Tɔɔɓɛlaa veelɛ 3:12 - Yálá laawoo hɛɓɛ (dc)

¹² Ɉosafatə yɛ diɛ: «Yai-Laa kaa ɉulɔnui tii pɔ.» Israɛlə tɔɔmun da Ɉosafatə da Edɔmə tɔɔmun, də li Elise pɔɔli.

Yálá laawoo hɛɓɛ

¹² Ɉosafatə yɛ diɛ: «Yai-Laa kaa ɉulɔnui tii pɔ.» Israɛlə tɔɔmun da Ɉosafatə da Edɔmə tɔɔmun, də li Elise pɔɔli.

Bible

¹² Zɛosafa è zu tòo ǹyɛɛi, “Gáa a Yâwɛɛ ŋɔlóno-kɛ-nuu a tɔ̃yâ.” Nya ƃe Eezuɛ kaloŋ Zɛosafa da Idɔŋ kaloŋ dí saaƃaŋɔɔ dí lì Ilasa pɔ́.

Tɔɔɓɛlaa veelɛ 3:12 ပူးပေါင်းရင်းမြစ်များ

Tɔɔɓɛlaa veelɛ 2:21

Elise ə kulɔ ə li ɲá nwun gulɔi pələ, ə gboloi tii taɠa laa yɛ mą: «Yai-Laa yɛ diɛ: ‹Ŋą́ą́ ɲái ŋɛ̨i mąąhəɠə, hvo kɛa pai nu ta paai, gaa pai nɔi lɛlɛi hihɛnŋąą diɛ.›»

Tɔɔɓɛlaa veelɛ 3:11

Ɉosafatə yɛ mą: «Yálá kwəimɛ̨ni hu kulɔmun da hvo ɓɛ yii a pɛli Yai-Laa mąąnin kɛi?» Israɛlə tɔɔmun bɔ mun dɔ̨nɔ̨ yɛ diɛ: «Safatə lon Elise kaa ɓɛ, yai kɛi ya pu Eli yəi.»

Tɔɔɓɛlaa veelɛ 3:13

Elise yɛ Israɛlə tɔɔmun mą: «Lə mɛ̨nį ɓə gwa yɛ́ gu lɔwai? 'Li ə́ nąn nwɔ Yálá kwəi mɛ̨nį ɓo nuąi pɔɔli a wala kɛ tii ə́ lee nwɛiɠaa.» Israɛlə tɔɔmun ə nwoo pulu pənə, yɛ mą: kpaa! Mąąhɔlɔɓo, Yai-Laa ə dɔɔɓɛlaa haaɓai ŋɛ̨i ɲąąkpɔn giɛ, di lɔ mɛ̨nį ɓa Moabə yee ŋą.

Tɔɔɓɛlaa veelɛ 5:15

Ə nɛɛ ɲąąɓa, ə pənə da bɔ nuą kəlee, diɛ li Yálá nwɔ nui pɔ. Naaman ə li ə too Yálá nwɔ nui lííla, yɛ mą: «Yiihui, ŋą́ą́ gɔlɔn gɛ́ Yálá hvo lɔi mɛ̨i nąą takpɛli ɓa, hvo kɛli Israɛlə lɔi hu. Yili ɓa gáá ə́ mąąnɛ̨ɛ̨i gɛ́ ə́ ə́ yee hee ə́ wɔɔ luwɔi nwɔ towələ mu, yai yɛ ə bu ə́ yəi.»

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Ɉeremi 37:17

Yili pulu, tɔɔmun Sedesiasə ə nu ta tɔɔ, diɛ li dəli; tɔɔmun ə mąąnin kɛ loo pələi, ɲəi bɛlɛ́n, yɛ mą: «Yai-Laa nwɔ wɛlɛɛ kaa ə́ la?» Ɉeremi yɛ mą: «Ee! Di kaa pai ə́ tɛɛi Babilonə tɔɔmun pɔ.»

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.