Tɔɔɓɛlaa veelɛ 23:19 - Yálá laawoo hɛɓɛ (dc)

¹⁹ Gbakonaɠaa ŋɛ̨i Israɛlə tɔɔɓɛlaa di dɔɔ Samari daa leeɠaa hu, diɛ Yai-Laa lii kələn na gwəi, Ɉosiasə ə yiliɠaa kəlee wolo yɛ bələi ə gɛ la Betɛlə daai.

Yálá laawoo hɛɓɛ

¹⁹ Gbakonaɠaa ŋɛ̨i Israɛlə tɔɔɓɛlaa di dɔɔ Samari daa leeɠaa hu, diɛ Yai-Laa lii kələn na gwəi, Ɉosiasə ə yiliɠaa kəlee wolo yɛ bələi ə gɛ la Betɛlə daai.

Bible

¹⁹ Eezuɛ kaloŋ-ŋai da-ni dí Yâwɛɛ líi ŋwàna a ɣâla-pɔkɔɔŋ-ŋa fɛli kwaa-ŋa ma tɔɔ Eezuɛ lɔii gwaa kélee ma. Nya ƃe Zosâya è kɔ́-kɔ-kpulu-ŋa tɛ̀ɛ a gɛɛ dí ŋâla-pɔkɔɔŋ fɛli kwaa-ŋai ŋí ma su kara-kara kpɔ́ nɔ́ yɛ̂ɛ berei dí gɛ̀ la a nyii-ŋai kɛ̀ Bɛtɛi.

Tɔɔɓɛlaa veelɛ 23:19 ပူးပေါင်းရင်းမြစ်များ

Tɔɔɓɛlaa dɔlɔɔ 12:31

Ɉeroboamə ə haláá kulɔiɠaa hee, ɛlɛɛ, ə ɉaláá laa həli nuą həɠə lɔ nuą lɔwai, yiliɠaai di hvo kɛ a Levi nu huwu ta.

Tɔɔɓɛlaa dɔlɔɔ 13:32

Mąąhɔlɔɓo, mɛ̨nįi tii ə mo a nwoo kɛnɛ̨, yɛ hvilɛn na Betɛlə ɉaláá kulɔi ɓa, da ɉaláá kulɔ pɛlɛ́ɠaa kpɔ Samari diɛ, Yai-Laa woo li kɛ; mɛ̨nįi tii pɔ mɛ̨nį kaa pai kɛi.»

Tɔɔɓɛlaa dɔlɔɔ 16:33

Akabə ə wulu ta tɔɔ, diɛ gɔ́. Yai-Laa Israɛlə nwɔ Yálái liikələn gwəi túwɔ́i di kɛi ɓo da lɔ ɓə ə kɛi pɛlɛ mą, ɲee yɛ tɛɛ Israɛlə tɔɔɓɛlaa kpɔ kɛ dɔwɔ Israɛlə lɔi hu gəlee diɛ.

Tɔɔɓɛlaa veelɛ 17:9

Mɛ̨nįi mąą hvo nɛ̨ɛ̨li kɛ Israɛlə lonnii di hvo gɛ a Yai-Laa di wɔ Yálái, ya ɓə yaamun di di yee lɔ ɉu diɛ gɛ a loo pɛlɛ. Diɛ hali kɔ́iɠaa pɛli daa kpɛa kpɛaa kəlee hu, daa mąąkpɛ pɛlɛ́ɠaa kəlee mu, da gɔ́ taaɠaa hu.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Tɔɔɓɛlaa veelɛ 8:18

Ə hvilɛn Israɛlə tɔɔɓɛlaa di wɔ túwɔ́ pələ ɲɔ̨n bulu, yɛ bələi kpɔlɔɔ Akabə yəi bɛlɛ́n nuą di wɔɔ túwɔ́ pələ ɲɔ̨n ə kɛ la. Gbala ə tɔɔ, ə Akabə lon nɛ̨ɛ̨nu həɠə a nɛ̨ą. Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə ɲee lɔ ɉu yɛ gɛ.

Kɔlɔnikɔ Veerɛi 31:1

Di kpɛɛ a mɛ̨nįɠaa tii kəlee kɛɛ, Israɛlə nuą kpɔ tii kɛ laa, dəli Ɉuda taaɠaa hu, diɛ ɉali mąąnįnįnŋąą wolo, diɛ nɔwɔ ɲɔ̨nŋąą hvala, diɛ ɉaláá kulɔiɠaa taɠa; di di kpɛɛ kpɔ tɛ̨ɛ̨tɛ̨ɛ̨ Ɉuda da Bɛnɉamɛn lɔi kəlee; ə mą kɛ, Ɛfraimə da Manase lɔiɠaa kəlee hu. Yili pulu, Israɛlə nuą kəlee di pənə di li di pɔ taaiɠaa.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Mise 6:16

Omri nwɔ tɔ́nŋaai ɓə ə́ yee kaa mą, da Akabə yəi bɛlɛ́n ɲii pələɠaa kəlee, bələi da ka tí la, bələ ɓə ka hiɛ la, yili mąą mɛ̨nį ɓa, gáá pai ɲɔw pilii nɔi hu, yɛ nɔi hu nuą mąą kpɛlin, gɛ́ di kɛ a yɛlɛ kulɔ ɉu hɛn, nwɔ́ nu huwuɠaai wɛli aa kpɛɛ mą́ą́ kpɔ tɛ́-tɛ́.»