Tɔɔɓɛlaa veelɛ 23:2 - Yálá laawoo hɛɓɛ (dc)

² Yili pulu, ə Ɉuda nuą həɠə, da Ɉerusalɛmə nuą, də li Yai-Laa yəi bɛlɛ́n; ɉaláá laa həli nuą, Yálá kwəi mɛ̨nį hukulɔ nuą, ə mą kɛ nɔi lonnii kəlee, bɛlɛɛɠaa mąn gbɛa-kpɛaa mąn. Mįnɛ̨ həɠə hɛɓɛ́i di gaa Yai-Laa yəi bɛlɛ́n, di ɉu woo ɓo di kəlee di ɲɛ̨i ɓa.

Yálá laawoo hɛɓɛ

² Yili pulu, ə Ɉuda nuą həɠə, da Ɉerusalɛmə nuą, də li Yai-Laa yəi bɛlɛ́n; ɉaláá laa həli nuą, Yálá kwəi mɛ̨nį hukulɔ nuą, ə mą kɛ nɔi lonnii kəlee, bɛlɛɛɠaa mąn gbɛa-kpɛaa mąn. Mįnɛ̨ həɠə hɛɓɛ́i di gaa Yai-Laa yəi bɛlɛ́n, di ɉu woo ɓo di kəlee di ɲɛ̨i ɓa.

Bible

² Gâloŋ Zosâya è lì ŋâla-pɛrɛ kɛ́tɛi lá é pɛ́lɛ Zuda da Zerusâlɛŋ-ƃelai kélee dîa, zâla-laa soŋ-ƃelai da Ɣâla ŋɔlóno kɛ́-ƃelai. Tãi ǹûai kélee dí díŋaa tɛ̀ la díkîe mai, è Ɣâla ŋɔtɔ̂ŋ kɔlɔi lôno dîɛ nyii zâla-laa soŋ-nuui è gàa ŋâla-pɛrɛ kɛ́tɛi mui.

Tɔɔɓɛlaa veelɛ 23:2 ပူးပေါင်းရင်းမြစ်များ

Zɛnɛse 19:11

Sodomə nuąi ŋɛ̨i kɛ kɛa tɔɔni gbon ma, malakaɠaa di nuąi tii kəlee ɲɛ́i kpinį diɛ, ə gɔwɔ tɔɔ ɉilɛlɛa diɛ, ə həli la ɉulɔgoloɠaa diɛ, nu tɔ̨nɔ̨ kpɛli hvo pɛli bɛlɛ́ laaləi kaai.

Tɔɔɓɛlaa dɔlɔɔ 8:9

Hɛn dakpɛli hvo kɛ mįnɛ̨ kəhi hu, hvo kɛ li lɔ gwɛni ɓɛla hveelɛi Moisə ə naa ɉu Horɛbə yee ɓa, ɓɛlɔwai Yálá da Israɛlə nu di mįnɛ̨ həɠə la di kulaa Eziptə lɔi hu.

Tɔɔɓɛlaa veelɛ 22:8

Ɉaláá laa həli mun gɛnɛ̨ Hilkiyahu yɛ ɉɛɓɛ́ kɛmun Safan ɓa: «Ŋą́ą́ dɔ́n ɉɛɓɛ́ kaa Yai-Laa yəi bɛlɛn.» Hilkiyahu ə ɉɛɓɛ́ tɛɛ Safan pɔ, yili ə mo.

Kɔlɔnikɔ Veerɛi 15:13

Ɛlɛɛ, nuąi lɔpee hvo pai gɛi hvo hvilɛn Yai-Laa Israɛlə nwɔ Yálái pului, da baa; ə kɛ a nu kɛnɛ̨, ə kɛ a lokolo. Ə kɛ a nɛ̨ɛ̨nu, ə kɛ a hulɔnu.

Kɔlɔnikɔ Veerɛi 17:9

Yai-Laa ŋą tɔ́n ɉɛɓɛ́i ɓə kɛ di yəi, di tɛɛ la Ɉuda lɔi hu taaɠaa kəlee hu, diɛ nuą mąąkwɛli mą.

