Tɔɔɓɛlaa veelɛ 20:3 - Yálá laawoo hɛɓɛ (dc)

³ «Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Yálá laawoo hɛɓɛ

³ «Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Bible

³ “Yâwɛɛ, ífe nia a gɛɛ ńâai a ƃía, ŋ́gɛ tíi kɛ̀ yɛ̂. Ŋa wɔ́lɔ woo-mɛni kɛ́ yɛ̂ a ńii kélee. Ŋa wɔ́lɔ mɛnii kɛ̂ nyii ƃa nɛ̀ a gɛɛ ǹɛ̂lɛɛi.” Nyíŋi pôlu ma, è wɔ̀lɔ kpɔ́ a ŋánaa.

Tɔɔɓɛlaa veelɛ 20:3 ပူးပေါင်းရင်းမြစ်များ

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 5:22

Metusəla hɔlɔɓoɔ pulu, Henɔkə ə kwɛlan nwun ɉaaɓa kɛ, da Yálá diɛ nɛ̨ɛ̨yɔwɔ laa kɛ a nɛlɛɛ. Ə lon ɉinąą takpɛliɠaa hɔlɔɓo da lon nɛ̨ąą.

Zɛnɛse 5:24

Henɔkə da Yálá di nɛ̨ɛ̨yɔwɔ laa kɛ, yili pulu, nu ta hvo kɛa gaa. Mąąhɔlɔɓo, Yálá ə ɉəɠə ə nɛɠɛ mą.

Zɛnɛse 8:1

Noe nąą kili ə too Yálá ŋą, da ɉɛnŋaa kpɔ tii kɛ Noe pɔ gələn ɉu. Yálá ə hvaŋą kɛnɛ̨ ta tɛɛ lɔi mɛ̨i, ɲáɠaa mąą yɛ yɛɛ.

Tɔɔɓɛlaa dɔlɔɔ 11:4

Ɓɛlɔwai kɛa Salomɔn ə pɔlɔ la, nɛ̨ąni di gili tinɛ̨n di nɔ wɔ hali kɔ́wɔ hu, nwɔ giliŋąhiɛ hvo kɛa lɛɛ a ɉaŋąą Yai-Laa nwɔ Yálái pɔ pələ. Salomɔn nwɔ kɛ pələ ə kulɔ nąn Davidə nwɛi mu.

Tɔɔɓɛlaa dɔlɔɔ 15:14

Kɛlaa, ɉaláá kulɔiɠaa tii di lɛɛ laa. Ə mą kɛ tii, Asa ə túwɔ́ a ɉaŋąą, ə gwəi kwələ Yai-Laa ɓa nwɔ yɛnɛ̨ɛ̨ kəlee yee mu.

Tɔɔɓɛlaa dɔlɔɔ 2:4

Yili pɔ pələ ɓə, mɛ̨nįi ŋɛ̨i Yai-Laa ə mo mą́ą́, naa a hon na yɛ́; yai ə kɛ mą: ‹Akɛ ə́ lonnii da di hiɛ pələ ɲɛlɛkɛ, di hiɛ ɲɛ̨́i ɓa a ɉaŋąą, a di lii kəlee, da di kpinį kəlee, a tɛ̨ą! Dɔɔkpəlin ŋɛ̨i gaa Israɛlə lɔi hu, ɉu hva lɛɛ a gboloon, nu a hɔlɔɓo ə́ huwuhu, ə hee laa.›»

Tɔɔɓɛlaa dɔlɔɔ 3:6

Salomɔn yɛ mą: «Yɛ́ ɓə ə́ ɲɛ̨i lɛlɛɛ hee ną́n Davidə ə́ wɔ luwɔi ɓa, mąąhɔlɔɓo, ə hiɛ a ɉaŋąą ə́ ɲɛ̨i ɓa; tələnmolaa hu, a gwəi kwəlɛɛ yɛ́. Yili ɓə gɛ, yɛ́ kulɔ ə́ woo ɓa, ə́ non ɉee háákəlee dɔɔkpəlin ɉu.

Tɔɔɓɛlaa dɔlɔɔ 8:23

yɛ diɛ: «Yai-Laa Israɛlə nwɔ Yálá, Yálá ta hvo laa, ka Yáá ka pɛliɛ, ə mą kɛ yələi, yələkɔlɔn ɉu ɓə, da lɔi mɛ̨i, yɛ pɛli mįnɛ̨i da nwɔ nuą di ɉəɠə, naahɔn moi yɛ gili kɛ di hu a wɛlikɛmąąlaa, ɓɛlɔwai da hiɛ la a ɉaŋąą ə́ ɲɛ̨i ɓa.

