Tɔɔɓɛlaa veelɛ 23:24 - Yálá laawoo hɛɓɛ (dc)

²⁴ Dɔ́n ɉɛɓɛ́i ŋɛ̨i jalaa laa həli mun Hilkiyahu ə gaa Yai-Laa hee pɛlɛ́ mun, ə gɛ tɔɔmun Ɉosiasə ə ɉɛɓɛ́i tii hu mɛ̨nįɠaa hon; nuą kɛi ɲąmuątaa tɔlukpɛ, da tɔlukpɛ nuą takpɛliɠaa, ə mą kɛ mąąnįnįn ɉaɠaa da hali takpɛliɠaa yii mɛlɛ kpɛɛ mą, gɔhɔɓoɔ. Ɉosiasə ə nuą tii pa ə ɉaliɠaa hu kala Ɉerusalɛmə daai. Da Ɉuda lɔi hu na kəlee.

Yálá laawoo hɛɓɛ

²⁴ Dɔ́n ɉɛɓɛ́i ŋɛ̨i jalaa laa həli mun Hilkiyahu ə gaa Yai-Laa hee pɛlɛ́ mun, ə gɛ tɔɔmun Ɉosiasə ə ɉɛɓɛ́i tii hu mɛ̨nįɠaa hon; nuą kɛi ɲąmuątaa tɔlukpɛ, da tɔlukpɛ nuą takpɛliɠaa, ə mą kɛ mąąnįnįn ɉaɠaa da hali takpɛliɠaa yii mɛlɛ kpɛɛ mą, gɔhɔɓoɔ. Ɉosiasə ə nuą tii pa ə ɉaliɠaa hu kala Ɉerusalɛmə daai. Da Ɉuda lɔi hu na kəlee.

Bible

²⁴ Zosâya è ǹúui kélee su kàra zɔŋ è kɛ̀ mɛnii tí su da zɛŋ nyii kélee dí tíi kɛ̀ la naa Zuda da Zerusâlɛŋ é pɛ́lɛ diai dîa da kâa lòno zaa-ƃelai pɔ́i, tuɛ-mɛni ƃó-ƃela da ŋâla-pɔkɔɔŋ-ŋai. È kɔ̀ kpɔ́ a gbanaŋɔɔ bere sîi kélee su a gɛɛ é dɔ̂ŋ kélee mɛi káa nyii kɛ̀ a bɔ̃yɛɛ gɔlɔi su nyii Zâla-laa soŋ-nuui Akia è gàa Yâwɛɛ ŋɔpɛrɛ kɛ́tɛi mui.

Tɔɔɓɛlaa veelɛ 23:24 ပူးပေါင်းရင်းမြစ်များ

Zɛnɛse 31:19

Laban ə həɠə yɛ li nwɔ ɓɛlaaɠaai ləɠa mɛ̨i teei. Nąąlɔwai Rasɛlə ə nąn ɲəi bɛlɛ́n ɉalə ta həɠə bulu.

Tɔɔɓɛlaa veelɛ 21:11

«Yii kpɔ Ɉuda tɔɔmun Manase aa ɲee lɔ mɛ̨nį ɲɔ̨n daaləi ŋɛ̨i hu aa tɛɛ Amɔrə nuąi kɛ ɓɛ dɔwɔ di wɛi ɓa, aa gɛ Ɉuda nuą daa nɛ̨ŋɛ̨n ɉəɠə, a kwɛli hvilɛn di mo hali ɓa,

Tɔɔɓɛlaa veelɛ 21:21

Túwɔ́ pələ ɲɔ̨n kpɔ nąn ə gɛ, ya lɔ ɓə ə hvilɛn ɉu. Ɉaliɠaai nąn ə bɛli yɛ diɛ haláá kulɔ mą, yaa kpɛli ə kwɛli hvilɛn diɛ, yɛ kóló kɛ diɛ.

Tɔɔɓɛlaa veelɛ 21:3

Ɉaláá kulɔiɠaai nąn Ezekiasə ə nąą kala, ya ɓə Manase ə pənə ə di tɔɔ. Ə Baalə nwɔ haláá kulɔ kwɛniɠaa tɔɔ, ə pənə ə wuluɠaa tɔɔ diɛ haláá kulɔ mą, yɛ bələi Akabə Israɛlə tɔɔmun ə gɛ la, yɛ haláá kulɔ yələ kwəi hɛnŋąą diɛ, yɛ tí diɛ.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Tɔɔɓɛlaa veelɛ 23:23

Ɉosiasə nwɔ tɔɔlaa gwɛlan bow kɔ́w mɛ̨ihaaɓa yələ ɓə di Yai-Laa nwɔ pakə hɛli tii pu la Ɉerusalɛmə.

Azaya 19:3

Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Levetekɔ 19:31

«'Ka hvo ɲąmuątaa tɔlu mɛ̨nį kaa a tɛ̨ą, ka li di pɔ, yili a ka mąąliɓi. Ɲą́ą́ ɓə gáá a Yai-Laa, ka wɔ Yálá.

Levetekɔ 20:27

«Nui lɔpee, ə kɛ a hulɔnu ə kɛ a nɛ̨ɛ̨nu a nwɔ mɛ̨nį laa həli ɲąmuątaa tɔlukpɛ nuą diɛ, mąąnɛ̨ɛ̨ di mąą nui paa; da lɛɛ ɉɔɔi a kwɛni, ə lɛɛ ɉu ə haa. Di ɲąmą wulu a lɛɛ di kpɔwɔ nwuɔ̨.»

Lomaŋ 3:20

Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa, nui lɔpee ta hvo pai tələnmolaa hɔlɔɓoi tɔ́n bɔ yíi ɓoɔ hu. Tɔ́n mə a gɛ, guɔ nɛ̨ŋɛ̨n gɔlɔn.

Zĩi 1:25

Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

Nwun mąąɓo 17:5

Ɉulɔnui tii a Mika, haláá kulɔi ta ə kɛ ɲəi bɛlɛ́n. Ə haláá həɠə ta pɛli, da mąąnįnįn ɉaɠaa takpɛliɠaa. Ə non ɉulɔnu tɔ̨nɔ̨ həɠə, ə ɉee nwun na, a ɉaláá laa həli mun.