Tɔɔɓɛlaa veelɛ 23:4 - Yálá laawoo hɛɓɛ (dc)

⁴ Tɔɔmun ə mąą laa tɛɛ ɉaláá laa həli mun gɛnɛ̨ Hilkiyahu, da ɲee pɔ nuą ɉaláá kulɔ mɛ̨nį hu, da bɛlɛ́ laaləi mąąkpɛ nuą, yɛ diɛ: ɉɛnŋąą kpɔ di lɔ la Yai-Laa hee pɛlɛ́ mu, yɛ ɓo a Baalə da Asera da yələ kwəi hɛnŋąą di mąąwiɛ hɛnŋąą, di kəlee kulɔ laa, di kulɔ la Ɉerusalɛmə taa pulu pələ, di di kələn Sedrɔn ɓoloon ɉu, di nuwu həɠə di paa la Betɛlə daai.

Yálá laawoo hɛɓɛ

⁴ Tɔɔmun ə mąą laa tɛɛ ɉaláá laa həli mun gɛnɛ̨ Hilkiyahu, da ɲee pɔ nuą ɉaláá kulɔ mɛ̨nį hu, da bɛlɛ́ laaləi mąąkpɛ nuą, yɛ diɛ: ɉɛnŋąą kpɔ di lɔ la Yai-Laa hee pɛlɛ́ mu, yɛ ɓo a Baalə da Asera da yələ kwəi hɛnŋąą di mąąwiɛ hɛnŋąą, di kəlee kulɔ laa, di kulɔ la Ɉerusalɛmə taa pulu pələ, di di kələn Sedrɔn ɓoloon ɉu, di nuwu həɠə di paa la Betɛlə daai.

Bible

⁴ Zosâya è mò zâla-laa soŋ-nuui Ikia, zâla-laa soŋ-nuui kɔlɛ-ma-ƃelai da Ŋ̀âla-pɛrɛ Kɛ́tɛi ŋɔkpôŋ lá mɛi-kaa-ƃelai dîa a gɛɛ dí lí Ŋ̀âla-pɛrɛ Kɛ́tɛi mu dí pá a zãâi kélee da kâa tíi kɛ̀ la Bee Ɣala-pɔkɔɔŋ, Asira-ɣala-pɔkɔɔŋ da bɛ̂mɛlɛŋ-kao-ŋai fɛli mɛni mai. Zosâya è gɛ̀ dí zãâi ŋí kéreŋ Kidirɔŋ tii-tiŋ su kpɔ́ nɔ́ Zerusâlɛŋ taa-leei kɔlɛ ma. È gɛ̀ dí maa luui síɣe dí lí la Bɛtɛ.

Tɔɔɓɛlaa veelɛ 23:4 ပူးပေါင်းရင်းမြစ်များ

Samia Veerɛi 15:23

Nɔi nuą kəlee di kɛi wɔlɔ a di woo kɛnɛ̨. Nuą kəlee di tɛɛ. Tɔɔmun yaa kpįnįi ə Sedrɔn ya teen, ə lɛɛ, nɔ nuą kəlee di kɛi tɛɛ a bələi tii a laa a nɔi pun goo.

Tɔɔɓɛlaa dɔlɔɔ 12:29

Ɉeroboamə ə dɔ̨nɔ̨ tɔɔ Betɛlə, ə dɔ̨nɔ̨ tɔɔ Dan.

Tɔɔɓɛlaa dɔlɔɔ 15:13

Ɛlɛɛ, ə nee Maaka nwɔ tɔɔmun nee laa kulɔ ɲəi, mąąhɔlɔɓo, nɛ̨ɛ̨nui tii aa kɛ ɓɛlɛkpɛɛmąą wulu ta tɔɔ Asera laa hu diɛ haláá kulɔ mą, Asa ə nwului tii hu tee tee, ə gələn Sedrɔn moloon ɉu.

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Tɔɔɓɛlaa dɔlɔɔ 18:19

Yiihu kɛa, Israɛlə nu huwu kəlee ɲąąkpɔn gwɛ́lɛ Karmɛlə yee nwuɔ̨, ə mą kɛ Baalə laa yəli kɛ nuą nu nwun nąąn yee lɔɔli; da Asera laa yəli kɛ nuą, nu nwun nąąn, diɛi da Ɉezabɛlə ni da kɛ kɔ̨nɔ̨n mįi gee ɓa.»

Tɔɔɓɛlaa dɔlɔɔ 18:26

Di di wɔ nįŋɛ̨i həɠə, ɛlɛɛ di baa; yili pulu, di di woo tɛ Baalə pɔ pələ, ə həɠə yələwala ɓa, ə lɛɛ ɉu hvóló ə haŋą; diɛ kɛ mą: «Baalə, ku woo pulu pənə!» Kɛlaa woo ta hvo tɔɔ, nu ta hvo kpɛli mɛ̨nį ta ɓo, di kɛi mąną di wɔ haláá kulɔi di bɛli níila.