Tɔɔɓɛlaa dɔlɔɔ 8:61

Ka kwəi a kwələ Yai-Laa ka wɔ Yálái ɓa, kaa pɛli hvilɛn ɉii nwɔ tɔ́n nwooɠaai pulu, kaa ka yee hee nwɔ tiɓoɠaai mu, yɛ bələi ka káá gɛi la háákələi.»

Tɔɔɓɛlaa dɔlɔɔ 9:4

Ə́ wɛi, akɛ yá hiɛ ɲɛ̨́i ɓa yɛ bələi ə́ nąn Davidə ə gɛ la, a kwəi kwələlaa, ə́ tələnmoɔ, yɛ túwɔ́ yɛ bələ ŋą́ ə́ tí la, yá ə́ yee kanąn nwɔ́ tɔ́n nwooɠaai diɛ, da nɔi hon bələi ŋą́ nɛ,

Tɔɔɓɛlaa veelɛ 20:2

Ezekiasə ə tinɛ̨n, ə ɲɛ̨i hee bɛlɛ pɔ pələ, yɛ Yai-Laa hvɛli, yɛ kɛ mą:

Tɔɔɓɛlaa veelɛ 20:4

Esai hvo kpɛli nii kɛ gwəli hąmą kɛnɛ̨ kpɛɛ li mą, Yai-Laa ə pənə ə hvaa bɔ,

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Nehemi 13:14

Ŋą́ Yálá hvɛli gɛ́ mą: «Nwɔ́ Yálá, mɛ̨nįɠaa ŋɛ̨i ŋą́ gɛ, ə́ wɔ tələnmo la yii ŋį́ golói ŋɛ̨i kɛ, ə́ wɔ pɛ́lɛ́i mu, ə́ mąąwiɛ mɛ̨nį ɓa, ə́ kili lɛɛ ɉu.»

Nehemi 13:22

Yili pulu, ŋį́ mo Levi huwuhu nuą diɛ, gɛ́ diɛ, di di mąąhəɠə, ə gɛ, di pa, di di ɲɛ̨i kɛ Yálá nwɔ pɛ́lɛ́i laaləi, di túwɔ́ lɔwɔ mąąhəɠə. «Yili mąą mɛ̨nį ɓa, nwɔ́ Yálá, ə́ wɔ tələnmolaa hu, ə́ kili lɛɛ ɉú, ə́ ɲɛ̨́i mąąwɛli kaa.»

Nehemi 13:31

Gwɛi mąąnɛ̨ɛ̨ kɛ di paa la a mɛ̨inɛ̨ɛ̨, yɛ pələi guuɠaa heeɛ kɛ la, da ɉihɛnŋąą dɔlɔɔɠaa mąą mɛ̨n, ŋį́ yiliɠaa hee gban ɲa. Ŋą́ Yálá hvɛli, gɛ́ mą: «Ə́ kili lɛɛ ɉú mɛ̨nį lɛlɛɛ mąą mɛ̨nį ɓa.»

Nehemi 5:19

«Námu Yálá, mɛ̨nįɠaai kpɔ ŋį́ gɛ nuąi ŋɛ̨i mąą mɛ̨nį ɓa, ə́ kili lɛɛ ɉu, ə́ bɔɔ kɛ mą́ą́ a mɛ̨inɛ̨ɛ̨.»

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 1:8

Yai-Laa ə mo mą, yɛ mą: «Ə́ nwɔ́ tímun Ɉobə kaa? Ɲɔ̨nwɔ̨mąn və lɔi mɛ̨i. Gaa a nui dúwɔ́ pələ lɛlɛɛ, ə lɛɛ, nwɔ mɛ̨nį haŋąą, yɛ ɲɔw Yálá ɓa, yɛ mąąkwɛa mɛ̨nį ɲɔ̨n ma.»

Zôo 16:20

Mə́laa kaa yɛlɛ kulɔi ɉu, Kɛlaa, Yálá ɓə gáá wɔlɔi mą.

Zôo 4:6

Akɛti, ə́ wɔ ɲɔw Yálá ɓa laa dɔ̨nɔ̨ ə kɛ lɔ ma, ɓɛlɔwai ə́ kɛ la ə́ nɛɛ hu? Yɛ bələi ə́ túwɔ́ pələ ə kɛ la a kɔ́ɔn mąą lɛlɛɛi, yili hva pɛli kɛ ə́ kili tooi ə́ yəi ɓaa?

Mąątɛ̨nɛ̨ 102:9

Ɲówóɠaa da túwɔ́ lɔ vííɓoi, nuąi kɛi mą́ą́tɛ̨nɛ̨ toloo toloo, diɛ nɛ̨ŋɛ̨nnaa kɛ a náá.

Mąątɛ̨nɛ̨ 119:26

Ŋį́ ɉíɛ pələɠaa hukulɔ yɛ́, ə́ nwóó pulu pənə, ə́ kwəi mɛ̨nįɠaa lɛ mą́ą́.

