Tɔɔɓɛlaa veelɛ 21:2 - Yálá laawoo hɛɓɛ (dc)

² Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə gɛ, nɔiɠaa ŋɛ̨i Yai-Laa ə di kpɛ Israɛlə nuą ɲɛ̨i tɔwɔ, di túwɔ́ pələ ɲɔ̨n tii ɓə Manase ə kɛi gɛ.

Yálá laawoo hɛɓɛ

² Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə gɛ, nɔiɠaa ŋɛ̨i Yai-Laa ə di kpɛ Israɛlə nuą ɲɛ̨i tɔwɔ, di túwɔ́ pələ ɲɔ̨n tii ɓə Manase ə kɛi gɛ.

Bible

² Manasɛ è Yâwɛɛ wóo pìli a bîlaŋɔɔ mɛni nyɔ́mɔɔ-ŋai kɛ́ɛ pôlu nyii ǹɔii-ŋûŋ-ŋai dí kɛ̀ gɛ̂i Yâwɛɛ kɛ́ díkpɛ̀ Eezuɛ ŋɛ́i-tuɛi.

Tɔɔɓɛlaa veelɛ 21:2 ပူးပေါင်းရင်းမြစ်များ

Tɔɔɓɛlaa veelɛ 17:2

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, yili ɓə ə ɲee lɔ ɉu. Kɛlaa, hvo həli Israɛlə tɔɔɓɛlaa dɔlɔɔɠaa pɔ.

Tɔɔɓɛlaa veelɛ 21:11

«Yii kpɔ Ɉuda tɔɔmun Manase aa ɲee lɔ mɛ̨nį ɲɔ̨n daaləi ŋɛ̨i hu aa tɛɛ Amɔrə nuąi kɛ ɓɛ dɔwɔ di wɛi ɓa, aa gɛ Ɉuda nuą daa nɛ̨ŋɛ̨n ɉəɠə, a kwɛli hvilɛn di mo hali ɓa,

Tɔɔɓɛlaa veelɛ 21:16

Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Tɔɔɓɛlaa veelɛ 21:20

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə kpɔlɔɔ Amɔn ə gɛ, yɛ bələi nąn Manase ə gɛ la.

Tɔɔɓɛlaa veelɛ 21:21

Túwɔ́ pələ ɲɔ̨n kpɔ nąn ə gɛ, ya lɔ ɓə ə hvilɛn ɉu. Ɉaliɠaai nąn ə bɛli yɛ diɛ haláá kulɔ mą, yaa kpɛli ə kwɛli hvilɛn diɛ, yɛ kóló kɛ diɛ.

Tɔɔɓɛlaa veelɛ 21:7

Manase ə Asera nwɔ halii mąąnįnįn dɔɔ Yai-Laa yəi bɛlɛ́n; ɓɛi Yai-Laa ə kɛ Davidə da non Salomɔn diɛ: «Bɛlɛi ŋɛ̨i, da Ɉerusalɛmə taai ŋɛ̨i, ŋą́ą́ di həɠə Israɛlə lɔi nąą kəlee, gɛ́ náá hee mą a yələ kəlee.

Tɔɔɓɛlaa veelɛ 22:17

Mąąhɔlɔɓo, daa həɠə búlú, diɛ wulɔ kun nɛ̨ɛ̨ kələn haliɠaa diɛ a mɛ́lɛ too pələ di túwɔ́ pələ hu. Níí aa kələn gwə́i kɛnɛ̨ gɛɛnąą ŋɛ̨i pɔ, ə lɛɛ, níí hvo pai laai.

Tɔɔɓɛlaa veelɛ 23:32

Yoakazə túwɔ́ pələ ə ɲɔ̨n gbɔlɔɔ yɛ galá ni.

Tɔɔɓɛlaa veelɛ 24:9

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Yoyakin ə kɛi gɛ, yɛ bələi kpɔlɔɔ nąn ə kɛi gɛ la.

