Tɔɔɓɛlaa veelɛ 25:29 - Yálá laawoo hɛɓɛ (dc)

²⁹ Ewilə-Merodakə ə Yoyakin nwɔ gaho həɠəɠaai kulɔ gwąną; da yaa diɛ kɔ̨nɔ̨n mįi gee ɓa a yələ kəlee.

Yálá laawoo hɛɓɛ

²⁹ Ewilə-Merodakə ə Yoyakin nwɔ gaho həɠəɠaai kulɔ gwąną; da yaa diɛ kɔ̨nɔ̨n mįi gee ɓa a yələ kəlee.

Bible

²⁹ Ŋuŋ-ma-ƃo è nâa kɛ̀ Zɛoasiŋ yêei a gɛɛ é ŋɔseɣei maa-faleŋ a tãi kélee. A kâa ǹáa mìi gâloŋ ŋɔteƃelei ma a ɣele kélee.

Tɔɔɓɛlaa veelɛ 25:29 ပူးပေါင်းရင်းမြစ်များ

Samia Veerɛi 9:7

Davidə yɛ mą: «Hvo ɲɔw, gáá bɔ ŋą́ kpɔnmąą tɛɛ ə́ pɔ a wɛlikɛmąąlaa, ə́ nąn Ɉonatan mąą mɛ̨nį ɓa. Gáá pai ə́ kalá Saulə nwɔ lɔiɠaai kəlee pənəi ŋą́ dɛɛ ə́ pɔ, ə lɛɛ, yɛ́ kpįnįi ŋɛ̨i, gu kaa kɛi gu yee lɔi kɔ́wɔ tɔ̨nɔ̨ a yələ kəlee.»

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Zɛnɛse 41:42

Tɔɔmun ə nɛɛmą, ə nwɔ tɔɔ gbonoi kulɔ ɲee ɓa, ə doo Ɉosɛfə yee ɓa. Ə tɔɔ həɠə too Ɉosɛfə kwąną, ə hɛni kwɛɛn doo gwąną.

Lukə 15:22

Kɛlaa, nąn ə mo nwɔ koló kɛ nuą diɛ, yɛ diɛ: ‹Ka pa a gbaawi lɛlɛɛ ɉa-ɉa ka doo gwaną, ka gbono too ɲee ɓa, ka kɔ́lɔ lɛlɛɛ lɔ gɔwɔ ŋą.

Zakari 3:4

Nuąi kɛ tɔɔni niila, yɛ diɛ: 'Ka nwɔ həɠə mąąliɓɛɛ tii kulɔ gwąną. Yili pulu, yɛ Ɉosue ɓa: «Yáá gaa, ŋą́ą́ ə́ wɔ nɛ̨ŋɛ̨nŋaai kulɔ yɛ́, di kaa pai hɛli həɠə tooi ə́ kwąną.»

Tɔɔɓɛlaa veelɛ 24:12

Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Zɛnɛse 41:14

Tɔɔmun ə mo di li di Ɉosɛfə təli, di gulɔ gaho pɛlɛ́ mu kpɔ ɉa-ɉa. Di nwun bu a nɛlɛɛ, di mąąhəɠə mąąhvalin, di paa la tɔɔmun nííla.

Ɉeremi 52:33

Ə Yoyakimə nwɔ luwɔ həɠəɠaa kəlee kulɔ gwąną. Yoyakimə da Babilonə tɔɔmun mə kɛi di yee lɔ kɔ́wɔ tɔ̨nɔ̨ hu, nwɔ yɛnɛ̨ɛ̨ kəlee yee mu.

Tɔɔɓɛlaa dɔlɔɔ 2:7

Yii hvilɛn na Galaadə mun Barzilai ɓa, nwɛi, ɉon a wɛlikɛmąąlaa. Nuąi ka diɛni ka kɛ ka yee lɔi kɔ́wɔ tɔ̨nɔ̨ hu, naa too di pɔ. Mąąhɔlɔɓo, ɓɛlɔwai ŋį́ kɛi pu la ə́ liɛ Absalɔn tɔwɔ, diɛi tii ɓə pa bɔ́ a wɛlikɛmąąlaa.

Ɉeremi 22:26

Yɛ́ ka ə́ leei ə́ kaa, gáá ka yaa ka pilii lɔi takpɛli hu, ɓɛi di hvo ə́ kaa li laa. Nąą ɓə ka káá pai haai laa.