Tɔɔɓɛlaa veelɛ 24:2 - Yálá laawoo hɛɓɛ (dc)

² Nąąlɔwai, Yai-Laa ə Kalde nuą, Aramə nuą, Moabə nuą da Amɔn lonnii di ɲąątɔɔ Yoyakimə ɓa. Yai-Laa ə di tɛɛ Ɉuda lɔi hu pələ, ə gɛ, di nɔi nuą huwu pu, yɛ bələi Yai-Laa ə bu laŋɔ tínuą la, diɛi kɛ a gwəi məni hukulɔ nuą.

Yálá laawoo hɛɓɛ

² Nąąlɔwai, Yai-Laa ə Kalde nuą, Aramə nuą, Moabə nuą da Amɔn lonnii di ɲąątɔɔ Yoyakimə ɓa. Yai-Laa ə di tɛɛ Ɉuda lɔi hu pələ, ə gɛ, di nɔi nuą huwu pu, yɛ bələi Yai-Laa ə bu laŋɔ tínuą la, diɛi kɛ a gwəi məni hukulɔ nuą.

Bible

² Maa tãi tí, Yâwɛɛ è pɛ̀lɛ kɔ́-kɔ-ƃela tɛɛ ma a gɛɛ dí ŋúma kɛ́ Zuda taa-ŋai su dí naa su kara-kara. Gɔ́-kɔ-ƃelai ŋí da-ni dí kùla Babelɔŋ, Siria, Môa da Amɔŋ lɔii kpiniŋ-ŋai su. Yâwɛɛ è wɔ́lɔ ŋɔlóno-kɛ-ƃelai tɛ̀ɛ a gɛɛ dí Zuda-ƃelai lia-woo ƃó é pîlaŋ mɛnii ŋí ma.

Tɔɔɓɛlaa veelɛ 24:2 ပူးပေါင်းရင်းမြစ်များ

Tɔɔɓɛlaa veelɛ 20:17

Yələ ta kaa pai ɉəlii, ɉɛnŋąą kpɔ ə́ yəi bɛlɛ́n da yiiɠaa kpɔ ə́ nąnii di diɲɛ gee ɓa, di kaa pai gəlee həɠəi də li la Babilonə lɔi hu, da lɔpee hva lɛɛ ɓɛ. Ɲą́ą́ Yai-Laa nwóó li.

Tɔɔɓɛlaa veelɛ 22:16

Mɛ̨nii Yai-Laa ə mo ya ka, yɛ: Gáá pai mąąwɛli mɛ̨nį laai gɛɛnąą ŋɛ̨i ɓa, da nąą nuą, kpɔlɔɔ yɛ bələi ŋɛ̨i ɉɛɓɛ́i ŋɛ̨i Ɉuda tɔɔmun ə gaa ɉu woo kaa la.

Tɔɔɓɛlaa veelɛ 23:27

Yili ɓə gɛ Yai-Laa yɛ kɛ diɛ: «Ə mą kɛ Ɉuda lɔi ɓə, gaa pai di kulɔi ɲɛ̨i mu yɛ bələi ŋą́ gɛ la a Israɛlə lɔi. Ɉerusalɛmə taa kɛnɛ̨i ŋɛ̨i ŋą́ ɉəɠə ɉu a niiɓa taa, ŋą́ mąą kwɛa mą́ą́, ə mą kɛ bɛlɛ́i ŋɛ̨i ŋą́ náá hee mai.»

Tɔɔɓɛlaa veelɛ 6:23

Israɛlə tɔɔmun ə kɔ̨nɔ̨n dɛɛ di pɔ, di mįi, yili pulu ə ɓo diɛ də li di mɛ̨nį nąmu pɔ. Ə kɛ lɔ tii, Aramə nuą di kpəla hvaa teɛ ɓa Israɛlə nuą diɛ.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Zôo 1:17

Yili ə lɛɛ lɔ nwɔ̨nɔ̨ nwoo hukulɔi, da kpɛli ə pa, yɛ diɛ: «Kalde nuą kpulu heei haaɓa, di wolo ə́ wɔ ɲɔ̨nwɔmɛ̨ɛ̨ɠaai diɛ, di ə́ wɔ tínuąi paa, di ɲɔ̨nwɔmɛ̨ɛ̨ɠaa həɠə; Ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»

Azaya 13:5

Di kaa həɠəi kwɛala lɔi hu, yələkɔlɔn gbɛlai pələ, Yai-Laa da nwɔ liiholii nwąnąkulɔ hɛnŋąąi, di kaa pai nɔi kəlee huwoloi,

Azaya 28:19

Dɛɛ pələ kəlee, gaa pai kɛi ka hon ɉii. Mąąhɔlɔɓo, gaa pai kɛi tɛɛi a yələwala kəlee, yɛ tɛɛ a hvóló da kpinį, ɛlɛɛ, mɛ̨nįi tii nu a gili kɔ́lɔn, a kɛ a ɲɔw kɛnɛ̨ɛ̨.

Azaya 7:17

Kɛlaa, yɛ́ ka ə́ nąn nonnii, da ká ə́ wɔ lɔi hu nuą ka wɛi, Yai-Laa kaa pai hvólóɠaa hɔɔi ka mɛ̨i, yii ɉuwu ta hvo ta muhəɠə li tii, ə həɠə ɲələi Ɛfraimə lɔi da Ɉuda lɔi di di ɓɛlaɓo la. Asiri tɔɔmun.»

Ɉeremi 12:9

Gwɛ́lin nɔi aa kɛ mɔ̨ɔ̨ yɛ nwɛ̨nįi nəɠa ɲɛ̨i tɔɔ, yaai, kɛɛ kala nwɛ̨nįɠaa daa tinɛ̨n mą nąą kəlee? «Ka lɔwɔ huwɔɠaa kəlee ɲąąkpɔn, di pa di ɓɛlɛhee kɔ̨nɔ̨n mį́i!»

Ɉeremi 25:1

Mɛ̨nįi di mo Ɉeremi ɓa, Ɉuda nuą kəlee laa mɛ̨i, Yoyakimə lon Ɉosiasə nwɔ tɔɔlaa gwɛlan nąąn nɔwai Ɉuda lɔi nwun na; nąąlɔwai Babilonə tɔɔmun Nabukodonosorə nwɔ tɔɔlaa gwɛlan dɔlɔɔ li kɛ, ya ka:

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 26:20

Hulɔnu takpɛli ə kɛ laa, ə ɓo a Semayahu lon diɛ kɛ naa ɓaa: Uriahu yɛ həɠə Kiriatə-Yearimə, ə kɛi pələ ɓo Yai-Laa laa hu. Ə wooɠaa ɓo yɛ hvilɛn na daai ŋɛ̨i da nɔi ŋɛ̨i ɓa, lɔ yɛ Ɉeremi wooɠaa.

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 32:28

Yili mąą mɛ̨nį ɓa, Yai-Laa woo ka, yɛ diɛ: Gáá daai ŋɛ̨i tɛɛi Kalde nuą pɔ, da Babilonə tɔɔmun Nabukodonosorə, di kɔ́ pɛlɛ mą.

Ɉeremi 35:11

Ɓɛlɔwai Babilonə tɔɔmun Nabukodonosorə ə pili la nɔi hu, ya ɓə ku kɛ la diɛ, ka gu lɔ Ɉerusalɛmə daai, ka gu pu Kalde kɔ́kulááɠaa da Aramə kɔ́kulááɠaa tɔwɔ. Yili ɓə gɛ kuɔ hee la Ɉerusalɛmə daai.»

Ɉeremi 52:28

Nuąi Nabukodonosorə ə li a diɛ luwɔlaa hu, a gwɛlan mɛ̨ihveelɛnąą, di lonoɔ ka: Ɉuda nuą, nu waa haaɓa nu pow hveelɛ kɔ́w haaɓa (3023).

Woolaa 1:17

Siɔn taa aa ɲee haŋą. Nu hvo ɲəi hvo niilaa, Yai-Laa aa Ɉakɔbə kwɛlɛ nuą kəlee kɛ a ɲowoɠaa. Ɉerusalɛmə aa kɛ di lɔwai yɛ kala pilii.

Izikiɛ 19:8

Gwɛlɛ nuą di həɠə di wɔ taaɠaai hu, di pa di pɛlɛ mą; di lɔwa tee dɔwɔ, di ɉon ɉu.

Izikiɛ 23:23

Babilonə lon ɉinąą, da Kalde nuą kəlee Pekɔdə, Soa, da Koa; Asiri lon ɉinąą kəlee. Gəlee di ɓo a nu nwunu, di ɲɛ̨́i mąąhəɠɛɛ; lɔi ɲąąwooɓo nuą, taa ɲąąwooɓo nuą, tɔɔ kwəlii nuą; nu kpɛa kpɛaɠaa; di kəlee di ɓo hoo mɛ̨i.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.