Tɔɔɓɛlaa veelɛ 4:38 - Yálá laawoo hɛɓɛ (dc)

³⁸ Elise ə li Gilgalə ɓɛlɔwai pulu toɔ kɛ la nɔi. Yɛ bələi Yálá kwəi mɛ̨nį hukulɔ nuą di wɔ kalan nɛa di kɛ la laa, di kɛ heeni Elise lííla, Elise ə mo nwɔ tímun mą, yɛ mą: «Nəɠi kɛnɛ̨i tii hee nwɔ̨n ɲą, ə́ kɔ̨nɔ̨n ɲili Yálá kwəi mɛ̨nį hukulɔ nuą di wɔ kalan nɛai mąą mɛ̨nį ɓa.

Yálá laawoo hɛɓɛ

³⁸ Elise ə li Gilgalə ɓɛlɔwai pulu toɔ kɛ la nɔi. Yɛ bələi Yálá kwəi mɛ̨nį hukulɔ nuą di wɔ kalan nɛa di kɛ la laa, di kɛ heeni Elise lííla, Elise ə mo nwɔ tímun mą, yɛ mą: «Nəɠi kɛnɛ̨i tii hee nwɔ̨n ɲą, ə́ kɔ̨nɔ̨n ɲili Yálá kwəi mɛ̨nį hukulɔ nuą di wɔ kalan nɛai mąą mɛ̨nį ɓa.

Bible

³⁸ Ilasa è pène pôlu Geega ǹyaŋ puru kɛ́tɛ è kɛ̀ a doɔɔ naa kpiniŋ su. Tãi Ɣâla ŋɔlóno-kɛ-ƃela kpului da Ilasa-ni dí kɛ̀ góyaŋ kɛ̂i lai, è mò ǹyée-mu-nuui ma ǹyɛɛi, “Neɣi kɛ́tɛi tɔ́ɔ ŋɔŋ ŋá í kpɔrɔya ɣíli ǹûai ŋí mɛni ma.”

Tɔɔɓɛlaa veelɛ 4:38 ပူးပေါင်းရင်းမြစ်များ

Zɛnɛse 25:29

Hvóló ta, Ɉakɔbə ə kɛi tɔwɔ pɛlɛɛ yili, Esau aa həɠə loɉo lɔwɔi, aa pa, pulu yɛ ɓo mą.

Samia Veerɛi 21:1

Davidə nwɔ tɔɔlaa kwɛlan ɉu, pulu kɛnɛ̨ ta ə too, ə kwɛlan ɉaaɓa kɛ nɔi. Davidə ə Yai-Laa mąąnin gɛ, Yai-Laa yɛ mą: «Bului tii too mɛ̨nį ə kulɔ Saulə da ɲəi bɛlɛ́n nuą di hɔn ɉu. Mąąhɔlɔɓo, di Gabaɔn nuą paa a nwąnąlɔɔ pələ.»

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa veelɛ 2:1

Ɓɛlɔwai Yai-Laa ə Eli tɛ la yələkɔlɔn ɉu ɉigilin ɉu, mɛ̨nįi kɛ ya ka. Eli da Elise di həɠə Gilgalə daai,

Tɔɔɓɛlaa veelɛ 2:3

Yálá kwəi mɛ̨nį hukulɔ nuą di wɔ kalan nəai kɛ Betɛlə, di di mąą lɛɠɛ Elise ɓa, diɛ mą: «Ə kili kaa ɉu yɛ́ kələi ɓə Yai-Laa kaa ə́ kalamɔ̨ɔ̨ həɠəi la ə́ mɛ̨i?» Yɛ diɛ: «Gíli kaa tii ɉu; ka ka laa pilɛ.»

Tɔɔɓɛlaa veelɛ 4:1

Yálá kwəi mɛ̨nį hukulɔ mun da nɛ̨ą ə pa a yələ ta, yɛ Elise ɓa: «Elise! Ə́ kili kaa ɉu yɛ́ ə́ wɔ tímun da nɛ̨ą ɓaa a ɲą́ą́, kɛlaa, aa haa. Yaan, ə́ gɔlɔn yɛ́ diɛ, ə kɛi ɲɔw Yai-Laa ɓa. Ya ka tii, nuąi kwələ tɔɔ mą, dɔ̨nɔ̨ aa pa, yɛ ə nónnii hveelɛi ŋɛ̨i həɠə a doláá.»

