Tɔɔɓɛlaa veelɛ 25:4 - Yálá laawoo hɛɓɛ (dc)

⁴ Kalde nuą di nɛɛ mą, di wolo tee daa mąąkpɛ hį́i ɓa. Kwii hąą, Ɉuda kɔkulaaɠaa di pu. Bələi mąn Kalde kɔkulaaɠaa daa kɛ Ɉerusalɛmə taa mąątinɛn na, ɉį́i naaləi ɲii ŋɛ̨i kɛ a tɔɔmun yəi nɔw yɛa pələ, nąą bələ ɓə di tɛɛ la, ɉį́i hveelɛi ti lɔwai. Da tɔɔmun ni di ɉaŋą a Ɉurdɛn ɲa-ɓoloon bɔ pələ.

Yálá laawoo hɛɓɛ

⁴ Kalde nuą di nɛɛ mą, di wolo tee daa mąąkpɛ hį́i ɓa. Kwii hąą, Ɉuda kɔkulaaɠaa di pu. Bələi mąn Kalde kɔkulaaɠaa daa kɛ Ɉerusalɛmə taa mąątinɛn na, ɉį́i naaləi ɲii ŋɛ̨i kɛ a tɔɔmun yəi nɔw yɛa pələ, nąą bələ ɓə di tɛɛ la, ɉį́i hveelɛi ti lɔwai. Da tɔɔmun ni di ɉaŋą a Ɉurdɛn ɲa-ɓoloon bɔ pələ.

Bible

⁴ Babelɔnia-ŋai dí kɔ́-kɔ-ƃelai dí Zerusâlɛŋ taa-leei ŋɔgalai wôlo a ma ɣelei tí. Ma kpînii tí, Gâloŋ Zɛdikia da ŋɔkɔ́-kɔ-ƃelai dí kɔ̀ dí pú dí tɛ́ɛ galai lá ƃɛ́i-pere nyii kɛ̀ gâloŋ ŋɔsûai su-perei. É máŋ kɛ́ tí, dí kɛ̀ a gɔ́lɔŋɔɔ a gɛɛ Babelɔŋ kɔ-kɔ-ƃelai dí kɛ̀ a dí tínaŋɔɔ daa-leei ma ǹyée tooɔɔ gîei. Tãi dí kùla lai, dí zòŋ a Zɔdiŋ Ya-leei ma tiŋ-tiŋ su-pere.

Tɔɔɓɛlaa veelɛ 25:4 ပူးပေါင်းရင်းမြစ်များ

Tɔɔɓɛlaa veelɛ 25:5

Kɛlaa Kalde kɔkulaaɠaa di hvilɛn tɔɔmun bulu di ɉon Ɉeriko ɲɛa kɔ́wɔ hu. Nwɔɔ kɔ́ kɔ́ nuą kəlee daa kɛ pu gɔ́ ɓa, daa taɠa mą.

Kɔlɔnikɔ Veerɛi 32:5

Ezekiasə ə tɔɔ kpɔ a nwąnąi, ɉį́i mɛ̨i tii kɛ buɔ, ə nąą tɔɔ, ə gɔ́ pɛlɛ́ɠaa tɔɔ, ə da tɔɔ ɉį́i pulu pənə. Ə Milo pɛli Davidə taa. Ə kpala tamąą pɛli da hə́mə́ tamąą.

Nehemi 3:15

Ɲa nwun gulɔi pələ, Kɔlə-Hoze lon Salumə ŋɛ̨i kɛ a Mispa nwun nąmu, ya ɓə nąą koló kɛ. Ə dɔɔ, ə mɛ̨i kɛ, ə gbonŋąą too, ə gwɛliɠaa laa bulu da naa kpulu kwɛliɠaa. Ə pənə ə daa mąąkpɛ hįį pɛli, ə həɠə ɲálɔwa kɛnɛ̨ ɓa, tɔɔmun nwɔ nɔw yɛai kwɛlɛ, ə həli la Davidə taa pələ ɓa.

Azaya 22:11

Kaa yá pui takpɛli pɛli ɉį́i hveelɛi lɔwai, a ɲa pui pɔlɔ pɔlɔ mąą hvalin. Kɛlaa nui a mɛ̨nį kəlee ɲɛ̨i kulɔ, ka hvo ka ɲɛ̨i hee li bɔ pələ, nui wɔlɔ aa pɛlɛ mɛ̨nįɠaai tii kəlee kɛɛ ɓa, ɉu aa kwɛa, ka hvo gaai.

Azaya 22:3

Ə́ wɔ kɔ́ ɲɛ̨itɔwɔ nuą kəlee daa pu, daa di hon a kɔluwɔɠaa, di hvo mąn kilɛn ɲąą lɔwa li diɛ, nuąi kpɔ di di kaa, di gəlee hon a kɔluwɔ, ya pa daa kɛ pu kpɔ daa li kwɛala.

Ɉeremi 32:4

Ɉuda tɔɔmun hvo pai kulɔi Kalde kɔ́kulááɠaa yəi, di kaa pai dɛɛi Babilonə tɔɔmun bɔ, da yaa diɛ pələ́ pili di kee ɓa nu ta hva kɛ di lɔwai.

