Tɔɔɓɛlaa veelɛ 25:27 - Yálá laawoo hɛɓɛ (dc)

²⁷ Ɉuda tɔɔmun Yoyakin nwɔ luwɔlaa gwɛlan bow haaɓa gɔw mɛ̨ihveelɛ lɔwai, ɲąnin bow gɔw hveelɛnąą, ɲąnįn nwɔ hvóló pow hveelɛ gɔw mɛ̨ihveelɛ yələ, Ewilə-Merodakə yai kɛ a Babilonə tɔɔmun, gwɛlan tii ə dɔɔlaa hɔlɔɓo la, ə Ɉuda tɔɔmun Yoyakin ɲɛ̨imąąwɛli kaa, ə gulɔ gaho ŋą.

Yálá laawoo hɛɓɛ

²⁷ Ɉuda tɔɔmun Yoyakin nwɔ luwɔlaa gwɛlan bow haaɓa gɔw mɛ̨ihveelɛ lɔwai, ɲąnin bow gɔw hveelɛnąą, ɲąnįn nwɔ hvóló pow hveelɛ gɔw mɛ̨ihveelɛ yələ, Ewilə-Merodakə yai kɛ a Babilonə tɔɔmun, gwɛlan tii ə dɔɔlaa hɔlɔɓo la, ə Ɉuda tɔɔmun Yoyakin ɲɛ̨imąąwɛli kaa, ə gulɔ gaho ŋą.

Bible

²⁷ Babelɔŋ kaloŋ Ivɛ-Miro ŋɔkaloŋ-laa koraŋ maa-ŋuŋ, ŋɔfólo buu feerɛ káo lɔ́ɔlu mɛi feerɛ ɣele, è Zuda kaloŋ Zɛoasiŋ kùla kpini-pɛrɛ mu. Zɛoasiŋ è kɛ̀ kpini-pɛrɛ mu Babelɔŋ a kóraŋ buu saaƃa káo lɔ́ɔlu mɛi feerɛ, ɣáloŋ puu káo feerɛ, fólo buu feerɛ káo lɔ́ɔlu mɛi feerɛ dí lɛ́ɛ pâi ŋuŋ ma ƃôi.

Tɔɔɓɛlaa veelɛ 25:27 ပူးပေါင်းရင်းမြစ်များ

Zɛnɛse 40:13

voló haaɓai tii a tɛɛ, tɔɔmun gaa pai pənəi ə giliŋąhiɛ yɛ́ a nɛlɛɛ, ə́ ə́ kulɔ gaho ŋą, ə li a yɛ́, ə́ ə́ kɛ kóló kɛ. Ə́ kaa pai pənəi yɛ́ lɔɔ tɛɛ bɔ, yɛ bələi tɔlɔɔ ə́ kɛi gɛ la.

Zɛnɛse 40:20

Hvóló haaɓa tɛɛ pulu, Eziptə tɔɔmun ə kɛi gbɔwɔ kaa kwɛlan mąą kwəinɛ̨ɛ̨ kulɔ, ə kɔ̨nɔ̨n gɛnɛ̨ pɛli nwɔ ɲɛ̨i tɔwɔ nuą diɛ, nuąi tii kəlee ɲɛ̨i ɓa, ə nɔɔ pɛli nuą nwun nąmu kulɔ gaho ŋą, da nui ŋɛ̨i kɛ gɔ̨nɔ̨n mɛ̨nį nwun nai.

Tɔɔɓɛlaa veelɛ 24:12

Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Tɔɔɓɛlaa veelɛ 24:15

Nabukodonosorə ə li a Yoyakin nee, nɛ̨ąni, da nwɔ tínuą, da nɔi kalanɉonŋąą da nwɔ gbɛtɛgbuwuluɠaa, ə di kulɔ Ɉerusalɛmə, ə li a kɛ diɛ Babilonə luwɔlaa hu.

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Ɉeremi 22:26

Yɛ́ ka ə́ leei ə́ kaa, gáá ka yaa ka pilii lɔi takpɛli hu, ɓɛi di hvo ə́ kaa li laa. Nąą ɓə ka káá pai haai laa.

Ɉeremi 28:4

ə makɛ Ɉuda tɔɔmun Yekonia Yoyakimə lon, da Ɉuda nuąi kpɔ də li a diɛ Babilonə, ŋą pənə ŋą pa a diɛ gɛɛnąąi ŋɛ̨i ɓa. Yai-Laa woo li, mąąhɔlɔɓo, gáá Babilonə tɔɔmun nwɔ kponoi hu yalii.»

Ɉeremi 38:17

Ɉeremi yɛ tɔɔmun Sedesiasə ɓa: «Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálái woo ka: ‹Ya hvaa mą ə́ li ə́ ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨i tɔwɔ nuą pɔ, yá lɛɛ yɛnɛ̨ɛ̨, ɛlɛɛ, di hva daa ŋɛ̨i kələn; yá lɛɛ yɛnɛ̨ɛ̨ ka ə́ yə́i bɛlɛ́n nuą.