Tɔɔɓɛlaa veelɛ 5:23 - Yálá laawoo hɛɓɛ (dc)

²³ Naaman yɛ mą: «Əi! Wali kwələ pow mɛ̨ida ka.» Naaman ə nwali da ɉəɠəɠaa tii pu ɓíi hveelɛ hu, ə dɛɛ nu hveelɛ pɔ, ə kpala Gehazi la, yɛ mą: «'Lí la», nu hveelɛi tii di ɉəɠə, da diɛni diɛ li.

Yálá laawoo hɛɓɛ

²³ Naaman yɛ mą: «Əi! Wali kwələ pow mɛ̨ida ka.» Naaman ə nwali da ɉəɠəɠaa tii pu ɓíi hveelɛ hu, ə dɛɛ nu hveelɛ pɔ, ə kpala Gehazi la, yɛ mą: «'Lí la», nu hveelɛi tii di ɉəɠə, da diɛni diɛ li.

Bible

²³ Neema è zu tòo ǹyɛɛi, “Sɛŋ kâo kole kpua-kpua wála lɔ́ɔlu mɛi da síɣe.” È Geaza kperâi fè a gɛɛ é dí síɣe. Neema è dí pù ƃɔrɔ feerɛ su é dí lá ɣíri é bɛlɛ seɣe ma fáleŋ seɣe feerɛ ma. È dí tɛ̀ɛ ǹyée-mu-ƃelai veeerɛ pɔ́. Dí lì a dia Geaza tuɛ.

Tɔɔɓɛlaa veelɛ 5:23 ပူးပေါင်းရင်းမြစ်များ

Zɛnɛse 33:11

Mɛ̨inɛ̨ɛ̨ ŋɛ̨i ŋį́ paa la, ə́ yee hee mu. Mąąhɔlɔɓo, Yálá ə ɲɛ̨i lɛlɛɛ hee mą́ą́, yii kpɔ ŋį́ kɛ bɔ, gəlee kaa ɲə́i.» Ɉakɔbə ə kpala kpɔ Esau la, yili ə ɲee hee mu.

Tɔɔɓɛlaa dɔlɔɔ 20:7

Israɛlə tɔɔmun ə nɔi nu kpɛa kpɛaa kəlee ŋąąkpɔn, yɛ diɛ: «Mɛ̨nį ɲɔ̨n ɉulɔnui ŋɛ̨i kaa gwɛ́lii la, kaa gaa? Aa nɛ̨́ąni, nónnii, nwɔ́ waliɠaa da ɉɛniɠaa gəlee həɠə.»

Tɔɔɓɛlaa veelɛ 12:10

Ɉaláá laa həli mun Yohoyada ə kəhi ta həɠə, ə nwolo ɓɔ naawulun mɛ̨i, ə ɉee ɉaláá kulɔ taɓali kwɛlɛ, nu a kɛi lɔ Yai-Laa yəi bɛlɛ́n, ɓa-mįi-yee hu pələ. Ɉaláá laa həli nuąi kɛi di ɲɛ̨i kɛ bɛlɛ́ laaləi, walii kpɔ di kɛi paa la Yai-Laa yəi bɛlɛ́n, di kɛi doo gəhii tii hu.

Tɔɔɓɛlaa veelɛ 2:17

Kɛlaa, di kpala pələi tii na, ə lɛɛ ɉu yɛ diɛ: «Ee! Ka di tɔɔ kani.» Di nɛɛ mą di nu pow lɔɔlii tii tɔɔ, di li di Eli kwɛli hvóló haaɓa yee mu, di hvo gaa.

Tɔɔɓɛlaa veelɛ 5:16

Elise yɛ mą: «Yai-Laa ŋɛ̨i gáá a nwɔ tímun, yai kpɔ gaa a vulú, naa hu, ɲéé hvo hɛn da mu.» Naaman ə kpala kpɔ Elise la, kɛlaa, lolo hvo kpɔ gɛ hvo ɲee hee hɛn da mu.

Tɔɔɓɛlaa veelɛ 5:5

Aramə tɔɔmun yɛ Naaman ɓa: «'Hvílɛn bələ ɓa ə́ li, gáá hɛɓɛ́ kɛi ŋą́ dɛɛ Israɛlə tɔɔmun mą.» Naaman ə tɛɛ yɛ li. Gɛɛ lii, ə wali kwələ kilə nwun ɉaaɓa həɠə, hɛni kilə pow mɛ̨ida, da hiŋɛ̨nɉəɠə pow.

Tɔɔɓɛlaa veelɛ 6:3

Dɔ̨nɔ̨ yɛ mą: «Nán! Hvaa mą gwa kaani gwəli.» Elise yɛ diɛ: «Ŋą́ą́ hvaa mą.»

Azaya 30:6

Mɛ̨nįi di naa həli Negɛvə huwɔɠaa diɛ. Di kaa tɛɛi mɔ̨nɔ̨ lɔi hu, da liihɛlɛn nɔi, a nɔi hu kpalaai, yala haa da yala hilɛ, tumu da yileen di taa ŋą, diɛ li a di yəi hɛn gɔwɠaa da di yəi waliɠaa, hoohvaalənŋąą mɛ̨i, da ɲɔɔmɛ̨ɛ̨ɠaa mɛ̨i, diɛ dɛɛ nu huwui dɔlɔ hvo pai həli Israɛlə ɓa, bɔ.

Lukə 11:54

Di kɛi gbąną laa mąąni kɛɠaa kɛ mą, əgɛ, di ɉon nwoo hu.