Tɔɔɓɛlaa veelɛ 20:5 - Yálá laawoo hɛɓɛ (dc)

⁵ yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Yálá laawoo hɛɓɛ

⁵ yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Bible

⁵ Yâwɛɛ è dɛ̀ɛ pôlu Ɛsekaya pɔ́ naa a ŋorɛ̂-wooi ŋí, “Ɛsekaya, íkaa a ŋánûai Eezuɛ láa-tuɛ nuu, ǹyaŋ Ńyãa ƃa Yâwɛɛ Ɣâla nyii ínâŋ pɔlɔi Deeƃé è kɛ̀ vɛ̀lîi. Ŋa ífɛli-wooi mɛ́ni, ǹyaŋ ŋa íkaa íkɛ wɔ̀lɔ ḿâ. Ŋa pâi íƃâloi a gɛɛ fólo saaƃa a tɛ̀ɛ ƃa pâi pɔrîi liî ŋápɛrɛ kɛ́tɛi lá a gɛɛ í ḿvɛli naa.

Tɔɔɓɛlaa veelɛ 20:5 ပူးပေါင်းရင်းမြစ်များ

Samia Veerɛi 5:2

Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ŋaakɔn ɉii, ɛlɛɛ, yɛ́ ɓə pai kɛi Israɛlə nwun na.›»

Tɔɔɓɛlaa dɔlɔɔ 9:3

Yai-Laa yɛ Salomɔn ɓa: «Vɛli woo da nɛ̨ɛ̨mąą wooi ŋɛ̨i ə́ naa həli mą́ą́, ŋą́ą́ mɛ̨n, bɛlɛ́i ŋɛ̨i ə́ dɔɔ, ŋą́ą́ gɛ a pɛlɛ́ mąąhəɠɛɛ. Náá kaa pai kɛi mą a yələ kəlee, nwɔ́ kɛɛ kaa da nwɔ́ kiliŋąhiɛ yɛ ɓo mɛ̨i a yələ kəlee.

Tɔɔɓɛlaa veelɛ 19:20

Amɔsə lon Esai ə kɛla tɔɔ Ezekiasə pɔɔli, ə Yai-Laa Israɛlə nwɔ Yálá woo laa həli mą, yɛ mą: «Yai-Laa yɛ, vɛlii ŋɛ̨i ə́ mo, aa ə́ woo mɛ̨n; yɛ hvilɛn na Senakeribə ɓa, yii gaa a Asiri tɔɔmun.

Tɔɔɓɛlaa veelɛ 20:4

Esai hvo kpɛli nii kɛ gwəli hąmą kɛnɛ̨ kpɛɛ li mą, Yai-Laa ə pənə ə hvaa bɔ,

Tɔɔɓɛlaa veelɛ 22:19

yii kpɔ ə́ lii ə too pulu, ə́ ə́ mąą həɠə huɓɛla, yɛ́ wɔlɔ nííla, yili ɓa, ɲą́ą́ gbɛli mąn, ŋą́ą́ mɛ̨n, Yai-Laa nwóó li.

Kɔlɔnikɔ Veerɛi 13:12

Ya ka kani, Yálá kaa ku pɔ, yɛ ɓo a ku nwun nąmu, nwɔ haláá laa həlinuąi kaa ku pɔ, di kaa pai nwɔ tulúɠaa hvɛɛi, ku wolo a kaa. Israɛlə lonnii! 'Ka hvo kɔ́ pɛlɛ Yai-Laa ka nąnni di wɔɔ Yálá ɓa, ka yee hvo pai lɔi.»

Kɔlɔnikɔ Veerɛi 34:3

Nwɔ tɔɔlaai gwɛlan mɛ̨ihaaɓa lɔwai, ə ɓo nii a hulɔnon, ə gɔɠɔ tɔɔ yɛ nąn Davidə nwɔ Yálái liiɓa kwɛli. Nwɔ kwɛlan bow kɔ́w hveelɛ lɔwai, ə ɲəə pɛlɛ Ɉuda da Ɉerusalɛmə mąąhəɠə kolo ɓa, yɛ ɉali kɔ́iɠaa, da nwuluɠaai di kɛi gɔ́, ɉaliɠaa mąąnįnįnŋąąi di bɛli a wulu, wala kɛ tii, di bu, ə gəlee kulɔ nɔi.

Mąątɛ̨nɛ̨ 107:20

Ə nwoo tɛɛ, yɛ di hali kɛ, yɛ di kulɔ kámą yəi.

Mąątɛ̨nɛ̨ 119:26

Ŋį́ ɉíɛ pələɠaa hukulɔ yɛ́, ə́ nwóó pulu pənə, ə́ kwəi mɛ̨nįɠaa lɛ mą́ą́.

Mąątɛ̨nɛ̨ 126:5

Nui a kɛɛhin ɲɛ̨iya hu, a mɔ̨nun dee yɛ́lɛ!

Mąątɛ̨nɛ̨ 147:3

Nuąi di lii yalia di kwəi, a di ɓalo, yɛ di wɔ palaɠaai waa.

Mąątɛ̨nɛ̨ 34:18

Tələnmo nuą da wɔlɔ, Yai-Laa a di wɔlɔ woo mu hon, yɛ di kulɔ di kanąn mɛ̨nįɠaa kəlee hu.

