Tɔɔɓɛlaa veelɛ 5:5 - Yálá laawoo hɛɓɛ (dc)

⁵ Aramə tɔɔmun yɛ Naaman ɓa: «'Hvílɛn bələ ɓa ə́ li, gáá hɛɓɛ́ kɛi ŋą́ dɛɛ Israɛlə tɔɔmun mą.» Naaman ə tɛɛ yɛ li. Gɛɛ lii, ə wali kwələ kilə nwun ɉaaɓa həɠə, hɛni kilə pow mɛ̨ida, da hiŋɛ̨nɉəɠə pow.

Yálá laawoo hɛɓɛ

⁵ Aramə tɔɔmun yɛ Naaman ɓa: «'Hvílɛn bələ ɓa ə́ li, gáá hɛɓɛ́ kɛi ŋą́ dɛɛ Israɛlə tɔɔmun mą.» Naaman ə tɛɛ yɛ li. Gɛɛ lii, ə wali kwələ kilə nwun ɉaaɓa həɠə, hɛni kilə pow mɛ̨ida, da hiŋɛ̨nɉəɠə pow.

Bible

⁵ Siria kaloŋ è mò ǹyɛɛi, “Gɛ̀ ní, a nɛ̃ɛ ma mɛni kélee é kɛ́, ya liî. Ŋa pâi kɔlɔ pɔ̃yɛ̂i ŋá dɛɛ ípɔ a gɛɛ í lí la Eezuɛ kaloŋ pɔ́.” Nya ƃe Neema è lì a sɛŋ kâo kole kpua-kpua wála buu saaƃa, gôo kpua-kpua wála lɔ́ɔlu mɛi da, da seɣe sîi da kpɛ́ni lɛ́lɛɛ-ŋa puu.

Tɔɔɓɛlaa veelɛ 5:5 ပူးပေါင်းရင်းမြစ်များ

Zɛnɛse 11:3

Di nɛɛ mą di mo di kee ɓa diɛ mą: «Ka gu pɔlɔkɔw kɛ, gu mɔn.» Bɔlɔkɔw tii ə kɛ di yəi yɛ kwɛni, ya ɓə di kɛi bɛlɛ́ tɔɔ la. Di kɛi bɔlɔkɔw hee gee mɛ̨i a ləɠi-pɔlɔ.

Zɛnɛse 11:7

Yili ɓa, ka gu yɛɛ, ka gu di hvaa woo humo di la, ə gɛ, di hvo di kee hvaa woo ŋąą kaa.»

Zɛnɛse 45:22

Ə həɠə kɛnɛ̨ tɛitɛi tɛɛ gəlee pɔ, kɛlaa, ə Bɛnɉamɛn nwɛi kɛ a həɠə kpɛa kpɛa lɔɔli, ə bɛlɛ wali kwələ nwun ɉaaɓa ɓa.

Tɔɔɓɛlaa dɔlɔɔ 13:7

Tɔɔmun yɛ Yálá nwɔ nui ɓa: «Pa gwə li bɔ́ɔ́li, ə́ kɔ̨nɔ̨n mįi, yili pulu, ŋą́ hɛn da tɛɛ ə́ pɔ.»

Tɔɔɓɛlaa dɔlɔɔ 22:3

Israɛlə tɔɔmun aa kɛ mo nwɔ nwun nąmįną diɛ, yɛ diɛ: «Ka kili kaa ɉu kaa, Ramotə taai ŋɛ̨i Galaadə, gaa a gu wɔɔ kɛlɛi? Lə mɛ̨nį ɓa, ka gu hvo ɉəɠəi Aramə tɔɔmun ɲəi?.»

Tɔɔɓɛlaa veelɛ 4:42

Hulɔnu ta ə həɠə Baalə-Salisa yɛ pa, nɛɠɛ ŋɛ̨i da naakwɛlanmo Yálá ɓa a hɛn dɔlɔɔ, ə ɓo ɲəi. Ə kɛ a kpai lɛɠɛ mɔ̨n ŋąą pow hveelɛ, da mɔ̨nun nįnɛ̨, ə kɛ ɲəi ɓíi hu. Elise yɛ mą: «Ŋąąkwɛlɛ nuą diɛ, di mįi.»

Tɔɔɓɛlaa veelɛ 5:4

Nwoo tii mɛ̨n Naaman ə mo, ə li ə ɉukulɔ nwɔ tɔɔmun mą, yɛ mą: «Mɛ̨nįi Israɛlə nɛ̨ɛ̨non ə mo yaa li!»

Tɔɔɓɛlaa veelɛ 5:6

Lii ə mo, ə ɉɛɓɛ́ tɛɛ Israɛlə tɔɔmun bɔ. Ɉɛɓɛ́ hu woo ka ŋɛ̨i, yɛ mą: «Gáá nwɔ́ tímun tɔɔ ə́ pɔ, yá ɉɛɓɛ́i ŋɛ̨i hɔlɔɓo lɔ, ə́ malo, ə́ kulɔ volóɲɔ̨n ŋɛ̨i yəi.»

Hanwon 18:16

Hąmą pilɛ a pɛlɛ́ kəlee laa ɓo, yɛ nu lɔ tɔɔɓɛlaa yəi bɛlɛ́n.

Ikilisiati 2:1

Ŋą́ kɛ gbɔwɔ ɓa: «Hɛn kpɔ Yɛnɛ̨ɛ̨ ɓɛ kwəinɛ̨ɛ̨ a dɛɛ nu pɔ, hvo kɛli ŋą́ gɔlɔn, da bɔ ɲąąnɛ̨ɛ̨.» A tɛ̨ą, yili yaa kpɛli gaa lɔ a kpɛli-kpɛli mɛ̨nį.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Lonon mo 22:7

Moabə nu kpɛa-kpɛa, da Madian nu kpɛa-kpɛa di hvilɛn bələ ɓa. Hɛn kpɔ da pɛli dɔlu kpɛmun hvɛla kulɔi la, di ɉəɠə. Di li di həli Balaamə ɓa. Di Balakə wooɠaa tii laa həli mą.

Zĩi 4:13

Ka ka wəli tɔɔ, kaai ka kɛ kɛi ma: «Háákələi a wala kɛ ti tinąą, ku kaa pai lii daa yiihu, ku kwɛlan dɔ̨nɔ̨ kɛ laa, ku yɔw kɛ, ku wali hɔlɔɓo.»

Nwun mąąɓo 14:12

Samsɔn yɛ ɉilɛlɛai tii diɛ: «Gáá hanwon da hɔɔi kaa, ka mukulɔ ɉɛli hvóló mɛ̨ihveelɛi ŋɛ̨i yee mu, ŋą́ hiŋɛ̨nɉəɠə pow haaɓa tɛɛ ka pɔ, da hɛli həɠə pow haaɓa.