Mąątɛ̨nɛ̨ 119:49

Nwooi ə́ mo ə́ wɔ tímun ɓa, ə́ kili lɛɛ ɉu, yai ə́ gílitɔɔmą.

Mąątɛ̨nɛ̨ 145:18

Nuąi da Yai-Laa hvɛli, gaa di kwɛlɛ, a nuąi kpɔ da vɛli a tɛ̨ąi.

Mąątɛ̨nɛ̨ 25:7

'Hvó kɛa ə́ kili lɛɛ, múhəɠɛɛ yələ nɛ̨ŋɛ̨ŋaa diɛ, da nwɔ́ túwú pələ ɲɔ̨nŋaa, Kɛlaa, ə́ kiliŋąhiɛ ə́ vilɛn mą́ą́ ə́ wɔ ɲɛ̨imąąwɛlikaa hu, Gbala ə tɔɔ, Yai-Laa, yɛ́ mɛ̨nį lɛlɛɛi.

Mąątɛ̨nɛ̨ 26:1

Davidə nwɔ wələ woo. Yai-Laa, mą́ą́ tɛ̨ą ɓo, mąąhɔlɔɓo, gáá hiɛi a kwəi kwələlaa, ɛlɛɛ, yii kpɔ gílitɔɔ Yai-Laa ɓa, vá tɔɔ takpa takpa.

Mąątɛ̨nɛ̨ 26:3

Yá kulɔ ə́ woo ɓa, gíli kaa yili hu. Gɛ́ hiɛ ə́ wɔ tɛ̨ą pələi mɛ̨i.

Mąątɛ̨nɛ̨ 32:2

Nui Yai-Laa hva ɉɔn gaa mą, mąą nu nwu na nɛ̨ɛ̨i ɓə, ɛlɛɛ yaan, nwɔ kiliŋąhiɛ hva li hvulu mɛ̨nį pɔ.

Mąątɛ̨nɛ̨ 39:13

Yai-Laa! Ə́ wəli tɔɔ nwɔ́lɔ woo da dómą woo ɓa, Ə́ wəli mąąlaa ə́ nwóó mɛ̨n, ɲɛ̨́iyá kələ, hvó ə́ wəli laa kpulu! Mąąhɔlɔɓo, gáá ə́ yəi yɛ nwɛ̨ą, yɛ tɛɛmun lɔ yɛ bələi ną́nni di kɛ la.

Mąątɛ̨nɛ̨ 6:6

Hvo gaai, haamun va kɛa pɛli giliŋąhiɛi yɛ vilɛn yɛ́, gbɛɛ ɓə pai ə́ laa mąąwiɛi ɲąmuątaa?

Mąątɛ̨nɛ̨ 6:7

Ŋą́ą́ kpɔlɔɔn, ɲį́ŋɛ̨ pələɓa, kpinį tɛi tɛi yeemu, ŋą́ nwɔ́ gbin yɔwɔ a ɲɛ̨́iyá, ɲɛ̨́iyá kpoloon yɛ laa ɲə́i gbin ɲą.

Mąątɛ̨nɛ̨ 89:47

Yai-Laa, ə́ kaa pai lɛɛi ə́ loo pələi ə lɛɛ ɉu mįnɛ̨ lɔwai? Ə́ lii kaa pai lɛɛi a ɉoliɛ ku pɔ, ə lɛɛ ɉu mįnɛ̨ lɔwai?

Mąątɛ̨nɛ̨ 89:50

Nwɔ́ mɛ̨nį Nąmu, ə́ wɔ wɛlikɛmąąlaa pɔlɔɠaai kaa mį? Ə́ ə́ kwɛla Davidə ɓa, a ə́ tələnmolaa!

Azaya 38:14

Gáá wɔlɔi, yɛ hvólóon, a wala kɛti, yɛ liɛn non, gɛ́ nwóó laa, yɛ tonwənən. Ɲɛ̨́i həɛi ə́ pɔ pələ, ɲɛ̨́i kɔ́lɔn ɉu aa haa: Yai-Laa! Gbánɉu aa haa; mą́ą́ mɛ̨nį ɲɛ̨i kulɔ wɛ!

Azaya 63:11

Nwɔ nuą di di kiliŋąhiɛ kɛa, Moisə nwɔɔ hvolóɠaai diɛ, «Nui nwɔ taatɛlɛɛ pulunuą, kulɔ gboloyá yəi gaa mįnɛ̨? Nu kpɔ ə wɔɔ? A yai nwɔ Nįį-Mąąhəɠɛɛi tɛɛ bɔi?

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Amɔsə 5:4

Mɛ̨nį Yai-Laa ə mo Israɛlə nu huwu diɛ, ya ka, yɛ diɛ: Akɛ ka hvo bɔ ka hvo haa, ɲą́ą́ ɓə mąąnɛɛ ka pa bɔ́.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.