Tɔɔɓɛlaa veelɛ 5:13 - Yálá laawoo hɛɓɛ (dc)

¹³ Bɔ nuą di lɛɠɛ mą, diɛ mą: «Nán, akɛti, Yálá kwəi mɛ̨nį hukulɔ mun a kɛ kɛ yɛ́ mɛ̨nį kɛnɛ̨ ta kɛ, hvə́li mɔ̨ɔ̨ gɛ? Gu hvomun kɛ, yii lɔ ŋɛ̨i ə kɛ la yɛ́: ‹'Lí ə́ ə́ waa volóɲɔ̨n a kpɛɛ yɛ́?›»

Yálá laawoo hɛɓɛ

¹³ Bɔ nuą di lɛɠɛ mą, diɛ mą: «Nán, akɛti, Yálá kwəi mɛ̨nį hukulɔ mun a kɛ kɛ yɛ́ mɛ̨nį kɛnɛ̨ ta kɛ, hvə́li mɔ̨ɔ̨ gɛ? Gu hvomun kɛ, yii lɔ ŋɛ̨i ə kɛ la yɛ́: ‹'Lí ə́ ə́ waa volóɲɔ̨n a kpɛɛ yɛ́?›»

Bible

¹³ Neema yée-mu-nuui è lì bɔ́ naa ǹyɛɛ mai, “Ńâŋ, eêi kɛ̀ Ɣâla ŋɔlóno-kɛ-nuui eêi mɛni kɛ́ là wálaa ta ƃò yâ a gɛɛ í gɛ́, í lâai la ífe kɛ́ ní pâi gɛ̂i? Mɛni ma, ífa pɔ̂ri liî í íwaa ǹyái su í ƃálo?”

Tɔɔɓɛlaa veelɛ 5:13 ပူးပေါင်းရင်းမြစ်များ

Zɛnɛse 41:43

Dɔɔ kwəlii wotoloi kɛ a dɔɔ kwɛlɛ mun nwɛi, di Ɉosɛfə hee ɉu, nuą hvilɛn ŋąą dɔwɔ diɛ kɛ mą: «Nu kəlee ə kwɛli hvilɛn! Ɉosɛfə ɓa.» Bələ ɓə di Ɉosɛfə hee la Eziptə lɔi nwun na.

Tɔɔɓɛlaa dɔlɔɔ 20:23

Aramə tɔɔmun bɔ nuą di mo mą, diɛ mą: «'Nuąi tii di wɔ Yálái kaa a yee hu Yálá, yili ɓə gɛ di yee yɛ tɛɛ la guɔ; gu kɔ́ pɛlɛ kɛa diɛ nɛ̨ŋɛ̨ hu. Ku laai na kuɔ gu yee a kiɛ tɛɛ diɛ.

Tɔɔɓɛlaa dɔlɔɔ 20:31

Bɛn-Hadadə pɔ nuą diɛ mą: «Kwaa bələ mɛ̨n, diɛ Israɛlə pɛ́lɛ́i mu tɔɔɓɛlaa da nu ɲɛ̨imąąwɛli kaa. Yili ɓa, ka gu ɓíi haɠaɠaa yili guɔ, gu yɛli kpulɔn gu gwąną, gu li gu tɛ́ɛ́ pili Israɛlə tɔɔmun ma. Gbəli hu kiɛ, gaa pai ə́ nɔ̨ɔ̨ lɛɛi ə́ hu.»

Tɔɔɓɛlaa veelɛ 13:14

Elise ə too a ɲɔ̨n, ɲɔ̨n tii ɓə ə lɛɛi ɉu. Israɛlə tɔɔmun Ɉoasə ə li bɔɔli, ə ɲɛ̨ilai pɛlɛ Elise ɲɛ̨ilai, yɛ wɔlɔ, yɛ kɛ Elise ɓa: «Ną́n! Ną́n! A Israɛlə nwɔ huwalawala da nwɔ hoo mɛ̨imun!»

Tɔɔɓɛlaa veelɛ 2:12

Elise ə kɛli gaa, yɛ tomą, yɛ kɛ mą: «Ną́n! Ną́n! Yɛ́i Israɛlə nwɔ kɔlaɠa da nwɔ wotolo!» Yii pulu Eli ə kpɛɛ Elise ɲɛ̨i, Elise ə gwaną həɠə huɓɛla ɉu hveelɛ.

Tɔɔɓɛlaa veelɛ 5:10

Elise ə wɛlɛɛ tɔɔ, yɛ Naaman ɓa: «'Lí ə́ ə́ waa Ɉurdɛn hu gee mɛ̨i mɛ̨ihveelɛ, ə́ kɔ́lɔ a lɛlɛ, ə́ mąą ə həɠə.»

