Tɔɔɓɛlaa veelɛ 23:12 - Yálá laawoo hɛɓɛ (dc)

¹² Ɉaláá kulɔiɠaa ŋɛ̨i Ɉuda tɔɔɓɛlaa di bɛli Akazə nwɔ yələi pɛ́lɛ́i mɛ̨i, ə mą kɛ yii Manase ə dɔɔ Yai-Laa hee pɛlɛ́ hvaŋan mu, Ɉosiasə ə gələ taɠa, ə gələn, ə nuwu pili Sedrɔn ɓoloon ɉu.

Yálá laawoo hɛɓɛ

¹² Ɉaláá kulɔiɠaa ŋɛ̨i Ɉuda tɔɔɓɛlaa di bɛli Akazə nwɔ yələi pɛ́lɛ́i mɛ̨i, ə mą kɛ yii Manase ə dɔɔ Yai-Laa hee pɛlɛ́ hvaŋan mu, Ɉosiasə ə gələ taɠa, ə gələn, ə nuwu pili Sedrɔn ɓoloon ɉu.

Bible

¹² È ŋâla-teƃele-ŋai wôlo nyii Zuda kaloŋ-ŋai dí wɔ́lɔ dɔ̀ɔ Eɣa ŋɔkâloŋ-pɛrɛi mɛi-pere da ŋâla-teƃele-ŋai nyii Manasɛ è wɔ́lɔ gbɛ̀tɛ ŋâla-pɛrɛ kɛ́tɛi kɔlɛ m̀éla veerɛŋɔɔ ma. Gâloŋ Zosâya è gɛ̀ dí ŋâla-teƃelei-ŋai tí wólo-wolo dí vũa-fua dí bili Kidilɔŋ tiŋ-tiŋ su.

Tɔɔɓɛlaa veelɛ 23:12 ပူးပေါင်းရင်းမြစ်များ

Tɔɔɓɛlaa dɔlɔɔ 15:13

Ɛlɛɛ, ə nee Maaka nwɔ tɔɔmun nee laa kulɔ ɲəi, mąąhɔlɔɓo, nɛ̨ɛ̨nui tii aa kɛ ɓɛlɛkpɛɛmąą wulu ta tɔɔ Asera laa hu diɛ haláá kulɔ mą, Asa ə nwului tii hu tee tee, ə gələn Sedrɔn moloon ɉu.

Tɔɔɓɛlaa veelɛ 10:26

Di ɉaláá kwɛniɠaa kulɔ Baalə nwɔ pɛ́lɛ́i mu, di di kələn.

Tɔɔɓɛlaa veelɛ 21:4

Ə pənə ə haláá kulɔiɠaa pɛli Yai-Laa nwɔ pɛ́lɛ́i mu, ɓɛi Yai-Laa ə kɛ diɛ: «Ɓɛ Ɉerusalɛmə ɓə gáá náá heei ma.»

Tɔɔɓɛlaa veelɛ 21:5

Manase ə haláá kulɔi pɛli yələ kwəi huwalawalaɠaa kəlee laa ɓa Yai-Laa nwɔ pɛ́lɛ́i gwəli hąąi.

Tɔɔɓɛlaa veelɛ 23:4

Tɔɔmun ə mąą laa tɛɛ ɉaláá laa həli mun gɛnɛ̨ Hilkiyahu, da ɲee pɔ nuą ɉaláá kulɔ mɛ̨nį hu, da bɛlɛ́ laaləi mąąkpɛ nuą, yɛ diɛ: ɉɛnŋąą kpɔ di lɔ la Yai-Laa hee pɛlɛ́ mu, yɛ ɓo a Baalə da Asera da yələ kwəi hɛnŋąą di mąąwiɛ hɛnŋąą, di kəlee kulɔ laa, di kulɔ la Ɉerusalɛmə taa pulu pələ, di di kələn Sedrɔn ɓoloon ɉu, di nuwu həɠə di paa la Betɛlə daai.

Tɔɔɓɛlaa veelɛ 23:6

Nwului di dɔɔ Yai-Laa hee pɛlɛ́ mu Ɉerusalɛmə diɛ haláá kulɔ mą, ə gulɔ laa, ə gələn Sedrɔn ɓoloon ɉu, ə nuwu kələ ə bili dulun ŋą.

Kɔlɔnikɔ Veerɛi 15:16

Tɔɔmun Asa ə nee Maaka yee kulɔ ŋą tɔɔ leenɛ̨ą laai hu, Mąąhɔlɔɓo, ə hali pɛli a Asera laa. Asa ə ɉali ɲɔ̨nwɔ̨ɔ̨ mąą nįnįn tii hu yali, ə ɉuwolo-wolo, ə gələn Sedrɔn ɓoloon ɉu.

Kɔlɔnikɔ Veerɛi 33:15

Ɉali mąąnįnįnŋąą tii kɛ Yai-Laa yəi bɛlɛ́n, ə gəlee kulɔ laa, ə bili daa pulu, ɓɛɠaai ə bɛli a ɉali kɔ́iɠaa, ɲee tii Yai-Laa nwɔ pɛlɛ́i kaa nwuɔ̨, da Ɉerusalɛmə taa, ə nąąɠaa taɠa.

Kɔlɔnikɔ Veerɛi 33:5

Manase ə yələ kɔ́lɔn ɉu pɛmɛ̨lɛ̨n-gɔwɠaa kɔ́i pɛli Yai-Laa nwɔ pɛlɛ́i gwəli hɛ̨ąi hveelɛi ɓa.

Ɉeremi 19:13

Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Ɉeremi 31:40

Nu powa boloon da nuwu pili ɓoloon gəlee, ə mą kɛ, Sedrɔn nɛ̨ŋɛ̨ hu, əlɛɛɉu ə həli ɉoo kpon ma, voló həɠəi pələ, gəlee a kɛ a lɔi mąąhəɠɛɛ, a Yai-Laa nwɔɔ, nu ta hva kɛa nąą kala, di hva nąą wolo, a kwɛlan nɔpee ta.»

Sofoni 1:4

Gáá pai ɲéé pɛlɛi Ɉuda nuą, da Ɉerusalɛmə nuą diɛ. Hɛn kpɔ gaa gɛɛnąą tii a Baalə nwɔɔ, ŋą́ gəlee hukala, ə mą kɛ, a nuąi kɛi tí mą, da di wɔɔ haláá laa həli nuą, ŋą́ gəlee laa kpɛɛ.

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Dutɛrɔnome 22:8

Yá pɛlɛ́ tɔɔ a nįnɛ̨, gala tɔɔ mɛ̨i nwəli la, ə gɛ nu ta hvo pa kulɔ laa hvo too ɲąmą wulu hvo lɛɛ ə́ wɔ pɛ́lɛ́i nwuɔ̨.