Tɔɔɓɛlaa veelɛ 25:1 - Yálá laawoo hɛɓɛ (dc)

¹ Sedesiasə nwɔ tɔɔlaa gwɛlan mɛ̨inąąn nɔwai, ɲąnin bow nwɔ hvóló pow yələ; Babilonə tɔɔmun ə pa ə kɔ́ pɛlɛ Ɉerusalɛmə taa ɓa da nwɔ kɔlaɠaɠaa kəlee, ə di tɔɔi kulɔ ɉįi ɓa nąą kəlee, ə doo gee hu.

Yálá laawoo hɛɓɛ

¹ Sedesiasə nwɔ tɔɔlaa gwɛlan mɛ̨inąąn nɔwai, ɲąnin bow nwɔ hvóló pow yələ; Babilonə tɔɔmun ə pa ə kɔ́ pɛlɛ Ɉerusalɛmə taa ɓa da nwɔ kɔlaɠaɠaa kəlee, ə di tɔɔi kulɔ ɉįi ɓa nąą kəlee, ə doo gee hu.

Bible

¹ Zuda kaloŋ Zɛdikia ŋɔkâloŋ-laa koraŋ ǹɔ́ɔlu mɛi náaŋ su, ŋáloŋ buui ŋɔfólo puu ɣele, Babelɔŋ kaloŋ Nɛbukinaza è ŋɔkɔ́-kɔ-ƃelai kélee sìɣe é lí a dia a gɛɛ dí kɔ́ pɛ́lɛ Zerusâlɛŋ ma. Gɔ́-kɔ-ƃelai dí díƃûui pù dí dínaŋ daai ma dí doo galai.

Tɔɔɓɛlaa veelɛ 25:1 ပူးပေါင်းရင်းမြစ်များ

Tɔɔɓɛlaa veelɛ 24:1

Nąąlɔwai tii hu, Babilonə tɔɔmun Nabukodonosorə ə Ɉuda lɔi hon a kɔ́. Yoyakimə ə lɛɛ ɲee mu, kwɛlan ɉaaɓa yee mu. Gwɛlan ɉaaɓa kpɛɛi lɔwai, Yoyakimə ə pənə ə Babilonə tɔɔmun yee mɛ̨i yali.

Tɔɔɓɛlaa veelɛ 24:10

Nąąlɔwai tii, Babilonə tɔɔmun Nabukodonosorə nwɔ nuąi di pa kɔ́ pɛ́lɛ́i Ɉerusalɛmə ɓa. Di daa mąątinɛn di doo gee hu.

Tɔɔɓɛlaa veelɛ 25:2

Daa ə tɔɔ gɔ́ la, ə lɛɛ, kpɔ ɉu Sedesiasə nwɔ tɔɔlaa gwɛlan bow kɔ́w tɔ̨nɔ̨ lɔwai ə ɉəli.

Tɔɔɓɛlaa veelɛ 25:8

Ɲąnin nɔɔli nąą nwɔ hvóló mɛ̨ihveelɛ yələ, Babilonə tɔɔmun Nabukodonosorə nwɔ tɔɔlaa gwɛlan bow mɛ̨inąąn nɔwai, Nebuzaradan, yai kɛ a tɔɔmun mąąkpɛ nuą nwun nąmu, yɛ ɓo nwɔ̨nɔ̨ a kɔ́kuláá nwun nąmu, ə pa Ɉerusalɛmə daai,

Kɔlɔnikɔ Maa-ŋuŋ 6:15

Simea, Hagiya da Asaya.

Kɔlɔnikɔ Veerɛi 36:11

Sedesiasə kaa kwɛlan ə kɛ a kwɛlan bow hveelɛ kɔ́w tanɔ̨n ɓɛlɔwai ə kɛ la a tɔɔmun, ə tɔɔlaa kɛ a kwɛlan bow gɔw tanɔ̨n Ɉerusalɛmə.

Azaya 29:3

Ŋą́ kɔ́ pɛlɛ yɛ́, yɛ bələi Davidə ə gɛ la; ŋį́ ə́ mąątinɛ̨n ŋį́ doo gee hu ɲą́ą́ gbɛli, gɛ́ galaɠaa tɔɔ, gɛ́ ə́ mąątinɛ̨n na.

Ɉeremi 21:2

«Yai-Laa mąąni kɛ ku mąą mɛ̨nį ɓa, mąąhɔlɔɓo, Babilonə tɔɔmun Nabukodonosorə aa kɔ́ pɛlɛ kuɔ, gbəli hu Yai-Laa a pɛli ə kpalo mɛ̨nį ta kɛ, ə ku mąąkɔ̨nwɔ̨ Nabukodonosorə yəi.»

Ɉeremi 27:8

«Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Ɉeremi 32:1

Ɉuda tɔɔmun Sedesiasə nwɔ tɔɔlaa gwɛlan bow nąąn ɲələ, Nabukodonosorə nwɛi bow gɔw mɛ̨ihveelɛ ɲələ li kɛ, Yai-Laa ə mɛ̨nį ɓo Ɉeremi ɓa.

