Tɔɔɓɛlaa veelɛ 5:24 - Yálá laawoo hɛɓɛ (dc)

²⁴ Həlii di mo Ofɛlə, Gehazi ə mii hveelɛi tii həɠə nuą yəi, ə li ə ɉee ɲəi bɛlɛ́n. Nu hveelɛi tii di pənə də li.

Yálá laawoo hɛɓɛ

²⁴ Həlii di mo Ofɛlə, Gehazi ə mii hveelɛi tii həɠə nuą yəi, ə li ə ɉee ɲəi bɛlɛ́n. Nu hveelɛi tii di pənə də li.

Bible

²⁴ Tãi Geaza è pà la ǹyéei mai, è zãâi kùla Neema yée-mu-ƃelai yêei é dí lɔ́ Ilasa ŋɔpɛ́ri mu. È mò gbakolo-ŋai dîa a gɛɛ dí lí. Diaŋ dí lì.

Tɔɔɓɛlaa veelɛ 5:24 ပူးပေါင်းရင်းမြစ်များ

Tɔɔɓɛlaa dɔlɔɔ 21:16

Bələ mɛ̨n Akabə ə mo, ə muhəɠə yɛ li Izreɛlə mun Nabɔtə nwɔ viɲə yɛai həɠəi a nwɔɔ.

Azaya 29:15

Kpalo ɓɛlaai nuąi tii diɛ, diɛi da kɛ mɛ̨nįɠaa kɛi loo pələi, diɛ di wɔ mɛ̨nįɠaai loo Yai-Laa ɓa; diɛ di wɔ lɔwɔi tɔɔ kpiníi, di woo laa diɛ nąąlɔwai: «Gbɛɛ ɓə ku kaai, ɛlɛɛ, gbɛɛ ɓə ku kɔ́lɔn?»

Habakukə 2:6

Nɔiɠaa tii da di hon diɛ ɓo di yee mu, di kaa pai yɛlɛ kulɔ ɉu wooɠaa ɓoi di laa mɛ̨i. Nɔiɠaa tii kaa pai kɛi mą: Kpalo ɓɛlaai kaa kaai nu takpɛliɠaa yəi hɛn gɔw nwuɔ̨i kaa dɛ gee ɓa kaa di yəi hɛnŋąą həɠə a tolaa. Ka káá pai lɛɛi yili kɛi tii, ə lɛɛ ɉu, mįnɛ̨ lɔwai?

Zasua 7:1

Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Zasua 7:21

Gɔ pulu hɛnŋąąi tii lɔwai, ŋį́ lɔ́həɠə lɛlɛɛ ta kaa laa, yii da həɠə la Sinearə; wali kwələ nwun veelɛ, da hɛni kpuwulu kɛnɛ̨ yii kɛ mu wia kpɔ kɛnɛ̨. Ɲɛ̨́i ə kulɔ bɔ, ŋį́ ɉəɠə, ŋį́ li la, ŋą́ di loo nwɔ́ həɠə pɛ́lɛ́i ɉąąi, nwɔ̨n dinįi; nwali tii kaa laani ɉɛnəŋąą mu nɔi mu.»