Tɔɔɓɛlaa veelɛ 4:27 - Yálá laawoo hɛɓɛ (dc)

²⁷ Nɛ̨ɛ̨nui ə tɛ ə həli Elise ɓa ɲee nwuɔ̨, ə pu Elise kɔ́wɔ mu, yɛ ɲee yɛɛ a Elise kɔ́wɔ. Gehazi ə lɛɠɛ laa yɛ kɛ ə ɲee kulɔ Yálá nwɔ nui kɔ́wɔ ɓa. Kɛlaa, Elise yɛ Gehazi ɓa: «Nɛ̨ɛ̨nui ŋɛ̨i lɛɛ laa, liihələn gwəi kɛnɛ̨ a hvə mą, Yai-Laa aa mɛ̨nįi tii loo mą́ą́, hvo nɛ li mą́ą́.»

Yálá laawoo hɛɓɛ

²⁷ Nɛ̨ɛ̨nui ə tɛ ə həli Elise ɓa ɲee nwuɔ̨, ə pu Elise kɔ́wɔ mu, yɛ ɲee yɛɛ a Elise kɔ́wɔ. Gehazi ə lɛɠɛ laa yɛ kɛ ə ɲee kulɔ Yálá nwɔ nui kɔ́wɔ ɓa. Kɛlaa, Elise yɛ Gehazi ɓa: «Nɛ̨ɛ̨nui ŋɛ̨i lɛɛ laa, liihələn gwəi kɛnɛ̨ a hvə mą, Yai-Laa aa mɛ̨nįi tii loo mą́ą́, hvo nɛ li mą́ą́.»

Bible

²⁷ Tãi è sèri la ŋâla-naloŋ pɔ́naa ǹyéei mai, è tòo gɔ́ɔ mu é gɔ́ɔ sóŋ. Giazɛ è pà mɛi a gɛɛ é duâŋ kɛ́lɛ ŋâla-naloŋ è mò ma ǹyɛɛi, “Tée bôlu! Gáa lii too pôlu kɛ́tɛ su, kɛ́lɛ Yâwɛɛ fé mó ní mâ.”

Tɔɔɓɛlaa veelɛ 4:27 ပူးပေါင်းရင်းမြစ်များ

Zɛnɛse 18:17

Yai-Laa ə mo gbɔwɔ ɓa yɛ mą: «Mɛ̨ni gáá lii gɛi vá pɛli nooi Abrahamə ɓa.

Samia Veerɛi 7:3

Natan yɛ tɔɔmun ma: «Mɛ̨nįi lɔpee gɛ kili kaa yɛ́, yá pɛli ə́ gɛ. Mąąhɔlɔɓo, Yai-Laa kaa ə́ pɔ.»

Tɔɔɓɛlaa veelɛ 4:25

Nɛ̨ɛ̨nui ə li ə həli Yálá nwɔ nui ɓa Karmɛlə yee tona. Ɓɛlɔwai yili ə nɛ̨ɛ̨nui tii kaa la kwɛaa la, yɛ Gehazi ɓa: «Gu nwɛ̨ą leenɛ̨ąi a Sunɛmə mun, ya ka tii pai.»

Tɔɔɓɛlaa veelɛ 4:26

Gilɛ həɠə, ə́ li ə́ naakwiɛn, yɛ mą: «Gu mɛ̨n! Nąą bələ lɛlɛɛi? Ə́ hilɛ kaa laa kpɛli? Nokolo kɔ́lɔi pɔ̨nɔ̨ɔi?» Nɛ̨ɛ̨nui tii yɛ Gehazi ɓa: «Nuą kəlee kaa laa kpɛli!»

Tɔɔɓɛlaa veelɛ 6:12

Gɔkuláá tɔ̨nɔ̨ yɛ mą: «Nwɔ́ mɛ̨nį nąmu tɔɔmun, yili mąą nu ta hvo ku lɔwai. Kɛlaa, Elise ŋɛ̨i a Yálá kwəi mɛ̨nį hukulɔ mun Israɛlə lɔi hu, ya ɓə a kɛ mɛ̨nįi tii kɛi, ɉə kaa mą, wooɠaa kpɔ yá kɛ moi ə́ yəi bɛlɛ́n ə́ laai lɔwai, ə gəlee hukulɔ Israɛlə tɔɔmun mą.»

