Tɔɔɓɛlaa veelɛ 3:3 - Yálá laawoo hɛɓɛ (dc)

³ Kɛlaa yaamun, nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, Yoramə ə lɛɛ a ganąŋąą nɛ̨ŋɛ̨n tii ɓa, hvo kpɔ bulu tɔɔ mą.

Yálá laawoo hɛɓɛ

³ Kɛlaa yaamun, nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, Yoramə ə lɛɛ a ganąŋąą nɛ̨ŋɛ̨n tii ɓa, hvo kpɔ bulu tɔɔ mą.

Bible

³ É máŋ kɛ́ tí, è kànaŋ zɔnyɔ̂ŋ-ŋai dîa nyii Neba ǹóŋ Zɛroboaŋ è dí kɛ̂i, nyii Eezuɛ è pìlaŋ gɔ́ɔ pɔɔi. Vé bôlu tɔɔ ní dîa.

Tɔɔɓɛlaa veelɛ 3:3 ပူးပေါင်းရင်းမြစ်များ

Tɔɔɓɛlaa dɔlɔɔ 13:33

Ə mą kɛ tii, Ɉeroboamə hvo ɲee kulɔ nwɔ túwɔ́ pələ ɲɔ̨n ɉu; ə kɛi lɔ ni nuą həɠə lɔ tii nɔi lonnii lɔwai, yɛ di kɛ a haláá laa həli nuą; di wɔ haláá kulɔiɠaai ɓa. Nui lɔpee a kɛ bɔ, di kɛi ɉee a ɉaláá laa həli mun da.

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa dɔlɔɔ 14:9

Yáá túwɔ́ a ɲɔ̨nwɔ̨ɔ̨ dɛɛ nuąi kpɔ kɛ ə́ tɔwɔ gəlee diɛ. Yáá li, yáá haliɠaa pɛli yɛ́, da hɛn mąąnįnįnŋąą, yɛ́ nwą́ną lɔ, yáá bíli ə́ pulu pələ.

Tɔɔɓɛlaa dɔlɔɔ 15:26

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Nadabə ə ɲee lɔ ɉu. Ə hvilɛn nąn dúwɔ́ pələ pulu. Nɛ̨ŋɛ̨n nąn ə Israɛlə nuą yee lɔ ɉu, yaai tii ə da kɛ.

Tɔɔɓɛlaa dɔlɔɔ 15:34

Ə túwɔ́ kpɔ a ɲɔ̨nwɔ̨ɔ̨ Yai-Laa ɲɛ̨i ɓa, ə hvilɛn Ɉeroboamə túwɔ́ pələ pulu. Nɛ̨ŋɛ̨n yili ə gɛ Israɛlə yɛ ɉəɠə, yaa kpɛli ə da kɛ.

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Tɔɔɓɛlaa veelɛ 13:11

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa. Nɛ̨ŋɛ̨n Nevatə lon Ɉeroboamə ə Israɛlə nuą yee lɔ ɉu, hvo həɠə dai lɔpee pulu, ə kanąn diɛ.

Tɔɔɓɛlaa veelɛ 13:2

Yoakazə ə túwɔ́ kpɔ a ɲɔ̨nwɔ̨ɔ̨ Yai-Laa ɲɛ̨i ɓa, nɛ̨ŋɛ̨n Nevatə lon Ɉeroboamə ə Israɛlə nuą yee lɔ ɉu, yaa kpɛli ə hvilɛn yili pulu yɛ gɛ.

Tɔɔɓɛlaa veelɛ 13:6

Kɛlaa, ə mą kɛ tii, nɛ̨ŋɛ̨nŋaai Ɉeroboamə nwɔ pɛ́lɛ́i ə Israɛlə yee lɔ ɉu, Israɛlə nuą di hvo gɛ, di hvo di yee kulɔ ɉu; ə mą kɛ nwului di kɛi gɔ́, ə lɛɛ tɔɔni Samari.

Tɔɔɓɛlaa veelɛ 14:24

Ə túwɔ́ kpɔ a ɲɔ̨nwɔ̨ɔ̨ Yai-Laa ɲɛ̨i ɓa; nɛ̨ŋɛ̨n kpɔ Nevatə lon Ɉeroboamə ə Israɛlə nuą yee lɔ ɉu, hvo dɔ̨nɔ̨ kpɛli mąąlaa.

Tɔɔɓɛlaa veelɛ 15:18

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə ɲee lɔ ɉu yɛ gɛ nwɔ yɛnɛ̨ɛ̨ kəlee yee mu, nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, hvo dɔ̨nɔ̨ kpɛli mąąlaa.

Tɔɔɓɛlaa veelɛ 15:9

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa, yɛ bələi galaɓɔlɔ ni di gɛ la. Nɛ̨ŋɛ̨n Nevatə lon Ɉeroboamə ə Israɛlə nuą yee lɔ ɉu, hvo həɠə bulu.

Tɔɔɓɛlaa veelɛ 17:21

Ɓɛlɔwai Yai-Laa ə Israɛlə kulɔ la Davidə nwɔ pɛ́lɛ́i ɓa, nąąlɔwai ɓə di Nevatə lon Ɉeroboamə hee la a tɔɔmun. Ɉeroboamə ə Israɛlə nwun ɉu lan, yɛ mąąkwɛa Yai-Laa ɓa, ə ɲee lɔ nɛ̨ŋɛ̨n gɛnɛ̨ hu.

Tɔɔɓɛlaa veelɛ 17:22

Nɛ̨ŋɛ̨nŋaa kpɔ Ɉeroboamə ə ɉəɠə, Israɛlə lonnii di hvilɛn gəlee pulu, di hvo dai lɔpee mąąlaa.

Tɔɔɓɛlaa veelɛ 17:23

Yili ɓə gɛ, Yai-Laa yɛ di kpɛ ɲɛ̨i mu, yɛ bələi ə bu la nwɔ tínuą kəlee la, diɛi kɛ a gwəi mɛ̨nį hukulɔ nuą, diɛ mo. Di Israɛlə kulɔ nwɔ lɔi hu, di li la kwɛaa la Asiri lɔi hu, gaa ni laa.

Tɔɔɓɛlaa veelɛ 21:16

Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Tɔɔɓɛlaa veelɛ 23:15

Ɉaláá kulɔi yii Nevatə lon Ɉeroboamə ə dɔɔ Betɛlə, yɛ Israɛlə lonnii yee lɔ la nɛ̨ŋɛ̨n ɉu, Ɉosiasə ə nąą wolo; ə nwɔ̨n nɔ ɉaláá kulɔi tii ɓa, ə nąą taɠa; nwului ŋɛ̨i di dɔɔ laa diɛ ɉaláá kulɔ mu, ə nwului tii pili nwɔ̨n ɉu; nąą ə lɛɛ a muluun gbala.