Ɉeremi 34:3

Yɛ́ kpinįi, hvo pai kulɔi ɲəi, di kaa pai ə́ hon ɉii, di ə́ tɛɛ bɔ, yɛ́ ka Babilonə tɔɔmun, ka káá pai ka ɲɛ̨i kwəleen ɉeei gee ɓa, kaa pələ pili ka kee ɓa, ə́ kaa pai lii Babilonə.

Ɉeremi 38:18

Kɛlaa, yá wala li hvó ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨itɔwɔ nuą pɔ, daa ŋɛ̨i kaa pa tooi Kalde nuą yee ɲą, di gələn, ɛlɛɛ yɛ́n, hvá kulɔ di yəi.›»

Ɉeremi 4:17

Di kaa yɛ tíi mąąkpɛ nuą, daa Ɉerusalɛmə taa mąątinɛn, diɛ həɠə pələ kəlee pɔ, mąąhɔlɔɓo, aa kulɔ nwóó mu. Ɲą́ą́ Yai-Laa nwóó li.

Ɉeremi 4:29

Daa lee hu nuą da pa: ɉooɠaa da gilɛn bili nuą tin mɛ̨n ɉii, di kəlee di kaa pai tɛɛi a gilɛ; diɛ lɔ gbomoɠaa hu; diɛ tɛ kwɛniɠaa ɓa; nuą daa kulɔ daa kəlee hu, nui lɔpee ta hvo lɛɛ li daai.

Ɉeremi 44:30

Ɲą́ą́ Yai-Laa nwóó li, gɛ́ diɛ: Gáá Eziptə tɔɔmun Hofra kwɛlɛi ɲowoɠaa diɛ, ɲowoɠaai diɛ di baa; yɛ bələi ŋą́ gɛ la a Ɉuda tɔɔmun Sedesiasə. Ŋą́ gwɛlɛ ɲowo Babilonə tɔɔmun Nabukodonosorə ɓa, yii kɛi gwɛli baa mɛ̨nį ɓa.»

Ɉeremi 5:10

'Ka tɛ daa mąąkpɛ hįį mɛ̨i, 'ka bu. Kɛlaa ka hvo gəlee pu kpɔ tii tɛ̨ɛ̨tɛ̨ɛ̨?. Ka wɔ viɲəɠaai nwonwoɠaa kulɔ mą. Mąąhɔlɔɓo, hvo a Yai-Laa nwɔɔ.

Woolaa 1:3

Daa Ɉuda lɔi nwun gulɔ, daa mąąwɛli, daa li la luwɔlaa hu. Gaa kɛa hį́i takpɛliɠaa lɔwai, vįitɔɔi hvó ɲəi! Nuą kɛi gbɛ daa həli mą, ɓɛi bu pələ hvo laa ɲəi.

Woolaa 1:6

Siɔn nwɔ lɛlɛ mɛlɛ aa kpɛɛ mą. Nwɔ kalanɉonŋaa kaa laɠin ɉii yɛ lomąɠaa, di laa mįi hvo di yəi. Diɛ gilɛ həɠə, di hvįi aa kpɛɛ, di kpɛ nuą tɔwɔ.

Izikiɛ 12:12

Dɔɔmun tii di lɔwai, gaa pai tiɛ̨ laai galan ŋą; gaa pai kulɔi kwii hąą daa mąąkpɛ hį́i wolo ɓa pələ. Di gbɛa wolo ɓɔ laa, dɛɛ mɛ̨nį ɓa lɔ. Gaa pai həɠə pɛlɛi nwun mɛ̨i, hvo pa lee nɔi kaa a ɲɛ̨i kɔ́w.

Izikiɛ 12:14

Gwɛlɛ nuą kəlee, mąąkpɛ kɔ́kulááɠaa da nwɔ kɔ́kulááɠaa, gáá pai di taɠa-taɠai lɔi kəlee hu. Yili pulu ŋą́ hvilɛn di pulu a kɔ́ kɔ́ ɓɔwa.

Izikiɛ 12:4

Ə́ kaa pai yɛ́ tiɛ̨ɠaai kulɔi yɛ nui di kaa lííla luwɔlaa hu nwɔ tiɛ̨; hvóló ɲą, di ɲɛ̨i ɓa; ɛlɛɛ, yɛ́n, ə́ kaa pai kulɔi yələ wilii pɔ, di ɲɛ̨i ɓa, yɛ bələi kɔluwɔɠaa da kulɔ la taai.

Izikiɛ 33:21

Ku liɛ nuwɔlaa hu, gwɛlan bow gɔw hveelɛ, ɲąnin bow nwɔ hvóló nɔɔli yələ, nu ta ə pu, ə həɠə Ɉerusalɛmə, ə pa bɔ́, yɛ mą́ą́: «Daa daa hon a kɔ́!»

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Levetekɔ 26:36

«Nuąi pai kulɔi ɉu ka lɔwai, gáá pai gɛi di hvii yɛ kpɛɛ ka yowoɠaa di wɔ lɔiɠaai hu, laa kpala too tin gbɛli kpɛli kaa pai gɛi diɛ tɛɛ a gilɛ; di kaa pai kɛi pui yɛ da kɛi pu kɔ́ kɔ́ ɓɔwa tɔwɔ, diɛ too, nu hva kpɛli kɛ di pulu.

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.