Tɔɔɓɛlaa dɔlɔɔ 18:40

Eli yɛ diɛ: «Ka Baalə laa yəlikɛ nuą hon, ka hvo dɔ̨nɔ̨ kpɛli lɛɛ laa hvo pu.» Di nuą tii kəlee hon, Eli ə li a gəlee Kisɔn ɲa ɓoloon bɔ; ə di kəlee di nwun dee laa.

Tɔɔɓɛlaa dɔlɔɔ 19:18

Kɛlaa, gáá pai nu kpəli wolo lɛɛi Israɛlə a nu waa mɛ̨ihveelɛ diɛi di hvo ta pɛlɛ li di liiɓa, di hvo kwɛli hvilɛn Baalə ɓa.»

Tɔɔɓɛlaa veelɛ 10:26

Di ɉaláá kwɛniɠaa kulɔ Baalə nwɔ pɛ́lɛ́i mu, di di kələn.

Tɔɔɓɛlaa veelɛ 12:10

Ɉaláá laa həli mun Yohoyada ə kəhi ta həɠə, ə nwolo ɓɔ naawulun mɛ̨i, ə ɉee ɉaláá kulɔ taɓali kwɛlɛ, nu a kɛi lɔ Yai-Laa yəi bɛlɛ́n, ɓa-mįi-yee hu pələ. Ɉaláá laa həli nuąi kɛi di ɲɛ̨i kɛ bɛlɛ́ laaləi, walii kpɔ di kɛi paa la Yai-Laa yəi bɛlɛ́n, di kɛi doo gəhii tii hu.

Tɔɔɓɛlaa veelɛ 17:16

Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Tɔɔɓɛlaa veelɛ 21:3

Ɉaláá kulɔiɠaai nąn Ezekiasə ə nąą kala, ya ɓə Manase ə pənə ə di tɔɔ. Ə Baalə nwɔ haláá kulɔ kwɛniɠaa tɔɔ, ə pənə ə wuluɠaa tɔɔ diɛ haláá kulɔ mą, yɛ bələi Akabə Israɛlə tɔɔmun ə gɛ la, yɛ haláá kulɔ yələ kwəi hɛnŋąą diɛ, yɛ tí diɛ.

Tɔɔɓɛlaa veelɛ 21:5

Manase ə haláá kulɔi pɛli yələ kwəi huwalawalaɠaa kəlee laa ɓa Yai-Laa nwɔ pɛ́lɛ́i gwəli hąąi.

Tɔɔɓɛlaa veelɛ 21:7

Manase ə Asera nwɔ halii mąąnįnįn dɔɔ Yai-Laa yəi bɛlɛ́n; ɓɛi Yai-Laa ə kɛ Davidə da non Salomɔn diɛ: «Bɛlɛi ŋɛ̨i, da Ɉerusalɛmə taai ŋɛ̨i, ŋą́ą́ di həɠə Israɛlə lɔi nąą kəlee, gɛ́ náá hee mą a yələ kəlee.

Tɔɔɓɛlaa veelɛ 22:4

«Lí yɛ́ ɉaláá laa həli mun gɛnɛ̨ Hilkiyahu ɓa, ə ɉɛngɔwɠaa Yai-Laa yəi bɛlɛ́n, ɉeekpəlin na kɛ, da yii bɛlɛ́ laaləi mąąkpɛ nuą da ɉon nɔi nuą yəi.

Tɔɔɓɛlaa veelɛ 23:12

Ɉaláá kulɔiɠaa ŋɛ̨i Ɉuda tɔɔɓɛlaa di bɛli Akazə nwɔ yələi pɛ́lɛ́i mɛ̨i, ə mą kɛ yii Manase ə dɔɔ Yai-Laa hee pɛlɛ́ hvaŋan mu, Ɉosiasə ə gələ taɠa, ə gələn, ə nuwu pili Sedrɔn ɓoloon ɉu.

Tɔɔɓɛlaa veelɛ 23:15

Ɉaláá kulɔi yii Nevatə lon Ɉeroboamə ə dɔɔ Betɛlə, yɛ Israɛlə lonnii yee lɔ la nɛ̨ŋɛ̨n ɉu, Ɉosiasə ə nąą wolo; ə nwɔ̨n nɔ ɉaláá kulɔi tii ɓa, ə nąą taɠa; nwului ŋɛ̨i di dɔɔ laa diɛ ɉaláá kulɔ mu, ə nwului tii pili nwɔ̨n ɉu; nąą ə lɛɛ a muluun gbala.