Tɔɔɓɛlaa veelɛ 4:39

Galan nɛa tii tɔ̨nɔ̨ ə həɠə yɛ li lɔwɛi kala ta kwɛlii, ə kilikɛmąą huwu ta kaa, ə da kulɔ, ə mąąhəɠə kpɔlɔ laahvɛɛ la, ə paa la, ə ɉu tee tee, ə bu nəɠii. Di hvo kɛ nwulu ɓa huwu yili kɔ́lɔn, di ɲili, ə mɔ̨.

Tɔɔɓɛlaa veelɛ 8:1

Ə kɛ a yələ ta, nɛ̨ɛ̨nui ŋɛ̨i ta Elise ə non nwun ə gulɔ haa yəi, Elise ə mo mą, yɛ mą: «Həɠə ɓɛ, ə́ li ka ə́ yəi bɛlɛ́n nuą, ka li ɓɛi yá bɛli ə́ heei hɔlɔɓoi laa. Mąąhɔlɔɓo, Yai-Laa kaa pai kwɛlan mɛ̨ihveelɛ pulu tooi ɓɛ nɔi.»

Zôo 30:4

Kala nwąnąąɠaa ɓə di kɛi gulɔ, kpomói kulaa lɔ ɓə di kɔ̨nɔ̨n ə kɛ ɉu.

Hanwon 8:34

Lúwɔ́ lon maa nui a nwəli tɔɔ nwóó ɓa, dɔɔ ɲə́i bɛlɛ́ laaləi a yələ kəlee, yɛ ɓo a ɲɛ̨i yɛ ɲɛ̨i kɛ ɲə́i bɛlɛ́ laaləi ɓa.

Izikiɛ 11:3

Da kɛ kɛi diɛ: ‹Pɛlɛ́ tɔɔi lɔwai hvo ni həli li, daa kaa a kwɛli ləɠi, ɛlɛɛ ku ɓo a ɉuwɔ.›

Izikiɛ 11:7

Yili mąą mɛ̨nį ɓa, Ną́mu Yálá woo ka: Nu powaɠaai tii kaa bu daa kwəi, diɛ ɓə di kaa a ɉuwɔ; daa ə ɓo a gwɛli ləɠi. Kɛlaa ka wɛi, gáá pai ka kulɔi laa.

Izikiɛ 14:13

Hulɔnu lon, lɔi ta kɛ laa; a nɛ̨ŋɛ̨n ɉəɠə mą́ą́ a náá pu pələ; ŋį́ hee ɉu, gɔ̨nɔ̨n gaa ɉeei a ɲee pulu, gɛ́ gəlee hu kala, gɛ́ pulu too mą; ə kɛ a nu, ə kɛ a huwɔ, gɛ́ di paa ɉu.

Izikiɛ 24:3

«Hanwon da hɔɔ gulɔ nwoo mu nu huwui ŋɛ̨i ɓa, 'kɛ diɛ: Mɛ̨nį kəlee ŋą Hééɓomun Yálá woo ka: «Kwɛli ləɠi pɛli, 'bɛli ə́ ya pu ɉu,

Levetekɔ 26:26

Ŋą́ ka kɔ̨nɔ̨n gulɔi ka yəi, nɛ̨ąą pow kaa pai kɛi kpɔn ɉii ka kɔ̨nɔ̨n ma, diɛ ɲili ləɠi tɔ̨nɔ̨ hu, gɔ̨nɔ̨n di kaa pai pai la, di kaa pai kɛi ɲąąkwɛlɛi, diɛ naa ka yəi, ka hva pilɛ.

Amɔsə 7:14

Amɔsə ə Amasia woo ŋąąpənə, yɛ mą: «Və́ a Yálá kwəi mɛ̨nį hu kulɔ mun, və́ nwɔ̨nɔ̨ a Yálá kwəi mɛ̨nį hu kulɔ mun da lon. Mąąhɔlɔɓo, gáá a ɓɛlaa tɔɔ mun, gɛ́ ɓo a ɓɔɔla yɛa laa mun.

Markə 6:37

Kɛlaa, Jesus ə di woo pulu pənə yɛ diɛ: «Kaa kpinįi ka di kɔ̨nɔ̨n gɛ.» Galan nɛa di mąąni kɛ diɛ mą: «Ə kaa bɔ gwə li ku wali kwələ nwun veelɛ lɛɠɛ ya, ku gɛ a di kɔ̨nɔ̨n?»

Lukə 10:39

Martə nəɠə nɛ̨ɛ̨nu ta ə kɛ laa, diɛ kɛ nąą ɓa Mari, ə pa ə hee Ną́mu Jesus kɔ́wɔ mu, nwəli tɔɔ nwɔ kalan gɛ woo ɓa.

