Tɔɔɓɛlaa veelɛ 21:9 - Yálá laawoo hɛɓɛ (dc)

⁹ Kɛlaa, Ɉuda nuą di hvo di wəli tɔɔ mą. Manase ə mɛ̨nįɠaa tii kəlee kala, ə tɛɛ la nɔiɠaa kpɔ Yai-Laa ə di kpɛ Israɛlə lonnii tɔwɔ di wɛi ɓa.

Yálá laawoo hɛɓɛ

⁹ Kɛlaa, Ɉuda nuą di hvo di wəli tɔɔ mą. Manase ə mɛ̨nįɠaa tii kəlee kala, ə tɛɛ la nɔiɠaa kpɔ Yai-Laa ə di kpɛ Israɛlə lonnii tɔwɔ di wɛi ɓa.

Bible

⁹ Kɛ́lɛ Zuda-ƃelai dífe díwoli tɔɔ ní Yáawɛ wóo ma. Manasɛ ƃé dí díwoli tɔ̀ɔ ma. È gɛ̀ da dîa-ni dí sɔnyɔ̂ŋ-ŋa kɛ́ a zu kɛ́tɛ é tɛ́ɛ ǹɔii-ŋuŋ da kpɛ́ni-ŋai dîa nyii-ŋai Yâwɛɛ è díkpɛ̀ ǹɔii ma a tãi ŋɔnûai dí kɛ̀ pâi la a gɛɛ dí sée naai.

Tɔɔɓɛlaa veelɛ 21:9 ပူးပေါင်းရင်းမြစ်များ

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa veelɛ 16:3

Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Tɔɔɓɛlaa veelɛ 21:10

Yili ɓə gɛ, Yai-Laa ə bələi ŋɛ̨i ɓo nwɔ loloɓo nuą diɛ, yɛ diɛ:

Kɔlɔnikɔ Veerɛi 33:9

Manase ə Ɉuda nuą da Ɉerusalɛmə nuą nwun ɉu lan, di túwɔ́ a ɲɔ̨nwɔ̨ɔ̨, di yee ə tɛɛ nuąi wɔlɔ Yai-Laa ə di paa, yɛ di həɠə Israɛlə nuą tɔwɔ di nwɛi ɓa.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Mąątɛ̨nɛ̨ 12:8

Gaa tii, Yai-Laa, Ə́ wɛi, Yá kulɔ Ə́ woo ɓa. Yá ku mąąkɔ̨nwɔ̨, a yələ kəlee, nu taaleei tii yəi.

Mąątɛ̨nɛ̨ 81:10

Yálá ta kpɛli hvo kɛ ə́ yəi, 'hvo kwɛli hvilɛn yálá takpɛli ɓa.

Hanwon 29:12

Ɲɛ̨itɔwɔmun a nwəli tɔɔ lɛɛ wooɠaa diɛ, nwɔ kalanɉonŋąą kəlee da ɲɔ̨nwɔ̨.

Izikiɛ 11:12

Ɲələ, ka gɔlɔn kaa diɛ; ɲą́ą́ ɓə gáá a Yai-Laa, ɲą́ą́ ŋɛ̨i ka hvo gɛ ka hvo lɛɛ nwɔ tɔ́n nwooi mui, ka hvo ŋą́ tiɓoɠaai kɛ li. Mąąhɔlɔɓo, kaa hvilɛn ka kwɛlɛ taaɠaa túwɔ pələ pulu.»

Izikiɛ 16:47

Hvo di pɔɔ kɔ́ɔn ni a yola, yɛ́ ə́ yee too di wɔ ɓowo mɛ̨nįɠaai tii hu; ə́ ɲɔ̨nwɔ̨ɔ̨ ə́ yee tɛɛ diɛ pələ kəlee hu.

Izikiɛ 22:3

'Kɛ diɛ, Mɛ̨nį kəlee ŋą Hééɓomun Yálá woo ka, yɛ: Daai ŋɛ̨i a gwəi lonnii ɲąmą pu, nwɔ yələ aa həli, a haliɠaa pɛli bɔɔli; yili yɛ mąąliɓi.

Izikiɛ 5:6

Ə kulɔ nwɔ́ tɔ́n nwooɠaai mu a kili ɲɔ̨nwɔ̨ɔ̨ dɛɛ nɔiɠaai ti diɛ; ə nwɔ́ tiɓoɠaa lɛɛ laa dɛɛ nɔiɠaai ti gwɛlɛ diɛ. Di nwɔ́ tɔ́n nwooɠaai pili di pulu; di hvo gɛ di hvo lɛɛ nwɔ́ tiɓoɠaai pulu.

Izikiɛ 5:7

Yili ɓə gɛi, Yai-Laa gu wɔ Yálái yɛ diɛ: ka tɛɠɛɓoɉuɔi dɛɛ nɔiɠaai ka kwɛlɛ diɛ; ka hvo lɛɛ li nwɔ́ tiɓoɠaai pulu; ka hvo nííɓa mɛ̨nįɠaa kɛ li; ka hvo mąn tɔ́wú li yɛ bələi ka kwɛlɛ lɔiɠaa da túwɔ́ la

Danîa 9:6

Ə́ wɔ loloɓo nuąi ŋɛ̨i ə́ di tɔɔ, diɛ ə́ mąą mɛ̨nį laa həli kuɔ tɔɔɓɛlaa diɛ, da ku ɲɛ̨itɔwɔ nuą, ə mą kɛ ku kalaɓɔlɔni da ku huwuhu nuą kəlee, ku hvo kɛ ku wəli tɔɔ li noloɓo nuąi tii diɛ.

Osia 5:11

Ɓɛlɛ a kpɛɛ Ɛfraimə ɓa, giti aa mąą mɛ̨nį pili ɉu, mąąhɔlɔɓo, aa gɛ a wəlii kpɔlɔ, yɛ gbɔwɔ tɔ́n bulu.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Ɉaan 15:22

Ŋą́ wala kɛ pa, Və́ mɛ̨nį ɓo diɛ, nɛ̨ŋɛ̨n vəli kɛ diɛ; kɛlaa yiihu kɛa, woo hukulɔ ta lɔpee hvo di la, di wɔ nɛ̨ŋɛ̨nŋąą mąą mɛ̨nį ɓa.

Zĩi 4:17

Yili ɓa nui mɛ̨nį lɛlɛɛ kɛ pələ kɔ́lɔn, a wala gɛ, a kɛ ti a nɛ̨ŋɛ̨n ɉəɠə.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.

Samuɛlə dɔlɔɔ 8:19

Kɛlaa, nuą di hvo gɛ di hvo di wəli tɔɔ Samuɛlə woo ɓa, diɛ mą: «Hvo pai kɛi tii, tɔɔmun mə ku kaa bɔ.