Tɔɔɓɛlaa veelɛ 3:27 - Yálá laawoo hɛɓɛ (dc)

²⁷ Non ɉilɔnu dɔlɔɔ ŋɛ̨i kɛi pa heei a mąąhvalin, ə yili həɠə ə gulɔ ɉįi kpoloon mɛ̨i a haláá. Yili ə nwąną kpɔ Israɛlə nuą diɛ kpɔ kɛnɛ̨, di həɠə laa, di li di pɔ taaɠaa.

Yálá laawoo hɛɓɛ

²⁷ Non ɉilɔnu dɔlɔɔ ŋɛ̨i kɛi pa heei a mąąhvalin, ə yili həɠə ə gulɔ ɉįi kpoloon mɛ̨i a haláá. Yili ə nwąną kpɔ Israɛlə nuą diɛ kpɔ kɛnɛ̨, di həɠə laa, di li di pɔ taaɠaa.

Bible

²⁷ Nya ƃe Môa Kaloŋ è ǹóŋ-surɔŋ maa-ŋuŋ sìɣe nyii maa nɛ̃ɛ̂i kɛ̀ é lɛ́ɛ bɔ́ɔ ŋá a kâloŋ, é gúla a sâla daa-lêe kɛ́tɛi ŋɔgalai ma. Tãi Eezuɛ-ŋai dí nyíŋi kàa lai, dílaa è kpàla dîa. Dí kùla naa dí pene pôlu díkpɔɔi lɔii su.

Tɔɔɓɛlaa veelɛ 3:27 ပူးပေါင်းရင်းမြစ်များ

Zɛnɛse 22:13

Abrahamə yɛ gaa ɲɛ̨i laai gwɛlɛ, ə ɓɛlaa hilɛ ta kaa tɔɔni gwɛlɛ, kpɔlɔ aa kpəlaan mįnɛ̨ ɓa, ə li ə ɉon, ə gulɔ a haláá, a non mąąhvalin.

Zɛnɛse 22:2

Yálá yɛ Abrahamə ɓa: «Ə́ lon ɉulɔnu kɔ́w tɔ̨nɔ̨i ɲɛ̨i a Isaakə, yai ŋɛ̨i nwɛli kaa yɛ́i, kpɔ kɛnɛ̨i, ɉəɠə ə́ li la Moriya lɔi hu, yee ta ɓa yii gáá pai nɛi yɛ́. Ya həli laa, ə́ Isaakə kulɔ laa mą́ą́ a haláá.»

Tɔɔɓɛlaa dɔlɔɔ 20:13

Kɛlaa, Yálá kwəi mɛ̨nį hukulɔ mun da ə pa tɔɔmun Akabə pɔ, yɛ mą: «Mɛ̨nįi Yai-Laa ə mo ya ka, yɛ: Yáá nu kpɔn gɛnɛ̨ɛ ŋɛ̨i kaa, gáá gəlee tooi ə́ yee ŋą, yili ɓə yá gɔlɔn na yɛ́ diɛ ɲą́ą́ ɓə a Yai-Laa.»

Tɔɔɓɛlaa dɔlɔɔ 20:28

Yálá nwɔ nui ə mąą lɛɠɛ Israɛlə tɔɔmun ma, yɛ mą: «Yii Yai-Laa ə mo ya ka: Yii Aramə nuą diɛ Yai-Laa kaa a yee hu Yálá, hvo a nɛ̨ŋɛ̨ hu Yálá; gáá nu kpulu ŋɛ̨i kəlee lɔi ə́ yee ŋą ə gɛ ka gɔlɔn kaa diɛ: Ɲą́ą́ ɓə a Yai-Laa.»

Tɔɔɓɛlaa dɔlɔɔ 20:43

Israɛlə tɔɔmun ə pənə ə li bɔɔli Samari, gɔlɔ haa mą, yá aa laa gɔlɔi niiholiɛ.

Tɔɔɓɛlaa veelɛ 3:26

Yii kɛa Moabə tɔɔmun ə gaa yɛ gɔ́ aa kala mą, ə kɔ́kuláá nwun mɛ̨ihveelɛ həɠə, di kɔ́ pɛlɛ Edɔmə ɓa; yiliɠaa kpɛli di yee hvo lɔ.

Izikiɛ 16:20

Ə́ ə́ lon ɉinąą, da ə́ lon nɛ̨ąą, a diɛi ti ə́ di káá mą́ą́; ə́ di həɠə yɛ di kɛ a haláá hɛn, mąąnįnįnŋą́ą́i ti diɛ. Dúwɔ pələ ɲɔ̨n gulaa tii hvo mɔ̨ɔ̨ kɛ ə́ lii hon?

Amɔsə 2:1

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Moabə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, haai wɔlɔ Edɔmə tɔɔmun ə mo, di gɔw həɠə di gələn, ə kɛ a luwu.

Mise 6:7

Yai-Laa kaa pai hvaai mą yɛ ɲee hee ɓɛlaa hilɛ waa tamąą mu? Wulɔ munuun damąą ɓə mɔ̨ɔ̨ ŋą́ gboloon naa nií la? Kulɔi ŋą́ mo nwoo mu, nąą pɛli hɛn maa mɔ̨ɔ̨ a nón ɉulɔnu tɔlɔɔ? Gɛ́ nwɔ́ nɛ̨ŋɛ̨nŋaai mąą kwələ kulɔ a gwə́i lon?

Dutɛrɔnome 12:31

Ka hvə di pɔɔ kɔ́ɔn, Yai-Laa ka wɔ Yálái mąąwiɛ mɛ̨nį hu. Mąąhɔlɔɓo, mɛ̨nįɠaa kpɔ da ɓaɠi lii tɛ a Yai-Laa, mɛ̨nįɠaa kpɔ di wɛli kpɛɛi mą, ya ɓə nu huwui tii ə kɛi gɛ di wɔ hali mąąwiɛ pələ hu; diɛ di lon ɉinąą da di lon nɛ̨ąą kələn di wɔ haliɠaa diɛ.

Nwun mąąɓo 11:31

nu tɔlɔɔi pai kulɔi ɲə́i bɛlɛ́n, yɛ pa náákwiɛn ɉii, ŋą́ gɛ a Ə́ kɔ hɛn, ŋą́ gulɔ a haláái da gəlee kələn.»

Nwun mąąɓo 11:39

Ɲąnin veelɛi tii tɛɛ pulu, ə pa nąn bɔ, bələi tii nąn ə mo la, ə gɛ tii. Nɛ̨ɛ̨non tii ə haa, hvo hulɔnu mɛ̨nį hu kɔ́lɔn. Ə həɠə kɛa ɲələ ɓa, yili ə kɛ kɛa a Israɛlə nuą huwu la mɛ̨nį ta, diɛ ɉɛli pu.