Tɔɔɓɛlaa veelɛ 5:1 - Yálá laawoo hɛɓɛ (dc)

¹ Naaman ə kɛ a Aramə tɔɔmun nwɔ kulááɠaa nwun nąmu kɛnɛ̨, nwɛli ə ɓo nwɔ tɔɔmun mą kpɔ kɛnɛ̨. Mąąhɔlɔɓo, yaa tii ɲee hu ɓə Yai-Laa ə kɛi yeetɛɛmąą tɛɛ la Aramə pɔ. Kɛlaa, gɔ́kuláá walawalai tii, hvólóɲɔ̨n ə kɛ mą.

Yálá laawoo hɛɓɛ

¹ Naaman ə kɛ a Aramə tɔɔmun nwɔ kulááɠaa nwun nąmu kɛnɛ̨, nwɛli ə ɓo nwɔ tɔɔmun mą kpɔ kɛnɛ̨. Mąąhɔlɔɓo, yaa tii ɲee hu ɓə Yai-Laa ə kɛi yeetɛɛmąą tɛɛ la Aramə pɔ. Kɛlaa, gɔ́kuláá walawalai tii, hvólóɲɔ̨n ə kɛ mą.

Bible

¹ Nalôŋ tɔnɔ da è kɛ̀ naa Siria kaloŋ yée mu da kɛ̂ ma Neema. È kɛ̀ a gɔ-kûluƃa-ŋai mɛi-nûu kɛ́tɛ. È kɛ̀ a núu kɛ́tɛ lɛ́lɛɛ ŋɔmɛi-nuui ŋɛ́i, ƃaa-kɛ́-maa támaa kɛ́ ƃò ǹyêei maa mɛni ma. Kpɛ́ni fêi, zârai ƃé Yâwɛɛ è Siria-ƃelai kɛ̀ dí díkpɔara-ƃelai yée mɛi ɣále. È kɛ̀ a kɔ-kûluƃa kponoi kpanaŋɔɔ lɛ́lɛɛ, kɛ́lɛ kpono ma kɔlɔ-fela nyɔ́mɔɔ è kɛ̀ ma.

Tɔɔɓɛlaa veelɛ 5:1 ပူးပေါင်းရင်းမြစ်များ

Samia Veerɛi 3:29

Avnɛrə haa nwulu ə lɛɛ Ɉoabə da nwɔ pɛlɛ́i mu nu kəlee di nwuɔ̨. Ŋama kulɔ maa ɲɔ̨n, hvólóɲɔ̨n, luwɔlaa, mąąwɛli laa, mɛ̨nįɠaa tii maa hva kwɛa Ɉoabə nwɔ pɛlɛ́i ɓa, a wala kɛ tii, kɔ́ kɔ́ ɓɔwa.»

Tɔɔɓɛlaa veelɛ 4:8

Ə kɛ a yələ ta, Elise yɛ tɛɛ Sunɛmə daai, nɛ̨ɛ̨nu yee walawalaa ta ə kɛ laa ə Elise mąąnɛ̨ɛ̨, yɛ Elise ə kɔ̨nɔ̨n mįi bɔɔli. Ə həɠə kɛa ɲələi ɓa, yələi lɔpee Elise aa kɛi tɛɛ la Sunɛmə, ə kɛi li yɛ kɔ̨nɔ̨n mįi nɛ̨ɛ̨nui tii pɔɔli.

Tɔɔɓɛlaa veelɛ 5:2

Aramə toomɛ̨i kɛ nuą di Israɛlə nɛ̨ɛ̨non da hon a luwɔ. Nɛ̨ɛ̨non tii ɓə kɛ Naaman nɛ̨ą pɔ diɛ dí.

Tɔɔɓɛlaa veelɛ 5:27

Yili ɓa, Naaman nwɔ hvólóɲɔ̨n tii a lɛɛ yɛ́ ka ə́ huwu kaa a yələ kəlee mɛ̨nį.» Gehazi ə kulɔ Elise pɔɔli, volóɲɔ̨n tii aa gɔlɔ nąą kəlee kwələ yɛ da luwu pu nu ɓa.

Tɔɔɓɛlaa veelɛ 7:3

Hvólóɲɔ̨n gɛ nuą nąąn di kɛ heeni bələ nwun na, diɛ di kee ɓa: «Lə mɛ̨nį ɓa, gu kaa ɓɛ heeni guɔ haa mąąkpɔn?

Lɛɛ gbɔwɔ ɓa 11:3

Yai-Laa ə Israɛlə lonnii wɛli too Eziptə nuą diɛ. Yii ɓaa Moisə nwɛi, mąąwiai kɛ Eziptə nɔi nuą kəlee ɲɛ̨i ɓa, ə mą kɛ tɔɔmun nwɔ nu kpɛa-kpɛai da nɔi lonnii kəlee.

Hanwon 21:31

Nu ya pɛli ə́ ə́ hąą yili kpąąn yɛ́ li kɔ́ ɓa, Kɛlaa, Yai-Laa ɓə yee tɛɛ mąą kaa ɲəi.

Lukə 4:27

Elise nwɔ lɔwai tii hu lɔ nwɔ̨nɔ̨, hvólóɲɔ̨n gɛ nuą tamąą di kɛ Israɛlə lɔi hu, kɛlaa yaamun, hvo dɔ̨nɔ̨ kpɛli kɔ́lɔi pono, hvo kɛli Siri mun ŋɛ̨i di kɛi kɛ nąą ɓa: Naaman; yaa ŋɛ̨i həɠə lɔi takpɛli hu, yaa lɔ ɓə Elise ə gɔlɔi pono.»

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

Lomaŋ 15:18

Yili ɓa, vá pɛli mɛ̨nį takpɛli ɓoi, ə kulɔ lɔ, yii Kristə ə gɛ ɲéé, gɛ́ huwu takpɛliɠaa hvilɛn nwɔ pələi mɛ̨i, a nwóó da gɛ́-mɛ̨nį,

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.

Dutɛrɔnome 2:37

Amɔn lonnii di wɔ lɔi lɔ ɓə gu hvo lɛɠɛ mą, da Yabɔkə kwɛlɛ lɔi kəlee, da ɲee hu taaɠaa, da gɛɛnąąɠaai kpɔ Yai-Laa gu wɔ Yálái ə tɔ́n dɔɔ diɛ, yɛ kɛ gu hvo tunwɔ̨n mą.