Nehemi 13:1

Nąąlɔwai, di Moisə nwɔ hɛɓɛ́i ɓo nɔi lonnii kəlee lííla, di gaa ɉɛɓɛ́ hu diɛ mą: Amɔn nuą da Moabə nuą, mąą hvo nɛ̨ɛ̨li di hvo lɔ Yálá nwɔ nu kpului lɔwai.

Nehemi 9:3

Di di muhəɠə, di lɛɛ tɔɔni, di Yai-Laa di wɔ Yálái nwɔ tɔ́n ɉɛɓɛ́i hu woo ɓo diɛ, ə həɠə yələwala pɔ, ə həli la nįŋɛ̨ lon bɛlɛi lɔwai ɓa. Ə həɠə nɔwai tii ɓa, ə həli la hvóló tɛɛ nwun ma ɓa, di pɛlɛɛ Yai-Laa di wɔ Yálá lííla, diɛ hvaa di kɛ nɛ̨ŋɛ̨n ma.

Zôo 3:19

Naa nwɛi, nu kɛnɛ̨ da lokolo di kɛ pələ pɛliɛi a gee. Luwɔ a kɛ laa, nwun mąą aa ɓo.

Mąątɛ̨nɛ̨ 115:13

Gaa pai lúwɔ́ kɛi nuąi da ɲɔw Yai-Laa ɓa diɛ, bɛlɛɛ pɛlɛɛ mąn, gbɛa kpɛa mąn.

Ɉeremi 34:8

Nwoo ŋɛ̨i ə həɠə nwɔ̨nɔ̨ Yai-Laa pɔ, yɛ həli Ɉeremi ɓa. Ɓɛlɔwai tɔɔmun Sedesiasə ə mo la nuąi kpɔ Ɉerusalɛmə diɛ, da diɛni di woo ə laa ma, diɛ nuwɔɠaa kəlee lɛɛ di kpɔɔ ɓa, nąąlɔwai li kɛ.

Gɛlaɠaa 26:22

Kɛlaa, Yálá tɔɔi mɔ̨ɔ̨ búlú a nwalawalaa, ə mą kɛ, háákələi hvólói yee mu, yili ɓə gɛi, ɲéé kaa lɔ ni gɛla hvaa ti ɓoɔ ɓa, lɛapɛlɛɛ, da nu kpɛa-kpɛaa ɲɛ̨i ɓa. Mɛ̨nįɠaai kɛ mąąnɛ̨ɛ̨ di kɛ, Yálá kwəi mɛ̨nį hukulɔ nuą, da Moisə, di di lɛɛ tɔwɔ di di ɓo; ɛlɛɛ, və́ mɛ̨nį ta ɓoi yɛ laŋįn di woo mɛ̨i.

Dutɛrɔnome 31:26

«Gəhi lon tii Yai-Laa ka wɔ Yálá nwɔ mįnɛ̨ kwɛni ɓɛlaɠaa kaa laani ɉui, ka dɔ́n ɉɛɓɛ́ həɠə ka naa gwɛlɛ. Yili ɓə pai kɛi a kɛla.

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.

Samuɛlə dɔlɔɔ 30:2

Nɛ̨ąą da nuą kpɔ kɛ daai, nɛapɛlɛɛ da nu kpɛa-kpɛa, di gəlee hon a kɔluwɔ, kɛlaa di hvo nu ta paa, kɛlaa, də li a diɛ tɔwɔ pələ.

Samuɛlə dɔlɔɔ 5:9

Lii di mo la Gatə, Yai-Laa yee ə wiɛ daa nuą mɛ̨i, ɲɔw kɛnɛ̨ ə pili daa nuą hu. Yai-Laa ə mɔ̨nɔ̨ laa diɛ nɛapɛlɛ mąn, nu kpɛa-kpɛa mąn pulu kulɔ kpan ə pɛlɛ gəlee diɛ.