Tɔɔɓɛlaa veelɛ 25:18

Tɔɔmun mąąkpɛ kɔ́kulááɠaa nwun nąmu ə, Seraya hon, yai kɛ a ɉaláá kulɔ nuą nwun nąmu ə mą kɛ, Sefaniahu, yii lɛɛ bɔɔ ɓa, da bɛlɛ́ laaləi mąą kpɛ nuą haaɓai.

Kɔlɔnikɔ Veerɛi 15:16

Tɔɔmun Asa ə nee Maaka yee kulɔ ŋą tɔɔ leenɛ̨ą laai hu, Mąąhɔlɔɓo, ə hali pɛli a Asera laa. Asa ə ɉali ɲɔ̨nwɔ̨ɔ̨ mąą nįnįn tii hu yali, ə ɉuwolo-wolo, ə gələn Sedrɔn ɓoloon ɉu.

Kɔlɔnikɔ Veerɛi 33:3

Ɉali kɔ́iɠaa tii nąn Ezekiasə ə di wolo, ə tinɛ̨n ə di tɔɔ, ə Baalə kɔ́iɠaa pɛli, ə wuluɠaa tɔɔ, diɛ gɔ́. Yɛ kwɛli hvilɛn pɛmɛ̨lɛ̨n-gɔwɠaa diɛ, yɛ di mąąwiɛ.

Kɔlɔnikɔ Veerɛi 33:7

Ə hali mąą nįnįn haɠa yaa kpįnįi, ə dɔɔ Yai-Laa nwɔ pɛlɛ́i mu. Ya ka yaan, Yálá ə mo Davidə da non Salomɔn ɓa, yɛ diɛ: «Bɛlɛi ŋɛ̨i, da Ɉerusalɛmə taa ŋɛ̨i, ya ɓə ŋą́ą́ di ɉəɠə ɉu a nííɓa, Israɛlə lɔiɠaa lɔwai, ŋį́ náá hee mą a yələ kəlee mɛ̨nį.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Ɉeremi 52:24

Dɔɔmun mąąkpɛɛ kulaa nwun nąmu ə ɉaláá laa həli mun Seraya hon, da Sefania yai kɛ a ɉaláá laa həli mun, da nu haaɓai di ɲɛ̨i ə kɛ Yálá hee pɛlɛ́ ɓa.

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Izikiɛ 8:6

Yɛ nwɔ̨nɔ̨ mą́ą́: «Hulɔnu lon, mɛ̨nįi di kaa gɛi ə́ kaa nąą kaai? A gili kpɛɛ gwəi mɛ̨nį kpɛa kpɛaɠaai Israɛlə nwɔ pɛlɛ́i kaa gɛi ɓɛ, yáá gaa? Yili ɓə aa gúlɔ ɲə́i bɛlɛ́n. Ə́ kaa pai ɓowo mɛ̨nį kpɛa kpɛa takpɛliɠaa kaai nwɔ̨nɔ̨.»

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Amɔsə 4:4

Ną́mu Yai-Laa yɛ nwɔ̨nɔ̨ diɛ: Israɛlə nu huwu, ka li Betɛlə ka ka liiɓa nɛ̨ŋɛ̨n gɛ, ka li Gilgalə, ka nɛ̨ŋɛ̨n gɛ kpɔ kɛnɛ̨. Yələwala pɔ kəlee, ka pa a ka wɔ haláá hɛnŋąąi, ka naa həli voló ɉaaɓa yələ, ka pa a ka wɔ hɛn bow nąą, ka naa həli

Sofoni 1:4

Gáá pai ɲéé pɛlɛi Ɉuda nuą, da Ɉerusalɛmə nuą diɛ. Hɛn kpɔ gaa gɛɛnąą tii a Baalə nwɔɔ, ŋą́ gəlee hukala, ə mą kɛ, a nuąi kɛi tí mą, da di wɔɔ haláá laa həli nuą, ŋą́ gəlee laa kpɛɛ.

Maafîu 26:3

Nąąlɔwai, ɉaláá laa həli nuą kpɛa-kpɛaɠaa, da Ɉuifə hulɔgoloɠaa di di ɲąąkpɔn Kaifə nwɔ tɔɔ kwəlii hu, ə gɛ, di Jesus hon mɛ̨nį mąą nwun dɔɔ kɛ.

Maafîu 27:1

Yələ wala pɔ, ɉaláá laa həli nuą kpɛa-kpɛa nwun nąmįną da Ɉuifə kalaɉonŋąą di di ŋąąkpɔn, ə gɛ, di Jesus paa.

Ɉaan 18:1

Jesus ə kpɛɛ lɔ a nwoo tii ɓoɔ, da nwɔ kalan nɛai də li Sedrɔn ya pulu pələ. Nɔw yɛa ta ə kɛ laa, də li ɉu.

Nwun mąąɓo 2:13

Di lɛ̨ą Yai-Laa ɓa, diɛ kɛa kwɛli hvilɛn Baalə ɓa da hali Astarteɠaa.