Tɔɔɓɛlaa veelɛ 23:10 - Yálá laawoo hɛɓɛ (dc)

¹⁰ Ɉaləi ŋɛ̨i da kɛ mą: Molɛkə, yii kɛ Tofɛtə Bɛn-Hinɔmə ɓoloon hu, yaai di kɛi lɛapɛlɛɛ kulɔ mą a haláá diɛ gələn, Ɉosiasə ə nąą kala, ə gɛ, di hvo pa pənə di hvo da kɛ.

Yálá laawoo hɛɓɛ

¹⁰ Ɉaləi ŋɛ̨i da kɛ mą: Molɛkə, yii kɛ Tofɛtə Bɛn-Hinɔmə ɓoloon hu, yaai di kɛi lɛapɛlɛɛ kulɔ mą a haláá diɛ gələn, Ɉosiasə ə nąą kala, ə gɛ, di hvo pa pənə di hvo da kɛ.

Bible

¹⁰ Zosâya è kpakolo-ŋa tɛ̀ɛ a gɛɛ dí Tôfɛ su kara nyii kɛ̀ Bɛŋ-Inɔ tiŋ-tiŋ su ƃɛ́i da kâa dílônii kùla naa a kéreŋ sala dí ɣâla pɔkɔɔŋ Molɛ.

Tɔɔɓɛlaa veelɛ 23:10 ပူးပေါင်းရင်းမြစ်များ

Tɔɔɓɛlaa dɔlɔɔ 11:7

Nąąlɔwai ɓə Salomɔn ə Kemɔsə hali kɔ́ pɛlɛ́ ta tɔɔ la, yai kɛ a Moabə lɔi hu nuą di wɔ ɓɛlɛkpɛɛmąą halii, ɛlɛɛ, da Molɛkə, yai kɛ a Amɔn lonnii di wɔ ɓɛlɛkpɛɛmąą halii, ə di wɔ haláá kulɔi kɛ ɲeei tii Ɉerusalɛmə tənən ma, nwuɔ̨.

Tɔɔɓɛlaa veelɛ 16:3

Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Tɔɔɓɛlaa veelɛ 17:17

Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Kɔlɔnikɔ Veerɛi 28:3

Yaa kpįnįi yɛ lansan haláá kulɔ Bɛn-Hinɔmə ɓoloon ɉu, yɛ nonnii kələn, vilɛn ŋąą la tii, gɛɛ kalaa túwɔ́i tii pulu, a yaai nu huwu ŋɛ̨i Yai-Laa ə nɔi kulɔ di yəi, yɛ dɛɛ Israɛlə pɔ, di kɛi gɛ.

Kɔlɔnikɔ Veerɛi 33:6

Yaa kpįnįi tii, ə nonnii kulɔ a haláá, ə di kələn Bɛn-Hinɔmə ɓoloon ɉu. Yaa kpįnįi, ə tɔlikpɛ, ə ɲɛ̨ąkpɛ, ə ɲąmuątaa tɔlikpɛ. Ə Yai-Laa nwąną lɔ a mɛ̨nį ɲɔ̨nŋąą tii ə kɛi gɛ ɲɛ̨i mui.

Nehemi 11:30

Ɉanoa, Adulamə, da gwɛlɛ taaɠaa, Lakisə da gwɛlɛ taaɠaa, Azeka, da gwɛlɛ taaɠaa. Di heeɛ ə kɛ, ə həɠə Beɛrə-Seva ə həli la Hinɔmə moloon bɔ.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Azaya 57:5

Ka ka lii muhəɠə lɔwɔ ɲɔ̨n gəlee mu, ɓɛi lɔpee wulu kpɛa-kpɛa laa mąą kaa laa, kaa lɛapɛlɛɛ paa ɓoloonŋąą hu, da kwɛni woloɠaa hu.

Ɉeremi 19:2

Yili pulu, ə́ kulɔ a Bɛn-Hinɔmə ɓoloon na pələ, ə́ nəɠi wolo gbon naaləi pələ, mɛ̨nįɠaai gáá pai mo yɛ́, ə́ noloɓo laa.

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 19:6

Yili ɓa, Yai-Laa yɛ, hvólóɠaa kaa pai ɉəlii, di hva kɛa kɛ gɛɛnąą ŋɛ̨i laa ɓaa: Tafetə, a wala kɛ tii, Bɛn-Hinɔmə ɓoloon, kɛlaa da kɛ nąą laa ɓaa: nu paa ɓoloon.

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Izikiɛ 16:21

Ə́ nónnii nwun dee, yɛ́ di tɛɛ di pɔ a haláá.

Izikiɛ 20:26

Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.

Izikiɛ 20:31

Ka kɛi li kɛ a ka wɔ haláá hɛnŋaai, kaa ka lonnii pili nwɔ̨n ɉu, ka kɛi ka mąąliɓi ɉaliɠaai tii pɔ, aa lɛɛ ɉu, aa həli la háákələi ɓa. A kɛ ti, gáá pai gbɔ́wɔ́ lɛɛi laa káá mą́ą́nin kɛ, kaai a Israɛlə nuąi? Yii kpɔ gáá a vúlú, vá tí ka hvo mą́ą́nin kɛ, Mɛ̨nį kəlee ŋą Hééɓomun Yálá woo li.»

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Dutɛrɔnome 18:10

Mąą hvo nɛ̨ɛ̨li, nu ta hvo kɛ ka lɔwai, yɛ kɛ gaa non gulɔi a haláá, yɛ gələn; nu ta hvo kɛ a tɔlikpɛmun; a wala kɛ tii, yɛ ɲɛ̨ąkpɛ, yɛ kɛ gaa hįį woo mukulɔi,

Zasua 15:8

Nɔi ɲɛ̨n ə kɛi tɛɛ Bɛn-Hinɔmə ɓoloon ɉu pələ. Ɉebusə nuą di wɔ lɔi koo ɓa pələ, naa ɓa Ɉerusalɛmə. Yili pulu, di ɲɛ̨n ə kɛi tɛ kpɔ ɲee ton na. Hinɔmə ɓoloon ɲɛ̨i tɔwɔ, voló tooi pələ. Refaitə nu huwu di wɔ ɓoloon ɲələi pələ.

Zasua 18:16

Ə kɛi yɛɛ ɲee kpɛlai, Bɛn-Hinɔmə ɓoloon tənən ma, Refaitə nuą di wɔ yɛɛ kɔwɔ ɲánwuɔ̨ pələ, ə kɛi laa a Hinɔmə ɓoloon, yɛ hee Ɉebusə nuą di wɔ lɔi ɓa ɉɛɠɛɛ pələ, yɛ hee Ein-Rogɛlə ɓa.