Tɔɔɓɛlaa veelɛ 22:19 - Yálá laawoo hɛɓɛ (dc)

¹⁹ yii kpɔ ə́ lii ə too pulu, ə́ ə́ mąą həɠə huɓɛla, yɛ́ wɔlɔ nííla, yili ɓa, ɲą́ą́ gbɛli mąn, ŋą́ą́ mɛ̨n, Yai-Laa nwóó li.

Yálá laawoo hɛɓɛ

¹⁹ yii kpɔ ə́ lii ə too pulu, ə́ ə́ mąą həɠə huɓɛla, yɛ́ wɔlɔ nííla, yili ɓa, ɲą́ą́ gbɛli mąn, ŋą́ą́ mɛ̨n, Yai-Laa nwóó li.

Bible

¹⁹ Ŋa berei káa ímalôŋ è tòo la yâ tãi í ǹono la a gɛɛ ǹɔii da zu-ƃelai kélee su a pâi karâi kpɔ́ kpoŋ-kpoŋ dí kúla ŋ́ɛi. Í íma sêɣe fàla maloŋ tôo-maa su ǹyaŋ ŋa íwɔlɔ-woo mɛ̀ni.

Tɔɔɓɛlaa veelɛ 22:19 ပူးပေါင်းရင်းမြစ်များ

Tɔɔɓɛlaa dɔlɔɔ 21:29

«Yáá Akabə kaa, aa nwɔ túwɔ́ pələ ɲɔ̨nŋąą mąą liihɛlɛn ɉee ɲɛ̨́i ɓa. Yili ɓa, ɓɛlɔwai gaa ni la yɛnɛ̨ɛ̨, və́ pai mɛ̨nį ɲąąnwąnąąɠaa tii laai mą. Kɛlaa, non nwɔ tɔɔlaa lɔwai ɓə gaa pai mɛ̨nįɠaa tii laai la Akabə nwɔ pɛ́lɛ́i ɓa.»

Tɔɔɓɛlaa veelɛ 19:20

Amɔsə lon Esai ə kɛla tɔɔ Ezekiasə pɔɔli, ə Yai-Laa Israɛlə nwɔ Yálá woo laa həli mą, yɛ mą: «Yai-Laa yɛ, vɛlii ŋɛ̨i ə́ mo, aa ə́ woo mɛ̨n; yɛ hvilɛn na Senakeribə ɓa, yii gaa a Asiri tɔɔmun.

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Tɔɔɓɛlaa veelɛ 22:11

Yii lɔ tɔɔmun ə dɔ́n ɉɛɓɛ́i tii hu woo mɛ̨n, ə mąą hɛɠɛ huɓɛla.

Kɔlɔnikɔ Veerɛi 32:26

Kɛlaa, ə mą kɛ tii, bələi mąn ɉu mɛ̨nį kɛnɛ̨ laa tii ə kɛ la Ezekiasə ɓa, yaa da Ɉerusalɛmə nuą di di hɔn gɔlɔn, di di kpɔɔ mąą yɛɛ, Yai-Laa nwɔ liiholii hvo ɓɛla di mɛ̨i a Ezekiasə nwɔ tɔɔlaa yələi.

Kɔlɔnikɔ Veerɛi 33:12

Yii kɛa Manase ə kɛ mɔ̨nɔ̨ hu, ə nɛɛ mą, ə nwɔ Yálái Yai-Laa təli, ə gbɔwɔ mąąyɛɛ kpɔ kɛnɛ̨ nąnni di wɔɔ Yálái lííla;

Kɔlɔnikɔ Veerɛi 33:19

Manase nwɔ Yálá hvɛli woo, da bələi Yálá ə nwoo mu hon na, nwɔ túwɔ́ pələ ɲɔ̨nŋąą, nwoo kalai ə mo Yálá ɓa, ɓɛɠaai ə hali kɔ́iɠaa pɛli laa, yɛ wuluɠaa tɔɔ diɛ gɔ́, ɉali mąąnįnįnŋąą ə bɛli, gɛɛ hvo ɉɔn gɔlɔn Yálá ɲɛ̨i ɓa; mɛ̨nįɠaa tii kəlee pɛ̨ɛ̨ kaa Hozai nwɔ hɛɓɛ́i hu.

Kɔlɔnikɔ Veerɛi 33:23

Kɛlaa, hvo gbɔwɔ mąą yɛɛ Yai-Laa ɲɛ̨i mu, yɛ bələi nąn Manase ə gɛ la. Kɛlaa yaamun a Amɔn, ə nɛ̨ŋɛ̨n ɉəɠə ə tɛɛ la nąn nwɛi ɓa.