Zôo 10:1

Yɛnɛ̨ɛ̨ a ɓaɠi lii tɛ a ɲą́ą́, Və́ pai náá pilɛi nwóólaa mɛ̨nį ɓa. Gáá lɔ pai kɛi hvaai lii kələn gwəi hu.

Hanwon 14:10

Nu kili a gbɔwɔ nwɔ liiɲąnwąną kɔ́lɔn, ɛlɛɛ, da nu ta di hva kpɔn nwɔ kwəinɛ̨ɛ̨ ɓa.

Hanwon 18:14

Nu kwəi kili lɛlɛɛ ɓə a kpɔmąą tɛɛ bɔ ɲɔ̨n ɉu, Kɛlaa, a kɛ gili lɛlɛɛi tii mąą a hvalin a ɲɔ̨nwɔ̨ɔ̨, gbɛɛ ɓə ɲee a lɔ mą, ə bɛli.

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

Maafîu 15:23

Jesus hvo kpɛli nwoo ŋąąpənə. Nwɔ kalan nɛai di lɛɠɛ mą diɛ mą: «'Hva nɛ̨ɛ̨nu ŋɛ̨i kpɛ gu pulu, hvo pa kɛ lɔ gu pulu yɛ tómą.»

Maafîu 20:31

Nu kpului tii di kɛi di woo hupu diɛ kɛ diɛ: ka ka laa pilɛ. Kɛlaa, ə mą kɛ tii, di kɛi lɔ tómą yɛ tɛɛ dɔlɔɔ ɓa; diɛ kɛ mą: «Ną́mu Davidə Lon ku ŋɛ̨i mąąwɛli kaa.»

Maafîu 28:9

Nɛ̨ąą tii da Jesus ni di kwiɛn, ə nwoo pili diɛ. Di di mąą lɛɠɛ mą, di pɛlɛ gɔwɔ mu di kwɛli hvilɛn mą.

Markə 10:13

Nuą di pa a lɛapɛlɛɛ Jesus pɔ, əgɛ, ə ɲee pɛlɛ diɛ. Kɛlaa, nwɔ kalan nɛ̨ąi di kɛi haŋą nuą tii diɛ.

Markə 14:6

Kɛlaa, Jesus ə mo diɛ, yɛ diɛ: «Ka nɛ̨ɛ̨nui ŋɛ̨i lɛɛ laa. Lə mɛ̨nį ɓa ka káá ka lííholi bɔ? Mɛ̨nį lɛlɛɛ ka ŋɛ̨i a gɛ mą́ą́.

Lukə 7:38

Ə lɔ, ə hee la Jesus kɔ́wɔ kwɛlɛ. Yɛ wɔlɔ, ə lɛɛ, yɛ ɲɛ̨iya pu Jesus kɔ́wɔ mɛ̨i, yɛ Jesus kɔ́wɔ mąąkələ a nwun-nəɠa. Yili pulu, ə Jesus kɔ́wɔ mąątí a nwulɔ kun nɛ̨ɛ̨ tii.

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Ɉaan 4:27

Nąąlɔwai Jesus nwɔ kalan nɛai di həɠə taai pələ diɛ pa. Di pa, di Jesus kaa da nɛ̨ɛ̨nui tii diɛ lono kɛ; di kwəi ə pili diɛ. Kɛlaa, di tɔ̨nɔ̨ kpɛli hvo pɛli mąąni kɛi, diɛ kɛ mą: «Lə mɛ̨nį ɓa da nɛ̨ɛ̨nui tii di kaa lono kɛi.»

Samuɛlə dɔlɔɔ 1:10

Anə ə Yai-Laa hvɛli a liikələn gwəi, yɛ wɔlɔ kpɔ a mąąwɛliɛ.