Tɔɔɓɛlaa veelɛ 5:22 - Yálá laawoo hɛɓɛ (dc)

²² Gehazi yɛ mą: «Ɲɔ̨nwɔ̨ɔ̨ hvo ɉu! Gálamɔ̨ɔ̨ ɓə dɔ́ɔ́, yɛ: ‹Yálá kwəi mɛ̨nį hukulɔ nuą lonnii a hilɛlɛa hveelɛ, daa həɠə Ɛfraimə yee hu daa pa. Gáá ɉuhvɛlii yɛ́, ə́ wali kwələ pow haaɓa, da hiŋɛ̨nɉəɠə hveelɛ tɛɛ, nuąi tii mąą mɛ̨nį ɓa.›»

Yálá laawoo hɛɓɛ

²² Gehazi yɛ mą: «Ɲɔ̨nwɔ̨ɔ̨ hvo ɉu! Gálamɔ̨ɔ̨ ɓə dɔ́ɔ́, yɛ: ‹Yálá kwəi mɛ̨nį hukulɔ nuą lonnii a hilɛlɛa hveelɛ, daa həɠə Ɛfraimə yee hu daa pa. Gáá ɉuhvɛlii yɛ́, ə́ wali kwələ pow haaɓa, da hiŋɛ̨nɉəɠə hveelɛ tɛɛ, nuąi tii mąą mɛ̨nį ɓa.›»

Bible

²² Geaza è zu tòo ǹyɛɛi, “Mɛni nyɔ́mɔɔ fé naa. Ŋánuu-namui è ńdɛ̀ɛ ípɔ naa ǹyɛɛi, ‘Ɣâla ŋɔlóno-kɛ-ƃela kpului su kpakoloi veerɛ dí pà ḿbɔ naa lonii ma dí kúla Ifiraŋ, ǹyée lɔii su. Kpera yɛ̂ɛ, sɛŋ kâo kole kpua-kpua wála saaƃa da seɣe maa fáleŋ seɣe feerɛ tɛ́ɛ ḿî, ŋá dɛɛ dí pɔ́.’ ”

Tɔɔɓɛlaa veelɛ 5:22 ပူးပေါင်းရင်းမြစ်များ

Tɔɔɓɛlaa dɔlɔɔ 13:18

Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Tɔɔɓɛlaa dɔlɔɔ 20:35

Yai-Laa ə gwəi mɛ̨nį hukulɔ nuą di wɔ kalan non dɔ̨nɔ̨ tí, yili yɛ mɛlan ma: «Gɛ́lɛ!» Kɛlaa, mɛlan və gɛ hvo gɛlɛ.

Tɔɔɓɛlaa dɔlɔɔ 20:39

Yii kɛa tɔɔmun ə kɛi tɛɛ, ə tomą, yɛ mą: «Tɔɔmun, ə́ wɔ luwɔi ni di həɠə kɔ́ mɛ̨i diɛ pa, ya ka tii nu ta ə kulɔ mɛlaa pɔ, ə pa a hulɔnu ta, yɛ mą́ą́: ‹Ə́ ɲɛ̨i kɛi nui ŋɛ̨i ɓa, a pili, ə́ nwun a lɛɛ ɉu, a wala kɛ tii wali kwələ waa haaɓa ɓə ya gbɛɛ la.›

Tɔɔɓɛlaa veelɛ 2:15

Yálá kwəi mɛ̨nį hukulɔ nuą di wɔ kalan nɛa ŋɛ̨i kɛ Ɉeriko, yii kɛa di gaa tii, diɛ di kee ɓa: «Yálá nwɔ Kilii ŋɛ̨i kɛ Eli yəi, yɛ Yálá kwəi mɛ̨nį ɓo la, aa lɔ Elise hu.» Di nɛɛ mą, di pa, di Elise laakwiɛn, di pɛlɛ nɔi ɓa di kwɛli hvilɛn mą;

Tɔɔɓɛlaa veelɛ 2:3

Yálá kwəi mɛ̨nį hukulɔ nuą di wɔ kalan nəai kɛ Betɛlə, di di mąą lɛɠɛ Elise ɓa, diɛ mą: «Ə kili kaa ɉu yɛ́ kələi ɓə Yai-Laa kaa ə́ kalamɔ̨ɔ̨ həɠəi la ə́ mɛ̨i?» Yɛ diɛ: «Gíli kaa tii ɉu; ka ka laa pilɛ.»