Kɔlɔnikɔ Veerɛi 34:27

Yii kpɔ mɛ̨nįi ŋɛ̨i ə lɔ ə́ lii mu, ə́ ə́ kpɔɔ mąąyɛɛ Yálá lííla, ɛlɛɛ, nwooɠaai ɉɛɓɛ́i ŋɛ̨i ɉu, yɛ hvilɛn na gɛɛnąą ŋɛ̨i nuą diɛ, mąn ə́ mo, ə́ ə́ kpɔɔ mąąyɛɛ ɲą́ą́ nííla, ə́ ə́ mąąhəɠə huɓɛla, ə́ wɔlɔ nííla; yili ɓa, ɲą́ą́ gbɛli ŋą́ą́ ə́ woo mąn! Ɲą́ą́ Yai-Laa nwóó li.

Ɛsdrasə 10:1

Ɓɛlɔwai Ɛsdrasə ə kɛi Yálá hvɛli la, yɛ hvaa gɛ nɛ̨ŋɛ̨nŋąą diɛ, yɛ wɔlɔ Yálá nwɔ pɛ́lɛ́i laaləi, Israɛlə nu kpulu kɛnɛ̨, hinąą mąn, nɛ̨ąą mąn da nɛapɛlɛɛ di di ŋąąkpɔn gwɛlɛ. Mąąhɔlɔɓo, nɔi lonnii di kɛi ɲɛ̨iya wɔlɔ kpɔ-kpɔɔ ɓo.

Nehemi 1:4

Nwooɠaa tii mɛ̨n ŋį́ mo, ŋą hee, ŋą wɔlɔ; hvoló tamąą yee mu, ŋį́ kɛ lɔ wɔlɔ mɛ̨nį hu; ŋį́ hin nɔ, gɛ yələkɔlɔn ɉu Yálá hvɛli.

Nehemi 8:9

Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 51:17

Ną́mu Yálá, 'náá hvaa, náálee yɛ pɛli ə́ mąątɛ̨nɛ̨i a ɉələwoo.

Mąątɛ̨nɛ̨ 51:19

Yálá, ɉaláái ə́ kaa bɔ, ya ɓaa a nui níí aa yali gwə́i, líí daa mąąwɛli, yaai da ɉu wolo, hvá gbɛ ə́ ɲɛ̨i mu.

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Azaya 46:12

'Ka ka wəli tɔɔ, kili wala wala nuą, kaai, kaa ka mąą kwɛa tələnmo yíi ɓa:

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 36:13

Mikayehu ə nwooɠaa tii mɛ̨n, ɓɛlɔwai Neriya lon Barukə ə kɛi ɉɛɓɛ́ ɓo la nu kpulu ɓa, ə gəlee hukulɔ diɛ.

Ɉeremi 36:24

Di ta lɔpee hvo ɲɔw, di hvo di mąą həɠəɠaa huɓɛla, yɛi kɛ a dɔɔmun, yɛ ə kɛ a nwɔ tínuąi nwooɠaai tii mɛ̨n.

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Izikiɛ 9:4

Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Lonon mo 25:6

Nąąlɔwai, Israɛlə hulɔnon da ə Madian nɛ̨ɛ̨non da həɠə, ə paa la nąn nonnii lɔwai, Moisə da Israɛlə nu kpulu kəlee ɲɛ̨i ɓa, ɓɛlɔwai di kɛi wɔlɔ la gee kaa kələ laaləi

Lukə 19:41

Jesus ə lɛɠɛɛ kɛa Ɉerusalɛmə taa ɓa, ə ɲɛ̨i hee daa ɓa, ə wɔlɔ, yɛ mą:

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Nwun mąąɓo 20:26

Israɛlə nuą kəlee, da nɔi nuą, di tɛɛ də li Betɛlə, diɛ wɔlɔ Yai-Laa lííla, di hin nɔ a volói tii, yələwulii pɔ, di haláá huwu hveelɛ kulɔ Yai-Laa ɓa, yii da gəlee kələn, da yii gaa a pɔnaa kulɔ haláá, da Yai-Laa ni di lɔwai.

Samuɛlə dɔlɔɔ 24:5

Davidə nwɔ nuą diɛ mą: «Ɲələi Yai-Laa ə vaa ɓo yɛ́, ya ka aa həli, yai ə kɛ mą: ‹Gáá pai ə́ yɔwɔ lɔi ə́ yee ŋą, ɛlɛɛ, bələi a nɛ̨ɛ̨ la yɛ́, ə́ ɉon di.›» Davidə ə muhəɠə, ə Saulə nwɔ həɠəi gbuɔ ta tee mą ɲąą.