Tɔɔɓɛlaa veelɛ 4:25 - Yálá laawoo hɛɓɛ (dc)

²⁵ Nɛ̨ɛ̨nui ə li ə həli Yálá nwɔ nui ɓa Karmɛlə yee tona. Ɓɛlɔwai yili ə nɛ̨ɛ̨nui tii kaa la kwɛaa la, yɛ Gehazi ɓa: «Gu nwɛ̨ą leenɛ̨ąi a Sunɛmə mun, ya ka tii pai.»

Yálá laawoo hɛɓɛ

²⁵ Nɛ̨ɛ̨nui ə li ə həli Yálá nwɔ nui ɓa Karmɛlə yee tona. Ɓɛlɔwai yili ə nɛ̨ɛ̨nui tii kaa la kwɛaa la, yɛ Gehazi ɓa: «Gu nwɛ̨ą leenɛ̨ąi a Sunɛmə mun, ya ka tii pai.»

Bible

²⁵ Nya ƃe è pɛ̀lɛ ŋɔsiai ma é lí Ilasa pɔ́naa Kamɛ Yeei ma. Tãi Ilasa è gàa la pâi kwaa kôya mai, ŋ̀âla-naloŋ è mò ǹyée-mu-nuui Giazɛ ma ǹyɛɛi, “Ƃɛ́ tí káa, Sunɛŋ-nɛnii ká tí!

Tɔɔɓɛlaa veelɛ 4:25 ပူးပေါင်းရင်းမြစ်များ

Tɔɔɓɛlaa dɔlɔɔ 18:19

Yiihu kɛa, Israɛlə nu huwu kəlee ɲąąkpɔn gwɛ́lɛ Karmɛlə yee nwuɔ̨, ə mą kɛ Baalə laa yəli kɛ nuą nu nwun nąąn yee lɔɔli; da Asera laa yəli kɛ nuą, nu nwun nąąn, diɛi da Ɉezabɛlə ni da kɛ kɔ̨nɔ̨n mįi gee ɓa.»

Tɔɔɓɛlaa dɔlɔɔ 18:42

Akabə ə li yɛ gɔ̨nɔ̨n mįi, ə gbələ; nąąlɔwai, Eli yaa kpɛli, yɛ tɛ Karmɛlə yee ton ɉu, ə mąą pɛlɛ, ə nwun nɔ gɔwɔ lɔwai.

Tɔɔɓɛlaa veelɛ 1:9

Tɔɔmun ə kɔlaɠa nwun nąmu ta tɔɔ da kɔ́kuláá pow lɔɔli, ə gɛ, di Eli hon. Eli ə kɛ heeni yee tona, gɔ́kulááɠaa tii di tɛ laa bɔ. Gɔ́laɠa nwun nąmu yɛ Eli ɓa: «Yálá kwəi mɛ̨nį hukulɔ mun! 'Tɛɛ gu yɛɛ, tɔɔmun mə mo.»

Tɔɔɓɛlaa veelɛ 2:25

Elise ə həɠə laa ə li, Karmɛlə yee ɓa. Ɉəɠɛɛ laa ɓə ə pənə ə paa la Samari.

Tɔɔɓɛlaa veelɛ 4:24

Nɛ̨ɛ̨nui ɉoo hąą yili, yɛ góló kɛ mun mą: «Ɉoo laa yɛli hon, gwə li kpɔlɔɔ ɉa-ɉa, ŋą́ wala kɛ yɛ́ tɔɔ! Hvó tɔɔ.»

Tɔɔɓɛlaa veelɛ 4:26

Gilɛ həɠə, ə́ li ə́ naakwiɛn, yɛ mą: «Gu mɛ̨n! Nąą bələ lɛlɛɛi? Ə́ hilɛ kaa laa kpɛli? Nokolo kɔ́lɔi pɔ̨nɔ̨ɔi?» Nɛ̨ɛ̨nui tii yɛ Gehazi ɓa: «Nuą kəlee kaa laa kpɛli!»

Tɔɔɓɛlaa veelɛ 4:27

Nɛ̨ɛ̨nui ə tɛ ə həli Elise ɓa ɲee nwuɔ̨, ə pu Elise kɔ́wɔ mu, yɛ ɲee yɛɛ a Elise kɔ́wɔ. Gehazi ə lɛɠɛ laa yɛ kɛ ə ɲee kulɔ Yálá nwɔ nui kɔ́wɔ ɓa. Kɛlaa, Elise yɛ Gehazi ɓa: «Nɛ̨ɛ̨nui ŋɛ̨i lɛɛ laa, liihələn gwəi kɛnɛ̨ a hvə mą, Yai-Laa aa mɛ̨nįi tii loo mą́ą́, hvo nɛ li mą́ą́.»

Tɔɔɓɛlaa veelɛ 5:20

Gehazi yai a Yálá nwɔ nu ŋą tímun, yɛ gbɔwɔ ɓa: «Gálamɔ̨ɔ̨ hvo gɛ li hvo ɲee hee Aramə mun Naaman nwɔ mɛ̨inɛ̨ɛ̨ mu, yai ə paa la bɔ; yii kpɔ Yai-Laa kaa a vulú, gáá gilɛ həɠəi ŋą́ laŋąn mą, ə gɛ, ŋą́ hɛn da hon ɲəi.»

Tɔɔɓɛlaa veelɛ 8:4

Nąąlɔwai, tɔɔmun da Yálá nwɔ nui nwɔ tímun Gehazi di kɛi lono kɛ. Yɛ Gehazi ɓa: «Mɛ̨ni kpɛa kpɛaa kpɔ Elise aa gɛ, di hukulɔ mą́ą́.»

Azaya 35:2

Kpomó hu wuluɠaa kəlee 'di powa! Kpomó, 'ə pili yələi yɛ mąną! Yɛ pili yələi a kwəinɛ̨ɛ̨! Liban nwɔ mąąwiɛi aa həli mą, Karmɛlə da Sarɔn yee di wɔ lɛlɛi aa pənə aa pa di pɔ, ɛlɛɛ, nuą kaa pai Yai-Laa nwɔ mąąwiɛ kaai, a guɔ Yálái nwɔ lɛlɛ laa kɛnɛ̨ɛi.