Tɔɔɓɛlaa veelɛ 6:10 - Yálá laawoo hɛɓɛ (dc)

¹⁰ Nąąlɔwai, Israɛlə tɔɔmun a nuą tɛɛ pələ takpɛli, ɓɛ pələi Yálá nwɔ nui a kɛ mą di tɛɛ la. Elise ə kəi tɔɔmun gilaa pɔ̨nɔ̨, yili yɛ ɓo kɛa gili mɛ̨i. Di gɛi kɛ tii gee mɛ̨i tamąą.

Yálá laawoo hɛɓɛ

¹⁰ Nąąlɔwai, Israɛlə tɔɔmun a nuą tɛɛ pələ takpɛli, ɓɛ pələi Yálá nwɔ nui a kɛ mą di tɛɛ la. Elise ə kəi tɔɔmun gilaa pɔ̨nɔ̨, yili yɛ ɓo kɛa gili mɛ̨i. Di gɛi kɛ tii gee mɛ̨i tamąą.

Bible

¹⁰ Eezuɛ kaloŋ è ŋ̀óo tɛ̀ɛ maa kwaai mâ Ŋ̀âla naloŋ è lòno é pîlaŋ mai. Tãi támaa gâloŋ è Eezuɛ-ŋai lia-wôo ƃò nyii-ŋai kɛ̀ gwaai ŋí mai a gɛɛ dí díkpîŋ mɛi káa a gwaa-ŋai tí ma.

Tɔɔɓɛlaa veelɛ 6:10 ပူးပေါင်းရင်းမြစ်များ

Tɔɔɓɛlaa dɔlɔɔ 20:15

Akabə ə daa kulááɠaa kəlee ɲąąkpɔn, di kɛ a nu nwun veelɛ ɲee haaɓa kɔ́w hveelɛ. Yili pulu, ə Israɛlə nuą kəlee hee kpəlin na kɛ di ɓo a hinąą waa mɛ̨ihveelɛ.

Tɔɔɓɛlaa veelɛ 13:14

Elise ə too a ɲɔ̨n, ɲɔ̨n tii ɓə ə lɛɛi ɉu. Israɛlə tɔɔmun Ɉoasə ə li bɔɔli, ə ɲɛ̨ilai pɛlɛ Elise ɲɛ̨ilai, yɛ wɔlɔ, yɛ kɛ Elise ɓa: «Ną́n! Ną́n! A Israɛlə nwɔ huwalawala da nwɔ hoo mɛ̨imun!»

Tɔɔɓɛlaa veelɛ 2:12

Elise ə kɛli gaa, yɛ tomą, yɛ kɛ mą: «Ną́n! Ną́n! Yɛ́i Israɛlə nwɔ kɔlaɠa da nwɔ wotolo!» Yii pulu Eli ə kpɛɛ Elise ɲɛ̨i, Elise ə gwaną həɠə huɓɛla ɉu hveelɛ.

Tɔɔɓɛlaa veelɛ 5:14

Nąąlɔwai, Naaman ə yɛɛ Ɉurdɛn hu, ə too ɲai gee mɛ̨i mɛ̨ihveelɛ, yɛ bələi tii Yálá nwɔ nui ə mo la mą. Gɔlɔ ə kɛ kpɔ mą yɛ hulɔn non, ɛlɛɛ, mąą ə həɠə.

Tɔɔɓɛlaa veelɛ 6:11

Mɛ̨nįi tii ə Aramə tɔɔmun gwəi pili mą, yili ə nwɔ kɔ́kulááɠaai təli, yɛ diɛ: «Akɛti, nu ta hvo ka lɔwai da Israɛlə tɔɔmun di tɔɔ?»

Tɔɔɓɛlaa veelɛ 6:9

Yálá nwɔ nui a li ə ɉukulɔ Israɛlə tɔɔmun mą, yɛ mą: «Hvo kɛ ə́ kaa lii bələ yii ŋɛ̨i pɔ pələ, mąąhɔlɔɓo, Aramə tɔɔmun a nwɔ kɔlaɠai pɛlɛ laa.»

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Hanwon 27:12

Kilaa pɔ̨nɔ̨mun, a mɛ̨nį ɲɔ̨n gaa yɛ pa, a noo; Kɛlaa, nui ɲąą hvo mą, a li lɔ nwun ɉu kun ma, yili pulu, ə ɲee kpiɛ too na.

Ɉeremi 11:18

Ɓɛlɔwai Yai-Laa, ə́ nwə́li lon doo la ɉu, gɛ́ gbaɠala kaa, nąąlɔwai ɓə ŋį́ di wɔ gbanalaai kaa la.

Maafîu 2:12

Yili pulu, Yálá ə di kilaa pono hįį pələ yɛ diɛ: «Ka hvo pənə ka hvo tɛɛ a tɔɔmun Herodə pɔɔli pələ.» Di tɛɛ a pələ ta kpɛli, diɛ li di wɔ lɔi hu.

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.