Tɔɔɓɛlaa veelɛ 25:24 - Yálá laawoo hɛɓɛ (dc)

²⁴ Gedaliasə ə nwoo ŋɛ̨i ɓo diɛ a nwąną da di wɔɔ nuąi, yɛ diɛ: «Ka hvo ɲɔw ka lɛɛ mɛ̨nį ɓa Kalde nuą yee mu, ka lɛɛ heeni ka heeiɠaa ɓa, kaa tí Babilonə tɔɔmun ɓa, nɔi hu a nɛ̨ɛ̨ kaa.»

Yálá laawoo hɛɓɛ

²⁴ Gedaliasə ə nwoo ŋɛ̨i ɓo diɛ a nwąną da di wɔɔ nuąi, yɛ diɛ: «Ka hvo ɲɔw ka lɛɛ mɛ̨nį ɓa Kalde nuą yee mu, ka lɛɛ heeni ka heeiɠaa ɓa, kaa tí Babilonə tɔɔmun ɓa, nɔi hu a nɛ̨ɛ̨ kaa.»

Bible

²⁴ Gidalia è mò dîa ǹyɛɛi, “Mɛnii kélee a pâi kɛ̂i a ǹɛ́lɛɛ. È góno tèe díyêei a gɛɛ maa fé nɛ̃ɛ ní kú yao Babelɔŋ-ŋai dí mɛi-ƃelai dîa, à kɛ̀ nɔ́ kwa kɛ̀ ƃɛ́ lii-see su kú mɛnii kélee kɛ́ Gâloŋ Nɛbukinaza a pâi môi kûai.”

Tɔɔɓɛlaa veelɛ 25:24 ပူးပေါင်းရင်းမြစ်များ

Samia Veerɛi 14:11

Nɛ̨ɛ̨nui tii yɛ tɔɔmun ma: «Tɔɔmun! Ə́ kwɛla a Yai-Laa yɛ, nón ɉulɔnu tɔ̨nɔ̨i ŋɛ̨i aa lɛɛ ɲə́i di hvo pai baa, a mɛlan ŋama nwąną kulɔ hɛn.» Tɔɔmun yɛ mą: «Yii kpɔ Yai-Laa kaa laa, ə́ lon nwun nəɠa tɔ̨nɔ̨ kpɛli hva too lɔi ɓa.»

Samia Veerɛi 19:23

Davidə yɛ mą: «Seruya lonnii, ká wɔɔ nąą ɓaa a lə mɛ̨nįi ŋɛ̨i hu? Yaai ka káá kpəɲan ɉii gɛ́ mɛ̨nįɠaa hu? Da mɔ̨ɔ̨ pɛli nu paai Israɛlə lɔi hu háákələi? Və́ mɔ̨ɔ̨ gbɔ́ɔ́ kɔ́lɔn a Israɛlə tɔɔmun háákələi?»

Tɔɔɓɛlaa veelɛ 25:23

Ɓɛlɔwai Ɉuda kɔlaɠa nwun nąmįną di bələ mɛ̨n na, diɛ kɛ Babilonə tɔɔmun aa kɛ Gedaliasə hee Ɉuda lɔi nwun na, di pa da wɔɔ nuąi, di həli Gedaliasə ɓa Mispa daai; nuą tii ɓa: Netania lon Yismaɛlə, Karea lon Yohanan, Tanhumɛtə lon Seraya yai kɛ a Netofa daai mun, ɛlɛɛ, Maaka mun lon Yaaniahu.

Tɔɔɓɛlaa veelɛ 25:25

Kɛlaa, ɲąnin mɛ̨ihveelɛ lɔwai, Elisama yai kɛ a dɔɔ kwəlii mun da, mąnįn Yismaɛlə yaai a Netania lon, da nu pow di pa di Gedaliasə paa, ə mą kɛ, da Ɉuda nuą, da Kalde nuąi da diɛni da kɛ Mispa daai.

Ɉeremi 43:6

Da ɉinąą, nɛ̨ąą, nɛapɛlɛɛ, dɔɔ pɛlɛ́ mu nɛ̨ąą, da nuąi kpɔ tii dɔɔmun mąąkpɛ kɔ́kulááɠaa nwun nąmu Nebuzaradan ə di kalihvaɓo Gedaliasə ɓa, ə mą kɛ Ahikamə lon, Safan lon, ə mą kɛ Yálá kwəi mɛ̨nį hukulɔ mun Ɉeremi, da Neriya lon Barukə,