Tɔɔɓɛlaa veelɛ 5:3

Yələ ta, nɛ̨ɛ̨non tii yɛ neenɛ̨ą ɓa: «Ŋį́ mo kɛ néénɛ̨ą a pɛli lii Yálá kwəi mɛ̨nį hukulɔ mun ŋɛ̨i Samari daai, ə həli mąi, a pɛli mą kɛ ə malo, ə gulɔ volóɲɔ̨n tii yəi.»

Tɔɔɓɛlaa veelɛ 6:21

Yii lɔ Israɛlə tɔɔmun ə di kaa, yɛ Elise ɓa: «Nán! Ŋą́ di paa?»

Tɔɔɓɛlaa veelɛ 8:9

Hazaɛlə ə li ə həli Elise ɓa. Ə Damasə hɛnŋąą nɛlɛ-lɛlɛɛɠaa həɠə yai a pɛli kɛi a Ɲɔ̨ɔ̨nwɔ̨mɛɛ pow nąąn diɲɛ̨, yɛ li la Elise pɔ, a kɔ́ɓo hɛn. Həlii ə mo Elise ɓa, yɛ mą: «Ə́ lon Bɛn-Hadadə, Aramə tɔɔmun mə dɔ́ɔ́ ə́ pɔ, ə́ mąąni kɛ mɛ̨nį ɓa; akɛ gaa pai kulɔi ɲɔ̨n tii hu?»

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Azaya 1:16

'Ka ka waa, ka ka mąąhəɠə, 'ka ka wɔ nwąnąlɔ túwɔ́ɠaa mąą kwɛa mą́ą́, 'ka kpəla mɛ̨nį ɲɔ̨n ma

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Maafîu 23:9

Ka hvo kɛ nui lɔpee ta ɓa: ‹Nán›, ɓɛ lɔi mɛ̨i. Mąąhɔlɔɓo, Nąn dɔ̨nɔ̨ gbən mə gaa kaa yəi yələkɔlɔn ɉu.

Ɉaan 13:8

Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Ɉaan 9:7

Yɛ mą: «'Li, ə́ ə́ waa Siloe bówa hu.» Siloe mukulaa ɓaa: «Di dɔɔ.» Ɲɛ̨ipumun tii ə li ə nwaa, gɛɛ pənəi yɛ pa, ɲɛ̨i hvolonŋąą.

Gɛlaɠaa 22:16

Lə mɛ̨nį ɓa gaa ə́ hu? 'Ə́ muhəɠə ə́ li, di ə́ mąąwaa, ə́ mąą ə həɠə ə́ wɔ nɛ̨ŋɛ̨nŋaai yəi, a Naa hvɛlii yá mo.›»

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Korɛntə dɔlɔɔ 1:27

Kɛlaa, hɛn a ɓowo mɛ̨nį yɛnɛ̨ɛ̨ nuą ɲɛ̨i ɓa, ya ɓə Yálá ə ɉəɠə, ə kilikɛɲəi nuą ɲɛ̨i paa la, hɛn vįikpɛɛ yɛnɛ̨ɛ̨ ɲɛ̨i ɓa, ya ɓə Yálá ə ɉəɠə ə, huwalawalalaa ɲɛ̨i paa la.

Korɛntə dɔlɔɔ 4:15

Hvo gaai, ə mą kɛ, mąąkwɛli kɛ nuą waa pow a hɔlɔɓo, diɛ Kristə mąą mɛ̨nį lɛ káá, ka nąnni di hvo tamą li, ɲą́ą́ lɔ ɓə, Nwɛlɛɛ lɛlɛɛ háálai, ɲą́ą́ ɓə ka káá a lon Jesus Kristə hu.

Taitɔ 3:5

ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Samuɛlə dɔlɔɔ 24:11

Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›

Samuɛlə dɔlɔɔ 28:23

Saulə hvo gɛ, yɛ mą və́ hɛn da mįi. Kɛlaa, ɓɔ nuą di hɔlɔ ma, ə mą kɛ nɛ̨ɛ̨nui tii. Ə hvaa di woo ɓa, ə muhəɠə nɔi ɓa, ə hee gbəli mɛ̨i.

Samuɛlə dɔlɔɔ 9:10

Saulə yɛ bɔ mun ma: «Yáá mo a nɛlɛɛ, pa gwə li.» Di tɛ taai, ɓɛi Yálá nwɔ nui ə kɛ laa.