Kɔlɔnikɔ Veerɛi 36:14

Ə mą kɛ, ɉaláá laa həli nuą ɲɛ̨itɔwɔ nuą, nɔi ɲąąwooɓo nuą kəlee, di di wɔɔ woo kala laa huwiɛ, di túwɔ́ kpɔlɔɔ yɛ bələi, lɔiɠaa da kɛɛ kala túwɔ́ ɓo la; di bɛlɛ́i ŋɛ̨i Yai-Laa ə ɉəɠə ɉu a nwɔɔ Ɉerusalɛmə, di mąąluwu.

Ikilisiati 9:18

Kili hviɛlaɓoɔi, kɔ́ kɔ́ kwɛli hɛn ma. Kɛlaa, kilikpɛɛgwəi mun nwoo ɲąą tanɔ̨n gbən a mɛ̨nį lɛlɛɛ tamąą hukala.

Azaya 66:4

Ɲą́ą́ gbɛli mąn, gáá pai nííɓa mɛ̨nį kɛi a di mɔ̨nɔ̨ ɓo mɛ̨nį, ɉɛn da ɲɔw mą, gɛ́ ɲɛɛ a di nwun. Mąąhɔlɔɓo ŋį́ təliɓo kɛ, nu ta hvo hvaa, ŋą́ą́ hvaa, nu ta hvo nwəli tɔɔ li. Mɛ̨nįi ɲɔ̨nwɔ̨ɔ̨ ɲɛ̨́i mu, ya ɓə da gɛ. Mɛ̨nįi nwɛli kpɛɛ mą́ą́, ya ɓə di gɛ a di liiɓa mɛ̨nį.

Ɉeremi 15:4

Gáá pai di hon ɉii, yɛnɛ̨ɛ̨ lɔiɠaa kəlee da nąą kaa, diɛ ɲɔw, mɛ̨nįɠaa kpɔ Ezekiasə lon Manase Ɉuda tɔɔmun ə gɛ Ɉerusalɛmə daai, mąą mɛ̨nį ɓa.»

Izikiɛ 11:12

Ɲələ, ka gɔlɔn kaa diɛ; ɲą́ą́ ɓə gáá a Yai-Laa, ɲą́ą́ ŋɛ̨i ka hvo gɛ ka hvo lɛɛ nwɔ tɔ́n nwooi mui, ka hvo ŋą́ tiɓoɠaai kɛ li. Mąąhɔlɔɓo, kaa hvilɛn ka kwɛlɛ taaɠaa túwɔ pələ pulu.»

Izikiɛ 16:51

Ə mą kɛ Samari, hvo ə́ wɔ nɛ̨ŋɛ̨nŋaai ɓɛla ɓoɔ ɉeą́ bələ tɔ̨nɔ̨ kɛ. Ə́i wɔ túwɔ pələ ɲɔ̨n damą, ə dɛɛ nwɛi ɓa. Ɛlɛɛ, da ka nonnii ka kɔ́ɔn ka kee ɓa, di lɛlɛɛi di tɛɛ yɛ́. Mowo mɛ̨nįɠaai kpɔ ə́ gɛ gəlee ma mɛ̨nį ɓa.

Izikiɛ 22:3

'Kɛ diɛ, Mɛ̨nį kəlee ŋą Hééɓomun Yálá woo ka, yɛ: Daai ŋɛ̨i a gwəi lonnii ɲąmą pu, nwɔ yələ aa həli, a haliɠaa pɛli bɔɔli; yili yɛ mąąliɓi.

Dutɛrɔnome 12:31

Ka hvə di pɔɔ kɔ́ɔn, Yai-Laa ka wɔ Yálái mąąwiɛ mɛ̨nį hu. Mąąhɔlɔɓo, mɛ̨nįɠaa kpɔ da ɓaɠi lii tɛ a Yai-Laa, mɛ̨nįɠaa kpɔ di wɛli kpɛɛi mą, ya ɓə nu huwui tii ə kɛi gɛ di wɔ hali mąąwiɛ pələ hu; diɛ di lon ɉinąą da di lon nɛ̨ąą kələn di wɔ haliɠaa diɛ.