Tɔɔɓɛlaa veelɛ 2:5

Yálá kwəi mɛ̨nį hukulɔ nuą di wɔ kalan nɛa di kɛ Ɉeriko, diɛ Elise ɓa: «Ə́ kili kaa ɉu yɛ́ kɛ háákələi ɓə Yai-Laa kaa ə́ wɔ kalamɔ̨ɔ̨ həɠəi la ə́ nwun mɛ̨i?» Elise yɛ diɛ: «Gíli kaa kpɔ tii ɉu, ka ka laa pilɛ.»

Tɔɔɓɛlaa veelɛ 2:7

Yálá kwəi mɛ̨nį hukulɔ nuą nu pow lɔɔli di li di hee Ɉurdɛn kwɛlɛ, di mąą ta wolo kwɛaa Eli da Elise diɛ.

Tɔɔɓɛlaa veelɛ 4:26

Gilɛ həɠə, ə́ li ə́ naakwiɛn, yɛ mą: «Gu mɛ̨n! Nąą bələ lɛlɛɛi? Ə́ hilɛ kaa laa kpɛli? Nokolo kɔ́lɔi pɔ̨nɔ̨ɔi?» Nɛ̨ɛ̨nui tii yɛ Gehazi ɓa: «Nuą kəlee kaa laa kpɛli!»

Tɔɔɓɛlaa veelɛ 5:21

Gehazi ə tɛɛ a gilɛ, ə hvilɛn Naaman pulu. Yii kɛa Naaman ə gaa yɛ pa a gilɛ, ə kulɔ nwotolo hu, yɛ li naakwiɛn ɉii. Yɛ Gehazi ɓa: «Gu mɛ̨n?»

Tɔɔɓɛlaa veelɛ 5:25

Gehazi ə pa kɛa ə həli galamɔ̨ɔ̨ Elise ɓa. Yili yɛ mą: «Gehazi! Ə́ həɠə mį?» Gehazi yɛ mą: «Ə́ wɔ luwɔi hvo ni li li kɛɛnąą ta.»

Tɔɔɓɛlaa veelɛ 5:5

Aramə tɔɔmun yɛ Naaman ɓa: «'Hvílɛn bələ ɓa ə́ li, gáá hɛɓɛ́ kɛi ŋą́ dɛɛ Israɛlə tɔɔmun mą.» Naaman ə tɛɛ yɛ li. Gɛɛ lii, ə wali kwələ kilə nwun ɉaaɓa həɠə, hɛni kilə pow mɛ̨ida, da hiŋɛ̨nɉəɠə pow.

Azaya 59:3

Mąąhɔlɔɓo, ɲąmą kaa ka yəi ɲą, ka yeekpuoɠaa mąą luwuɔ a nɛ̨ŋɛ̨n, lɛɛ woo ɓə a kulɔ ka la, nu ɓowo woo ɓə ka laaləi a naa tee mą.

Ɉeremi 9:3

Nu kəlee ə gbɔwɔ mɛ̨i kaa mɛlan dɔwɔ. Ka hvo ka kili lɛɛ ka nąn non ma, mąąhɔlɔɓo, nąn non gəlee kaa gee ɓa a kɔ́. Nui ka yáá ka káá ka kee pɔ yɛ ə́ laa mąą hiɛ.

Ɉeremi 9:5

Hulu mɛ̨nį, too mɛ̨i, yili lɔ ɓə kɛa di yee pɔ, di hva kɛa tɛ̨ą ɓo, di hvo bɔ di hvo Yai-Laa kɔ́lɔn. Ɲą́ą́ Yai-Laa nwóó li.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Zasua 24:33

Aarɔn lon Eleazarə ə haa di noo Givea daai, non Pinasə hee taa li kɛ. Di tá gɛɛnąą tii tɛɛ bɔ Ɛfraimə yee ɓa.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Nwun mąąɓo 14:12

Samsɔn yɛ ɉilɛlɛai tii diɛ: «Gáá hanwon da hɔɔi kaa, ka mukulɔ ɉɛli hvóló mɛ̨ihveelɛi ŋɛ̨i yee mu, ŋą́ hiŋɛ̨nɉəɠə pow haaɓa tɛɛ ka pɔ, da hɛli həɠə pow haaɓa.