Mąątɛ̨nɛ̨ 39:12

Yá nu hutɔɔ a gɛ nɛ̨ŋɛ̨n naa pɔɔ, hɛn nwɛli kaa mą, yá nɛɛ a vowolo! A tɛ̨ą, nu kan nwɔ yɛnɛ̨ɛ̨ kaa ə́ ɲɛ̨i ɓa a hvąŋą!

Mąątɛ̨nɛ̨ 56:8

Mɛ̨nį ɲɔ̨n tii mąą mɛ̨nį ɓa, da mɔ̨ɔ̨ pɛli kulɔi ɉu? Yálá ə́ wɔ liiholi ə nuąi tii hukala tai.

Mąątɛ̨nɛ̨ 56:9

Yáá nwɔ́ mɔ̨nɔ̨ɠaai kəlee lono, ə́ yee hiɛ ɲɛ̨́i, ə́ ɲɛ̨́iyá kələ kpɛli mąn; kɛlɛi yili kəlee pɛ̨ɛ̨ ə́ wɔ hɛɓɛ́i hu?

Mąątɛ̨nɛ̨ 6:10

Yai-Laa aa nwɔ́ nɛ̨ɛ̨mąąhvə woo mɛ̨n, Yai-Laa aa ɲee hee nwɔ́ hvɛli wooi mu.

Mąątɛ̨nɛ̨ 65:2

Yálá, yɛ́i Siɔn daai, ə́ mąątɛ̨nɛ̨ woo a ə́ mąą hon, ɛlɛɛ, mɛ̨nįɠaai ku naakwɛlanmo yɛ́i, kwa di kɛ.

Mąątɛ̨nɛ̨ 65:3

Yɛ́i yá ə́ wəli tɔɔ, ə́ hvɛli woo ɓa, nu kan gəlee da pa ə́ pɔ.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Lɛɛ gbɔwɔ ɓa 3:9

Yii hu, yii kɛa Israɛlə lonnii wɔlɔ woo aa too nwə́lii, mɔ̨nɔ̨i Eziptə nuą kaa naai diɛ, ŋą́ą́ gaa;

Azaya 19:22

Akɛ, Yai-Laa ə Eziptə nuą kɛlɛ a nwala-walaa, bələ lɔ ɓə gaa pai di ɓaloi la; da pənə da pa Yai-Laa pɔ, gaa pai ɲee heei di mu, yɛ di ɓalo.

Azaya 38:22

Ya ɓə Ezekiasə a kɛ diɛ: «Ŋą́ pɛli gbaɠala kaai ləi gɛ́ kɛ gáá pai pɛlii tɛi Yai-Laa nwɔ pɛlɛ́i mu?»

Azaya 38:5

«'Li, yɛ́ Ezekiasə ɓa: Yai-Laa, ə́ nąn Davidə nwɔ Yálái yɛi: Ŋą́ą́ ə́ wɔ hvɛli wooi mɛ̨n, ŋą́ą́ ə́ ɲɛ̨i yá kaa. Gáá kwɛlan bow kɔ́w lɔɔli pɛlɛi ə́ wɔ yɛnɛ̨ɛ̨ ɓa.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Maafîu 22:32

‹Gáá ɓaa a Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.›» Jesus yɛ diɛ: «Yálá kaa a nu huluɠaa di wɔ Yálá; hvo a haaɓɛlaa di wɔ Yálá.»

Lukə 1:13

Kɛlaa, malakai tii yɛ mą: «Zakari hvo ɲɔw, mąąhɔlɔɓo, Yálá aa ə wɔ hvɛli woo mɛ̨n aa bulu pənə. Yili ɓa, ə́ nɛ̨ą Elisabɛtə kaa pai lon ɉulɔnu hɔlɔɓoi, ə́ naa hee a Ɉaan.

Lukə 18:10

Ə mo diɛ, yɛ diɛ: «Nu hveelɛ də li Yálá hvɛli mɛ̨nį ɓa. Dɔ̨nɔ̨ ə kɛ a Farisiɛ̨ dɔ̨nɔ̨ yɛ ɓo a nįįhɔ̨nwɔ̨ kulɔ mun.

Ɉaan 5:14

Nąąta wolo gɛɛ, Jesus ə gaa Yálá hee pɛlɛ́ mu, yɛ mą: «Yii kɛa ə́ kɔ́lɔi aa pono, hvó kɛa nɛ̨ŋɛ̨n ɉəɠə, əgɛ, mɛ̨nį nwąnąą ta hvo pa laa yɛ́, hvo tɛɛ yili ɓa.»

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Samuɛlə dɔlɔɔ 9:16

«Tínąą ɓɛlɔwai ɲɔ̨nwɔ̨mąn, gáá pai Bɛnɉamɛn lɔi hu mun da tɛɛi yɛ́, ə́ nwulɔ mąąhəɠɛɛ lɔ ma, ə́ gɛ a nwɔ́ nu huwu Israɛlə ɲąąwooɓomun, ya ɓə pai nwɔ́ nu huwui kulɔi Filisti nuą yee mu. Ŋą́ą́ nwɔ́ nu huwui kaa, nwɔlɔ woo aa həli mą́ą́.»