Ɉeremi 32:2

Nąąlɔwai, Babilonə tɔɔmun nwɔ kɔlaɠaɠaa daa kɛ Ɉerusalɛmə taa mąątinɛ̨n, a kɔ́. Yálá kwəi mɛ̨nį hukulɔ mun Ɉeremi yaan, ə kɛ gaho ŋą dɔɔmun mąąkpɛ kulááɠaa pɔɔli, Ɉuda tɔɔmun ɲəi gwəlii.

Ɉeremi 32:24

«Babilonə nuą ka, di kaa pai, di hvaŋą kɛnɛ̨, diɛ kɔlaɠa pɛlɛ daa ɓa, di kaa pai daa hon ɉii, daa gbɛa daa kwɛlɛ diɛ, gwa mo kpɔ tii, di yee yɛi tɛɛ daa ɓa, a kɔ́ kɔ́ bowa, da pulu, ɛlɛɛ da kwəi kulɔ ɲɔ̨n; yɛ́n, ə́ heɛ yɛ́ nąą kaa.

Ɉeremi 32:28

Yili mąą mɛ̨nį ɓa, Yai-Laa woo ka, yɛ diɛ: Gáá daai ŋɛ̨i tɛɛi Kalde nuą pɔ, da Babilonə tɔɔmun Nabukodonosorə, di kɔ́ pɛlɛ mą.

Ɉeremi 4:17

Di kaa yɛ tíi mąąkpɛ nuą, daa Ɉerusalɛmə taa mąątinɛn, diɛ həɠə pələ kəlee pɔ, mąąhɔlɔɓo, aa kulɔ nwóó mu. Ɲą́ą́ Yai-Laa nwóó li.

Ɉeremi 43:10

Yili pulu, yɛ diɛ: ‹Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: Gáá wɛlɛɛ tɔɔi nwɔ́ tí mun Nabukodonosorə Babilonə tɔɔmun bulu, gáá nwɔ tɔɔ kpəlin hvilɛn ɉii, gwɛniɠaai ŋɛ̨i ə́ di lɔ ɓɛ di mɛ̨i, diɛ nwɔ tɔɔ wɛɛlɛi hɛlɛn mɛ̨i

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Ɉeremi 52:1

Sedesiasə kaa kwɛlan ə kɛ a kwɛlan pow hveelɛ kɔ́w tɔ̨nɔ̨, ɓɛlɔwai ə dɔɔlaa hɔlɔɓo la. Ə tɔɔlaa kɛ Ɉerusalɛmə a kwɛlan bow gɔw tɔ̨nɔ̨. Nee laa ɓaa kɛ a Hamutalə ə kɛ a Livna mun Yimeyahu lon nɛ̨ɛ̨nu.

Ɉeremi 6:3

Siɔn taa pɔ pələ ɓə taatɛlɛɛ mɛ̨i kaa nuą kaa pai la, da di wɔ taatɛlɛɛ kpuluɠaa; daa di wɔ kələɠaa tɔɔ daa mąątinɛn na. Nu kəlee tɔɔ nwɛi naa yɛ naa mį́i.

Izikiɛ 21:14

«Hulɔnu lon, kɛ diɛ: Ną́mu woo ka; yɛ: «Kɔ́ kɔ́ ɓɔwa, kɔ́ kɔ́ ɓɔwa ɲąąliɛ, yɛ lən mąną-mąną.

Izikiɛ 26:7

Mąąhɔlɔɓo, mɛ̨nįi Yai-Laa ka wɔ Yálá kaa moi ya ka: Gáá pai Babilonə tɔɔmun, tɔɔɓɛlaa di wɔɔ tɔɔmun, Nabukodonosorə, gáá pai doli, ə həɠə ɲánwuɔ̨ pələ, ə kɔ́ pɛlɛ Tirə ɓa; gaa pai pai a hooɠaa, a kɔ́ kɔ́-wotoloɠaa, a nuąi hoo mɛ̨i, da lɔi ta kpɛliɠaa, a kɔ́kuláá kpulu kɛnɛ̨.

Izikiɛ 40:1

Ku wɔ luwɔlaa gwɛlan bow hveelɛ gɔw lɔɔli kpala tɔɔi lɔwai, ɲąnin nwɔ hvóló pow yələ, daa hon ŋąą a kɔ́, gwɛlan bow gɔw nąąn dɛɛ pulu, Yai-Laa yee ə yɛɛ mɛ̨i, ə li a ɲą́ą́ daa kpoloon ŋą.

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Dutɛrɔnome 28:52

Di kaa pai heei ka wɔ taaɠaa kəlee ɓa a kɔ́. Ə lɛɛ ɉu ka wɔ lɔi hu hįį kpoloon ɲee muhəɠɛɛ kwɛa-kwɛaɠaa di pu; a diɛi tii ka kɛi ka kilitɔɔ diɛ. Da hee ka tɔwɔ a kɔ́, ka wɔ taaɠaa kəlee hu; ka wɔ lɔi kəlee hu, ɓɛi ŋɛ̨i Yai-Laa ka wɔ Yálái kaa dɛɛi ka pɔi.