Lukə 2:46

Voló haaɓa yələ, də li di gaa Yálá hee pɛlɛ́ mu, ɉiɛ Ɉuifə kalamɔ̨ɔ̨ɠaa lɔwai, nwəli tɔɔ di woo ɓa, ɛlɛɛ, yɛ di mąąni kɛ.

Lukə 4:25

Gáá moi kaa, Eli nwɔ lɔwai hu, galanən nɛ̨ą tamąąi kpɔ kɛ Israɛlə lɔi hu, ɓɛlɔwai hvóló laa ə tee la a kwɛlan ɉaaɓa ɲąnįn mɛ̨ida, tulɔ hvo kɛi bu; pulu kɛnɛ̨ ə too nɔi nąą kəlee.

Lukə 8:35

Nuą di pa, əgɛ, mɛ̨nįi tii kɛ laa, di gaa. Di pa di həli Jesus ɓa, ɉulɔnui ŋɛ̨i ɲį́nɛ̨nŋąa di kɛ bului, di gaa hee ni Jesus kɔ́wɔ mu, gɔlɔi ponoɔ̨ kɛa, həɠə yɛ ɓo gwąną, ə lɛɛ, ɲɛ̨i laa tiɛɛ kɛa a nɛlɛɛ. Nuą tii kəlee kwəi ə pili diɛ.

Lukə 8:38

Ɉulɔnui tii Jesus ə ɲį́nɛ̨nŋąa kpɛ bulu, ə nɛ̨ɛ̨mąą hvə Jesus ɓa, yɛ mą: «Gáá bɔ, ŋą hvilɛn ə́ pulu.» Kɛlaa, Jesus ə kɛ mą:

Lukə 9:13

Kɛlaa, Jesus ə mo diɛ, yɛ diɛ: «Kaa mun, ka kɔ̨nɔ̨n dɛɛ di pɔ.» Di nwoo ŋąąpənə diɛ mą: «Lɛɠɛ lɔɔli lɔ ɓə ku yəi, da hɔ̨nwɔ̨lee hveelɛ. Akɛti, ə́ kaa bɔ, kwə li ku nu kpulu kɛnɛ̨i ŋɛ̨i kəlee kɔ̨nɔ̨n ɲá?»

Ɉaan 21:5

Jesus yɛ diɛ: «Lɛapɛlɛɛ! Kaa hɔ̨nwɔ̨lee hon?» Diɛ mą: «Kpaa-o!»

Ɉaan 21:9

Yii kɛa di kulɔ gələn ɉu di hvilɛn, di nwɔ̨n gaa ɲá kwɛlɛ, hɔ̨nwɔ̨lee laa ŋą, lɛɠɛ laa gwɛlɛ.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 15:36

Yíikuu tawolo kulaa ɉu, Polə yɛ Barnabasə ɓa: «Daaɠaai gu Yálá lawoo laa həli ɉu, gu pənə gu tɛɛ laa, gu gu woo pili gu nąn nonnii diɛ, gu di mɛ̨i kaa, bələi di kaa gɛi la, gu gbaɠala kaa.»

Gɛlaɠaa 22:3

«Gáá a Ɉuifə, di gáá Talisə daai, Silisi lɔi hu. Kɛlaa, Ɉerusalɛmə ɓɛ ɓə ŋį́ kɛnɛ̨ laa, nui ŋį́ lakwəli kɛ ɲəi, naa ɓaa: Gamaliɛlə. Ya ɓə mą́ą́ kwɛli gu kalaɓɔlɔni di wɔ tɔ́n ɓa kpɔ tɛhvɛ-tɛhvɛ. Yálá mąą mɛ̨nį kɛɛ ŋą hvaŋą lɔ ə kɛ ɉú, yɛ pələi gaa la ka yəi háákələi.

Samuɛlə dɔlɔɔ 19:20

Saulə ə nuą tɔɔ Davidə hon mɛ̨nį ɓa. Di Yálá kwəi mɛ̨nį hukulɔ nuą kpulu kaa, diɛ mɛ̨nįɠaa ɓo Yálá yee kɔ́nma. Samuɛlə ə kɛ di ɲɛ̨itɔwɔ. Yálá nwɔ Kilii ə too Saulə nwɔ nuąi ə di tɔɔ di hu; diɛ kpɛli mąn diɛ mɛ̨nįɠaa ɓo, di hvo kɛ di kpɔɔ yee kɔ́nma.