Tɔɔɓɛlaa veelɛ 4:35 - Yálá laawoo hɛɓɛ (dc)

³⁵ Yili pulu, Elise ə həɠə gbin ŋą, ə hvilɛn yɛ tɛɛ tɛɛ ɓo bɛlɛ́n, ə pənə ə tɛ, ə pɛlɛ nokoloi mɛ̨i. Ə kɛ lɔ tii, nokoloi ə tíhoo haɠa gee mɛ̨i mɛ̨ihveelɛ, ə ɲɛ̨i həɠə mą.

Yálá laawoo hɛɓɛ

³⁵ Yili pulu, Elise ə həɠə gbin ŋą, ə hvilɛn yɛ tɛɛ tɛɛ ɓo bɛlɛ́n, ə pənə ə tɛ, ə pɛlɛ nokoloi mɛ̨i. Ə kɛ lɔ tii, nokoloi ə tíhoo haɠa gee mɛ̨i mɛ̨ihveelɛ, ə ɲɛ̨i həɠə mą.

Bible

³⁵ Ilasa è mù sìɣe é kúla ǹôloŋ mɛi, é sia-sîa bɛ́rɛi mu é ŋɔ́nɔ lí pôlu é lâa bomai mɛi é zu sãa. Ǹôloŋ è tìso gîei lɔ́ɔlu mɛi feerɛ é nâa ŋ̀ɛ́i láa ƃó gɛ́ lɛ̀wo.

Tɔɔɓɛlaa veelɛ 4:35 ပူးပေါင်းရင်းမြစ်များ

Tɔɔɓɛlaa dɔlɔɔ 17:21

Ə pɛlɛ nokoloi mɛ̨i gee mɛ̨i haaɓa, ə tomą Yai-Laa pɔ pələ, yɛ mą: «Yai-Laa nwɔ́ Yálá! Nɛ̨ɛ̨ yɛ́! Gɛ́ nokoloi ŋɛ̨i nįį ə pənə ə too ɉu.»

Tɔɔɓɛlaa dɔlɔɔ 17:22

Yai-Laa ə ɲee hee Eli woo mu, nokoloi nįį ə pənə ə too ɉu, ə pənə ə kɛ a vulú.

Tɔɔɓɛlaa dɔlɔɔ 18:43

Yɛ bɔmun ma: «'Tɛ́, ə́ gboloyá mɛ̨i pələ kaa!» Yili ə li ə nąą kaa, kɛlaa, hvo hɛn da kaa. Eli yɛ mą: «Kɛ lii yɛ́ nąą kaa gee mɛ̨i mɛ̨ihveelɛ.»

Tɔɔɓɛlaa veelɛ 13:21

Yələ ta, nuą di kɛi li nu ta looi, nąąlɔwai, di doomɛ̨i kɛ nuą kpulu tii ta kaa laa, di nui tii lɔ a mąąhulaa Elise kámą hu, di tɛɛ diɛ li. Nu powai tii ə hee lɔ Elise kɔ́wɠaa diɛ, ə pənə ə kɛ a vulú, ɛlɛɛ, ə mu həɠə ə tɔɔ.

Tɔɔɓɛlaa veelɛ 4:36

Elise ə Gehazi təli, yɛ mą: «Mo nee ɓa, ə pa.» Gehazi ə dəli, yili ə pa ə həli Elise ɓa. Elise yɛ mą: «Ə́ lon ga, ɉəɠə ə́ li la.»

Tɔɔɓɛlaa veelɛ 5:10

Elise ə wɛlɛɛ tɔɔ, yɛ Naaman ɓa: «'Lí ə́ ə́ waa Ɉurdɛn hu gee mɛ̨i mɛ̨ihveelɛ, ə́ kɔ́lɔ a lɛlɛ, ə́ mąą ə həɠə.»

Tɔɔɓɛlaa veelɛ 5:14

Nąąlɔwai, Naaman ə yɛɛ Ɉurdɛn hu, ə too ɲai gee mɛ̨i mɛ̨ihveelɛ, yɛ bələi tii Yálá nwɔ nui ə mo la mą. Gɔlɔ ə kɛ kpɔ mą yɛ hulɔn non, ɛlɛɛ, mąą ə həɠə.

Tɔɔɓɛlaa veelɛ 8:1

Ə kɛ a yələ ta, nɛ̨ɛ̨nui ŋɛ̨i ta Elise ə non nwun ə gulɔ haa yəi, Elise ə mo mą, yɛ mą: «Həɠə ɓɛ, ə́ li ka ə́ yəi bɛlɛ́n nuą, ka li ɓɛi yá bɛli ə́ heei hɔlɔɓoi laa. Mąąhɔlɔɓo, Yai-Laa kaa pai kwɛlan mɛ̨ihveelɛ pulu tooi ɓɛ nɔi.»

Tɔɔɓɛlaa veelɛ 8:5

Nąąlɔwai, lokolo ta nwún mɛ̨nį ɓə Gehazi ə kɛi ɉukulɔ, tɔɔmun ma, yai Elise ə nwun. Nɛ̨ɛ̨nui tii Elise ə non nwún, ə kɛ kpɔlɔɔ tii yɛ lɔ tɔɔmun ɲəi bɛlɛ́n, əgɛ, ə nwɔ pɛ́lɛ́i da nąą mįi lɔi mąą mɛ̨nį ɓo tɔɔmun ma. Nąąlɔwai, Gehazi yɛ tɔɔmun mą: «Nɛ̨ɛ̨nui ŋą́ kɛi mąą mɛ̨nį hukulɔ, ya ka, ɛlɛɛ, non tii di nwun ya ka ŋɛ̨i bɔ.»

Lukə 8:55

Nɛ̨ɛ̨non tii, ə pənə ə kɛ a vulú, ə muhəɠə kpɔlɔ tii ŋąąɓa. Jesus ə mo nuą tii diɛ, yɛ diɛ: «'Ka kɔ̨nɔ̨n dɛɛ bɔ ə mį́į́.»

Gɛlaɠaa 9:40

Piɛrə ə nu kəlee kulɔ ɲɛnɛ̨ɛ̨, ə pu gbəlin na, ə Yálá hvɛli, yili pulu, ə tínɛ̨n nu powa pɔ pələ yɛ mą: «Tabita! 'Ə́ muhəɠə!» Nu powai ə ɲįnąąɓo, ə Piɛrə kaa, ə muhəɠə ə hee.