Tɔɔɓɛlaa veelɛ 5:11 - Yálá laawoo hɛɓɛ (dc)

¹¹ Naaman ə níiholi, ə tɛɛ yɛ li, yɛ mą: «Ə kɛ kpɛli gwə́i gaa pai kulɔi ə tɔɔ ɲəi bɛlɛ́ laaləi ə nwɔ Yálái Yai-Laa hvɛli, ɓɛɠaai ɲɔ̨n gaa laa, ə ɲee hiɛ nąąɠaa, ə volóɲɔ̨n ŋɛ̨i həɠə mą́ą́.

Yálá laawoo hɛɓɛ

¹¹ Naaman ə níiholi, ə tɛɛ yɛ li, yɛ mą: «Ə kɛ kpɛli gwə́i gaa pai kulɔi ə tɔɔ ɲəi bɛlɛ́ laaləi ə nwɔ Yálái Yai-Laa hvɛli, ɓɛɠaai ɲɔ̨n gaa laa, ə ɲee hiɛ nąąɠaa, ə volóɲɔ̨n ŋɛ̨i həɠə mą́ą́.

Bible

¹¹ Kɛ́lɛ Neema è kùla naa a lii-ŋwâna gɛ́ lì. È mò ǹyɛɛi, “Ŋá kɛ̀ gâai nɔ́ a gɛɛ a pâi kulâi é pá ḿbɔ naa é tɔ́ɔ é Ŋɔɣâlai Yâwɛɛ láa tóli é ǹyée sãa mɛi ƃɛ́i gɔlɔ-fêlai káa naai, é ḿbalo gbono ma kɔlɔ-felai nyɔ́mɔɔi ŋí yêei.

Tɔɔɓɛlaa veelɛ 5:11 ပူးပေါင်းရင်းမြစ်များ

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Tɔɔɓɛlaa veelɛ 4:5

Nɛ̨ɛ̨nui tii ə li kɛa bɔɔli, ə lɔ ɲəi bɛlɛ́n, ə naa kpulu da nonnii diɛ. Yiliɠaai diɛ ɉɛɲąŋąɠaa tɛɛ bɔ yɛ naahvɛɛ.

Tɔɔɓɛlaa veelɛ 5:10

Elise ə wɛlɛɛ tɔɔ, yɛ Naaman ɓa: «'Lí ə́ ə́ waa Ɉurdɛn hu gee mɛ̨i mɛ̨ihveelɛ, ə́ kɔ́lɔ a lɛlɛ, ə́ mąą ə həɠə.»

Tɔɔɓɛlaa veelɛ 5:12

Damasə ɲálee kpɛa kpɛaa hveelɛi a Abana da Parparə, di hvo mɔ̨ɔ̨ hviɛla ɓo li di hvo tɛɛ Israɛlə yáɠaa kəlee diɛ; vá mɔ̨ɔ̨ pɛli kɛ nwáái laa gɔ́lɔ́ hvo kulɔ?» Ə bulu pənə yɛ li a lii kələn gwəi kɛnɛ̨.

Hanwon 1:32

Mąąhɔlɔɓo, nu lənɛɛ kili ɓa ɓə a nwun na pili, kilikpɛɛgwəilaa yɛ hupumąąmun baa.

Hanwon 13:10

Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.

Hanwon 3:7

'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Maafîu 15:27

Nɛ̨ɛ̨nui tii yɛ mą: «Ną́mu, tɛ̨ą li. Kɛlaa, yilɛ nąmu aa kɛi kɔ̨nɔ̨n mį́į́, bɛnɛɠaai tii da kɛ tooi, ɲilɛɠaa da yiliɠaai mįi a di kɔ̨nɔ̨n.»

Maafîu 19:22

Yii kɛa ə nwooɠaa tii mɛ̨n, nii ə kələn gwəi, ə pənə yɛ li. Mąąhɔlɔɓo, hɛn gɔw kɛnɛ̨ ə kɛ ɲɛ̨i.

Maafîu 8:8

Kɛlaa, gɔ́kulaa nwun nąmui tii ə nwoo ɲąąpənə, yɛ mą: «Ną́mu, ɲą́ą́ mą́ą́ hvo nɛ̨ɛ̨li, a nui yá lɔ ɲei bɛlɛ́n. Kɛlaa, woo tɔ̨nɔ̨ ɓo lɔ, nwɔ́ kólo kɛmun kɔ́lɔi a pono.

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Ɉaan 13:20

A tɛ̨ą kpɔ-kpɔ gáá moi kaa, ŋą́ nu tɔɔ, nu a ɲee hee mui, aa ɲee hee mú; nui a ɲee hee múi, aa ɲee hee nui dɔ́ɔ́ mu.»

Ɉaan 4:48

Jesus yɛ mą: «Ka hva pɛli laa na laa kɛi a kɛ ka hvo kpalo mɛ̨nįɠaa kaa li.»

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.