Tɔɔɓɛlaa veelɛ 25:13 - Yálá laawoo hɛɓɛ (dc)

¹³ Kalde kɔ́kulááɠaa di Yai-Laa nwɔ pɛli hɔlɔɔnŋąą huyali yali da ɉɛnŋaai kɛ di hvilɛn ŋąą di mɛ̨i, ɛlɛɛ, da ɉɛnɲąŋą kɛnɛ̨i a mala kwɛli ə ɓo Yai-Laa yəi bɛlɛ́n, di ɉəɠə də li la Babilonə lɔi hu.

Yálá laawoo hɛɓɛ

¹³ Kalde kɔ́kulááɠaa di Yai-Laa nwɔ pɛli hɔlɔɔnŋąą huyali yali da ɉɛnŋaai kɛ di hvilɛn ŋąą di mɛ̨i, ɛlɛɛ, da ɉɛnɲąŋą kɛnɛ̨i a mala kwɛli ə ɓo Yai-Laa yəi bɛlɛ́n, di ɉəɠə də li la Babilonə lɔi hu.

Bible

¹³ Babelɔŋ-ƃelai dí kɔ́-kɔ-ƃelai dí m̀ára-nɔɔ feerɛi kùla nyii-ŋai kɛ̀ tɔɔ̂ni ŋâla-pɛrɛ kɛ́tɛi ŋɛ́i-tuɛi. Dí ǹyá seêi kɛ́ sɛŋ-folo kɛ́tɛ kɔ́ɔ puui kélee fùloŋ dí dí kúla mu da ǹyá seêi kɛ́ sɛŋ-folo kɛ́tɛi kɛ̀ seê-ni ŋá, nyii da kâa dòli a Yuoi. Dí díwòlo-wolo dí dísu tée-tee a gbua-gbua a gɛɛ pɔri-maa é kɛ́ dîɛ dí lí a m̀árai Babelɔŋ.

Tɔɔɓɛlaa veelɛ 25:13 ပူးပေါင်းရင်းမြစ်များ

Tɔɔɓɛlaa dɔlɔɔ 7:15

Ə bɛlɛ́ dɔɔmu hveelɛ kɛ a ɓala kwɛli, dɔ̨nɔ̨ kwɛa yee yɛ ɓo a yee laa mą pow kɔ́w mɛ̨ihaaɓa. Veelɛnąą tii, yee laa mą pow kɔ́w hveelɛ ɓə a mąątinɛ̨n ə doo gee hu.

Tɔɔɓɛlaa veelɛ 20:17

Yələ ta kaa pai ɉəlii, ɉɛnŋąą kpɔ ə́ yəi bɛlɛ́n da yiiɠaa kpɔ ə́ nąnii di diɲɛ gee ɓa, di kaa pai gəlee həɠəi də li la Babilonə lɔi hu, da lɔpee hva lɛɛ ɓɛ. Ɲą́ą́ Yai-Laa nwóó li.

Tɔɔɓɛlaa veelɛ 24:13

Ə li a Yai-Laa yəi bɛlɛ́n ɉɛnŋąą kəlee da tɔɔmun ɲəi bɛlɛ́n ɉɛngu kəlee. Ɉaláá kulɔ hɛnɠaa kpɔ Israɛlə tɔɔmun Salomɔn ə di pɛli, ə gəlee kala. Mɛ̨nį Yai-Laa ə mo, nąą ə hvɛɛla.

Kɔlɔnikɔ Veerɛi 3:15

Ə bɛlɛ hɔlɔɔn veelɛ tɔɔ bɛlɛ́ laaləi, dɔɔ nwun ɲą ə ɓo a yee laa mą pow haaɓa kɔ́w lɔɔli, di tonna ɲąą kɛnɛ̨ a yee laa mą lɔɔli.

Kɔlɔnikɔ Veerɛi 36:18

Yálá yəi bɛlɛ́n ɉɛnŋąą kəlee, gbɛa-kpɛaa mąn, bɛlɛɛɠaa mąn, Yai-Laa ŋą pɛlɛ́i mu hɛn gɔwɠaa, tɔɔmun ŋą pɛlɛ́i mu hɛn gɔwɠaa, ə mą kɛ, galanɉonŋąą di wɛi, di gəlee həɠə di li la Babilonə.

Lɛɛ gbɔwɔ ɓa 27:3

Ɉaláá kulɔ hɛnɲąŋąɠaai tii kəlee pɛli a ɓala kwɛli, ə́ da pɛli a luwu kələ hɛn, ə́ da kɛ a gwoa-gwoa, ə́ da kɛ a ɲąmą taɠa hɛnɲąŋą, ə́ da kɛ a mįnɛ̨ ɲin ɉu kulaa, ə́ da kɛ a nwɔ̨n ɉəɠə hɛn.

Azaya 39:6

Lɔwai taɠaa kaa pai həlii, ɉɛnŋąąi kpɔ ə yəi bɛlɛ́n, yai kpɔ ə́ nąnni di diɛ̨ gee mɛ̨i, ə həɠə kpɔ di wɔ lɔwai ɓa ə lɛɛ ɉu háákəlee, di kaa pai lii a gəlee Babilonə lɔi hu, hɛn lɔpee ta hvo pai lɛɛi; Yai-Laa woo li.

Ɉeremi 20:5

Daai hɛnŋaa kəlee, da nwɔ kóló dɔlɔ kəlee, ɉɛn kpɔ daai a mąą mɛ̨nį nwąnąą, da Ɉuda tɔɔɓɛlaa di wɔ hɛn gɔw kəlee, gáá gəlee tɛɛi di yowoɠaa pɔ. Di kaa pai tooi ɉu, diɛ di yɛɠɛ, diɛ li a diɛ Babilonə.

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!