Tɔɔɓɛlaa veelɛ 25:6 - Yálá laawoo hɛɓɛ (dc)

⁶ Kalde nuą di tɔɔmun ɉon, di tɛ la Rivla daai Babilonə tɔɔmun bɔ. Nąą ɓə di tɔɔmun giti tee laa.

Yálá laawoo hɛɓɛ

⁶ Kalde nuą di tɔɔmun ɉon, di tɛ la Rivla daai Babilonə tɔɔmun bɔ. Nąą ɓə di tɔɔmun giti tee laa.

Bible

⁶ Dí lì a Zɛdikia Babelɔŋ kaloŋ Nɛbukinaza pɔ́naa Lila taa-leei su, ƃɛ́i è ŋɔmɛni sâai ƃò naa é ŋá tée, ǹyaŋ ŋɔmɛnii è kɛ̀ a nyɔ́mɔɔ.

Tɔɔɓɛlaa veelɛ 25:6 ပူးပေါင်းရင်းမြစ်များ

Tɔɔɓɛlaa veelɛ 23:33

Eziptə tɔɔmun Neko ə Yoakazə hon a luwɔ Rivla daai Hamatə lɔi hu, ə doo yɔwɔn ŋą, ə gɛ, hvo kɛa tɔɔlaa kɛ Ɉerusalɛmə daai. Eziptə tɔɔmun Neko ə Nįįhɔ̨nwɔ̨ laa Ɉuda nɔi nuą nwuɔ̨ a wali kwələ kilə waa nwun ɉaaɓa, diɛ gulɔ kwɛlan mą da hɛni kilə pow haaɓa.

Tɔɔɓɛlaa veelɛ 25:5

Kɛlaa Kalde kɔkulaaɠaa di hvilɛn tɔɔmun bulu di ɉon Ɉeriko ɲɛa kɔ́wɔ hu. Nwɔɔ kɔ́ kɔ́ nuą kəlee daa kɛ pu gɔ́ ɓa, daa taɠa mą.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Ɉeremi 32:4

Ɉuda tɔɔmun hvo pai kulɔi Kalde kɔ́kulááɠaa yəi, di kaa pai dɛɛi Babilonə tɔɔmun bɔ, da yaa diɛ pələ́ pili di kee ɓa nu ta hva kɛ di lɔwai.

Ɉeremi 34:3

Yɛ́ kpinįi, hvo pai kulɔi ɲəi, di kaa pai ə́ hon ɉii, di ə́ tɛɛ bɔ, yɛ́ ka Babilonə tɔɔmun, ka káá pai ka ɲɛ̨i kwəleen ɉeei gee ɓa, kaa pələ pili ka kee ɓa, ə́ kaa pai lii Babilonə.

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Ɉeremi 52:9

Kalde kɔ́kulááɠaa di Sedesiasə hon, di tɛ la Rivla daai, Hamatə lɔi hu, Babilonə tɔɔmun bɔ, yili ə Sedesiasə kiti tee.