá nwɔ malakaɠaa di kwiɛn.

Zɛnɛse 32:3

Ɉakɔbə ə di kaa lɔ, ə tómą kpɔ kɛnɛ̨, yɛ diɛ: «Yálá nwɔ kɔ́ ɓuwu la ka» ə gɛɛnąąi tii laa hee a Mahanaimə.

Tɔɔɓɛlaa veelɛ 2:11

Di kɛɛ líi, diɛ mɛ̨nįi tii ɓo, wotolo tɔ̨nɔ̨, da hooɠaa di ɓo a nwɔ̨n, di kulɔ, di Eli da Elise di ɓɛlaɓo, ɉigilin ə Eli həɠə yɛ tɛ la yələkɔlɔn ɉu.

Mąątɛ̨nɛ̨ 104:3

A nwɔ pɛlɛ́ɠaai tɔɔ yáɠaa mɛ̨i yələi pələ; yɛ tulɔ kpinįnŋaa kɛ a ɉiɛ wotolo; yɛ hiɛ kulɔ hvaŋą hu.

Mąątɛ̨nɛ̨ 104:4

Yɛ hvaŋąɠaa kɛ a nwɔ tí nuą, nwɔ̨n nənŋaa di ɓo a nwɔ kɛlaɠaa.

Mąątɛ̨nɛ̨ 119:18

Ɲɛ̨́i hvoloon, gɛ́ pɛli, ə́ wɔ tɔn nwooi lɛlɛ pələ kaai.

Mąątɛ̨nɛ̨ 125:2

Ɉerusalɛmə mąątinɛ̨nŋąąi a yeeɠaa; bələ ɓə Yai-Laa a ɲee koloon dee la nwɔ nuą diɛ, ə həɠə yiihu ɓa, ə lɛɛ ɉu ɲɛ̨n deei hvo mą.

Mąątɛ̨nɛ̨ 34:7

Ə mą kɛ mąąwɛlimun mə, a Yai-Laa təli lɔ, aa mąn nwoo mu hon, yɛ gulɔ ganąn mɛ̨nįɠaa hu.

Mąątɛ̨nɛ̨ 68:17

Yee nwun damąą ɲąɠaa, lə mɛ̨nį ɓa ka tɛɠɛɓo, Yálá nwɔ yeei hu, a ɲeei tii Yálá kaa bɔ ə hee mɛ̨i? A tɛ̨ą, Yai-Laa kaa pai heei laa, a yələ kəlee mɛ̨nį.

Mąątɛ̨nɛ̨ 91:11

Mąąhɔlɔɓo, gaa pai nwɔ malakaɠaa tíi, diɛ di ɲɛ̨i kɛ yɛ́, ə́ tɛɛ pələ kəlee hu.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Azaya 42:7

Yɛ́ ɲɛ̨ipu nuą ɲɛ̨i hvólóon, yɛ́ gaho nąmįną kulɔ di wɔ gahoi ŋą, nuąi kpinį pɛlɛ́ mu kpono ŋą, yɛ́ di kulɔ laa.

Danîa 10:7

Ɲą́ą́ Daniɛlə, ɲą́ą́ dɔ̨nɔ̨ gbən ma gɛɛi tii kaa. Nuą ŋɛ̨i kɛ gwɛ́lɛ, di hvo gaa. Kɛlaa ə mą kɛ tii, di ɲɔw di gilɛ həɠə diɛ li di loɔi.

Zakari 1:8

Ŋą́ kwɛlɛɛn gɛɛ kaa háá kpįnįi: hulɔnu ta ə ɓo hoo kpɔlu mɛ̨i. Ə kɛ tɔɔni ɓoloon ɉu, wuluɠaa lɔwai, ɛlɛɛ, hooɠaa di kɛ bulu pələ, daɠaa kpɔluɔ, daɠaa hviliiɓoɔ, daɠaa kwəlɛɛ.

Lonon mo 22:31

Yai-Laa ə Balaamə ɲɛ̨i həɠə mą, ə Yai-Laa nwɔ malakai kaa tɔɔni bələi, ɓɔwa kwɛa kulaa daai, ə ɓo ɲee ŋą. Balaamə ə nwun vilɛn, ə pɛlɛ niiɓa.

Maafîu 26:53

Hvo gɔlɔn yɛ diɛ, ŋą pɛli kɛ ŋį́ Ną́n Yálá hvɛli ə malaka kpulu kɛnɛ̨ tɛɛ di mą́ą́ kɔ́nwɔ̨?

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

M̀ɛni-lɛɛi 19:14

Gɔlaɠaɠaai yələkɔlɔn ɉu, di hvilɛnŋąą bulu, di heɛ hoo kwɛlɛɛɠaa mɛ̨i, həɠə kwɛlɛɛ pə-pə ə ɓo diɛ.

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ: