Tɔɔɓɛlaa veelɛ 24:12 - Yálá laawoo hɛɓɛ (dc)

¹² Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Yálá laawoo hɛɓɛ

¹² Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Bible

¹² Naa ŋá ma kpɔ́ nɔ́ tí a naa ma félaa, Gâloŋ Zɛoasiŋ è gbîŋ tɛ̀ɛ Nɛbukinaza pɔ́ é pɛ́lɛ ǹee ma, ŋɔnɛyâai, ǹônii, ǹyée-mu-ƃelai, ŋɔkɔ́-kɔ-ƃela kpaya-kpayai, da ŋɔgɔmɛnɛ-ƃela kpaya-kpayai. Nya ƃe Nɛbukinaza è gâloŋ Zɛoasiŋ da ŋɔnûai sòŋ a tɔ̂ŋ-kara-ƃela. Mɛni-ŋai ŋí dí kɛ̀ Babelɔŋ kaloŋ Nɛbukinaza ŋɔkâloŋ-laa koraŋ ǹɔ́ɔlu mɛi saaƃai su.

Tɔɔɓɛlaa veelɛ 24:12 ပူးပေါင်းရင်းမြစ်များ

Tɔɔɓɛlaa veelɛ 20:18

Di kaa pai lii a ə́ lonnii tamąą da ə́ yəi bɛlɛ́n nuą tamąą. Nuąi ə́ di kaa, damąą kaa pai kɛi a Babilonə tɔɔmun nwɔ gbɛtɛgbuwuluɠaa ɲəi gwəlii.»

Tɔɔɓɛlaa veelɛ 24:11

Babilonə tɔɔmun Nabukodonosorə yaa kpinįi ə pa, ɓɛlɔwai nwɔ nuąi di kɛi Ɉerusalɛmə hon na.

Tɔɔɓɛlaa veelɛ 25:27

Ɉuda tɔɔmun Yoyakin nwɔ luwɔlaa gwɛlan bow haaɓa gɔw mɛ̨ihveelɛ lɔwai, ɲąnin bow gɔw hveelɛnąą, ɲąnįn nwɔ hvóló pow hveelɛ gɔw mɛ̨ihveelɛ yələ, Ewilə-Merodakə yai kɛ a Babilonə tɔɔmun, gwɛlan tii ə dɔɔlaa hɔlɔɓo la, ə Ɉuda tɔɔmun Yoyakin ɲɛ̨imąąwɛli kaa, ə gulɔ gaho ŋą.

Tɔɔɓɛlaa veelɛ 25:8

Ɲąnin nɔɔli nąą nwɔ hvóló mɛ̨ihveelɛ yələ, Babilonə tɔɔmun Nabukodonosorə nwɔ tɔɔlaa gwɛlan bow mɛ̨inąąn nɔwai, Nebuzaradan, yai kɛ a tɔɔmun mąąkpɛ nuą nwun nąmu, yɛ ɓo nwɔ̨nɔ̨ a kɔ́kuláá nwun nąmu, ə pa Ɉerusalɛmə daai,

Kɔlɔnikɔ Veerɛi 36:10

Gwɛlan gbɛɛi lɔwai, tɔɔmun Nabukodonosorə kuláaɠaa tɔɔ, di ɉon diɛ li la Babilonə, di bɛlɛ Yai-Laa nwɔ pɛlɛ́i mu hɛnŋąą nɛlɛɛɠaa ɓa; ə nąn non Sedesiasə hee a dɔɔmun Ɉuda da Ɉerusalɛmə mɛ̨i.

Azaya 24:6

Yili ɓə gɛi nɛ̨ŋɛ̨nnaa yɛ nɔi kala, nuąi nɔi mɛ̨i, diɛ ɓə ɉu mɔ̨nɔ̨ mįi. Yili ɓə gɛi yɛnɛ̨ɛ̨ nuą diɛ kələn, daa lɛɛ lɔ kɛa ɠɛlɛɛ-ɠɛlɛɛ.

Ɉeremi 13:18

'Mó dɔɔmun da dɔɔmun nee diɛ, yɛ diɛ: Ká hee pɔlɔ hu nɔi ɓa! Mąąhɔlɔɓo, ka wɔɔ tɔɔɓɔlɔ ɲɛ̨i tɔɔi, aa kulɔ ka nwuɔ̨ aa too!

Ɉeremi 24:1

Yai-Laa ə ɓɔ́láá ɓá kpili hveelɛ lɛ mą́ą́, di heɛ di kee kwɛlɛ Yai-Laa yəi bɛlɛ́ laaləi. Nąąlɔwai, Babilonə tɔɔmun Nabukodonosorə aa kɛ Yoyakimə lon Yekonia, yai kɛ a Ɉuda tɔɔmun, ɉon Ɉerusalɛmə daai, da Ɉuda nɔi nwun nąmįną, ə mą kɛ, da galanɉonŋaa, da gwɛli yɔw nuą ə li a diɛ Babilonə.

Ɉeremi 25:1

Mɛ̨nįi di mo Ɉeremi ɓa, Ɉuda nuą kəlee laa mɛ̨i, Yoyakimə lon Ɉosiasə nwɔ tɔɔlaa gwɛlan nąąn nɔwai Ɉuda lɔi nwun na; nąąlɔwai Babilonə tɔɔmun Nabukodonosorə nwɔ tɔɔlaa gwɛlan dɔlɔɔ li kɛ, ya ka:

Ɉeremi 27:20

Ɉɛnŋaai kpɔ Nabukodonosorə Babilonə tɔɔmun hvo di həɠə Ɉerusalɛmə, yɛ li a diɛ Babilonə, ɓɛlɔwai ə li la a Ɉuda tɔɔmun Yoyakimə lon Yekonia luwɔlaa hu, da Ɉuda ə lɛɛ da Ɉerusalɛmə nu kpɛa kpɛaɠaa kəlee.

Ɉeremi 36:30

Ə həli yɛ́, Yai-Laa woo ka; yɛ hvilɛn na Ɉuda tɔɔmun Yoyakimə ɓa: ‹Non da hvo pai heei Davidə nwɔ tɔɔkpəlin hu a mąąhvalin. Bowa kaa pai lɛɛi too ni, hvóló ə gələn, laɠi ə too mą kpinįi.

Ɉeremi 37:1

Tɔɔmun Sedesiasə, Ɉosiasə lon mə kɛ a tɔɔmun, a Yoyakimə lon Koniahu mąą hvalin, Babilonə tɔɔmun Nabukodonosorə ɓə ɉee tii a Ɉuda tɔɔmun.

Ɉeremi 52:12

Babilonə tɔɔmun Nabukodonosorə nwɔ kwɛlan bow gɔw mɛ̨inan nąąn, nwɔ ɲąnin nɔɔli lɔwai dɔɔlaa hu, voló pow yələ, Nebuzaradan yai kɛ a Nabukodonosorə nwɔ tɔɔlaa kwɛlɛ kalanɉon da, ə pa Ɉerusalɛmə.

Ɉeremi 52:28

Nuąi Nabukodonosorə ə li a diɛ luwɔlaa hu, a gwɛlan mɛ̨ihveelɛnąą, di lonoɔ ka: Ɉuda nuą, nu waa haaɓa nu pow hveelɛ kɔ́w haaɓa (3023).

Ɉeremi 52:31

Ɉuda tɔɔmun Yoyakimə nwɔ tɔɔlaa gwɛlan bow haaɓa gɔw mɛ̨ihveelɛ yələ, ɲąnin bow kɔ́w hveelɛnąą nwɔ hvóló pow hveelɛ kɔ́w lɔɔli yələ, Ewilə-Merodakə, yai kɛ a Babilonə tɔɔmun; gwɛlan nɔ ə dɔɔlaa hɔlɔɓo la, ə Ɉuda tɔɔmun Yoyakimə mąąwɛli kaa, ə mo di gulɔ gaho ŋą.

Izikiɛ 1:2

Tɔɔmun Yoyakin liɛ gɔ́ luwɔlaa hu, gwəlan nɔɔli nąą, ɲąnįn nwɔ hvóló lɔɔli yələ;

Izikiɛ 17:12

Mɛ̨nį ɓo gulɔ nwoo mu nuąi ɲɛ̨i diɛ, kɛ diɛ: Ká hvo mɔ̨ɔ̨ mu kulaa kɔ́lɔn? 'Mo, Babilonə tɔɔmun ə pa Ɉerusalɛmə; ə dɔɔmun ɉon, da nu kpɛa kpɛaɠaa, ə li a diɛ Babilonə, nwɔ lɔi hu.

Izikiɛ 17:4

nwonwo yii kpɔ kɛ a gwɛa, ə gulɔ, ə li la yɔw kɛ lɔi hu, nwɔ lɔi hu; ə ɉin lɔ́wɔ́táá ta hu.

Izikiɛ 19:1

Yɛ́ ɓə, gɔwɔ tɔɔ yɛ́ wɔlɔ Israɛlə lɔi ɲɛ̨i tɔwɔ nuą mɛ̨i, yɛ diɛ:

Izikiɛ 19:13

Gaa kɛa yiihu tɔɔni lɔi pun ɉu, gbali kələn ŋąą hu, kpələ wɛli lɔi hu.

Dutɛrɔnome 28:36

«Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.