Tɔɔɓɛlaa veelɛ 2:23 - Yálá laawoo hɛɓɛ (dc)

²³ Elise ə həɠə Ɉeriko yɛ li Betɛlə pələ. Ɉəliɛ daa kpala, lɛapɛlɛɛ di həɠə taai, diɛ yɛlɛ Elise ɓa, diɛ kɛ mą: «Nwuɔ̨ kɔ́mɔ̨, 'li! Nwuɔ̨ kɔ́mɔ̨, 'li!»

Yálá laawoo hɛɓɛ

²³ Elise ə həɠə Ɉeriko yɛ li Betɛlə pələ. Ɉəliɛ daa kpala, lɛapɛlɛɛ di həɠə taai, diɛ yɛlɛ Elise ɓa, diɛ kɛ mą: «Nwuɔ̨ kɔ́mɔ̨, 'li! Nwuɔ̨ kɔ́mɔ̨, 'li!»

Bible

²³ Ilasa è kùla naa é lí Bɛtɛ. Gɛ́ɛ siâi berei ma gɛ́ lii, sinâa-nɛyaa da-ni dí kùla taa tɔ̂nɔ su dí kɛ́ ɣɛ́lɛ maa kûla gbonôi. Dí mò mà dîyɛɛi, “Kula ƃɛ́ í lí a íŋûa kpulaŋ, kula ƃɛ́ í lí a íŋûa kpulaŋ.”

Tɔɔɓɛlaa veelɛ 2:23 ပူးပေါင်းရင်းမြစ်များ

Zɛnɛse 21:9

Yele ta, Sara nwɔ luwɔ nɛ̨ɛ̨nui ŋɛ̨i kɛ a Eziptə mun yai Abrahamə ə lon gaa mą, diɛ kɛ mą Ismaɛlə, nokoloi tii ə kɛi yɛlɛ Isaakə ɓa. Sara ə nąą kaa,

Tɔɔɓɛlaa veelɛ 2:11

Di kɛɛ líi, diɛ mɛ̨nįi tii ɓo, wotolo tɔ̨nɔ̨, da hooɠaa di ɓo a nwɔ̨n, di kulɔ, di Eli da Elise di ɓɛlaɓo, ɉigilin ə Eli həɠə yɛ tɛ la yələkɔlɔn ɉu.

Tɔɔɓɛlaa veelɛ 2:2

Di lɛɛ lɔ lii, Eli yɛ Elise ɓa: «'Lɛɛ ɓɛ, mąąhɔlɔɓo, Yai-Laa aa dɔ́ɔ́ kpɔ Betɛlə.» Kɛlaa Elise yɛ mą: «Yii kpɔ Yai-Laa kaa a vulú, ɛlɛɛ yɛ́ ɓo a ə́ hvulú, ŋą́ą́ gwɛla gɛ́ vá həɠə ə́ pulu.» Di lɛɛ di kee pɔ de li Betɛlə.

Tɔɔɓɛlaa veelɛ 2:22

Ɲá mąą ə həɠə, háá ɓa háá gaa tii, yɛ bələi Elise ə mo la.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Zôo 19:18

Ə mą kɛ hilɛlɛa ɓə, mɛ́lɛ́ a kpɛɛ di kwəi. Ŋą́ múhəɠə lɔ, diɛ huluun mɛ̨́i.

Zôo 30:1

Yiihu kɛa, ŋą́ą́ kɛ a yɛlɛ kulɔ ɉu hɛn, muhəɠə nįnɛ̨ɠaa yəi, di hvo kpɛli nwɔ́ nu pɔlɔ laa mąąwiɛi. Ya pa, di nąnni di mąą hvo kpɛli kɛ nɛ̨ɛ̨li nwɔ́ taatɛlɛɛɠaa pulu yilɛɠaa lɔwai.

Mąątɛ̨nɛ̨ 31:17

'Ə́ ɲɛ̨i lɛlɛɛ hee ə́ wɔ tímun ma, 'málo, mąąhɔlɔɓo yá kulɔ ə́ woo ɓa.

Mąątɛ̨nɛ̨ 31:18

Yai-Laa, ə́ təlii gáá moi, və́ nwumɛ̨ ɉu, Kɛlaa, nwumɛ̨ ə lɛɛ a nuąi di hva ə́ mąąwiɛ di wɔɔ; di laa pɛlɛ mą, diɛ yɛɛ ɲąmuątaa pələ.

Mąątɛ̨nɛ̨ 35:15

Kɛlaa tooi ŋį́ mo, di di ɲąąkpɔn, diɛ pili yələi a kwəinɛ̨ɛ̨, diɛ di keeni ɲąątɔɔ mą́ą́, nwɛ̨ąą diɛ náá nɔ̨nwɔ̨ɔ̨ ɓo, və́ kɛ nwun gɔlɔn.

Hanwon 20:11

Lokolo túwɔ́ pələ a nɛ, akɛ gaa pai kɛi a nu lɛlɛɛ, ɉaŋąą.

Hanwon 22:15

Ɓowo mɛ̨nį kanąn ŋąąi lokolo lii pɔ, hutɔɔ hvaɠa ɓə a gulɔ nii pɔ, ə mąą kwɛa mą.

Hanwon 22:6

Lokolo lɛɛ tiikpə, ə́ galan a kpaalə mąąnɛ̨ɛ̨ ə hiɛ la, ə mą kɛ aa pɔlɔ, hva lɛ̨ą mą.

Ikilisiati 11:10

Mɛ̨nįi kpɔ a liihɛlɛn doo nu ɓa, da ɲɔw mɛ̨nįɠaa, yiliɠaa kəlee mąą kwɛa yɛ́; mąąhɔlɔɓo, nunwunulaa, da nwɔ kpakololaa, di kaa a kpɛli-kpɛli mɛ̨nį.

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Azaya 3:5

Nuą kaa pai kɛi hvaa pɛlɛi di kee ɓa, nu kəlee yɛ pɛlɛ ɉeeyɔwɔ ɓa, lolokolo yɛ tɔɔ hulɔgolo la, nu kpoloon yɛ tɔɔ nu ɓɛlɛmąą la.

Ɉeremi 20:7

Yai-Laa, yáá ɲą́ą́nɛnɛn, yáá ɉón a gbanalaa, Ɛlɛɛ, ɲą́ą́n, ŋą́ą́ gbɔ́ɔ́ lɛɛ laa yáá ɉón, wea mɛ̨nį kpɔ ɓə ə́ gɛ mą́ą́ mɛ̨nį hu; Ɛlɛɛ, mɛ̨nįi ə kɛ bɔ, ə́ yee aa pɛli mą. Da túwɔ́ lɔ yɛlɛ kulɔi ɉú, nu kəlee diɛ di laa pu ɉú.

Ɉeremi 20:8

Ŋą́ kɛi kɛ ŋį́ pələ ɓo, hvo kɛli ŋį́ nu təli mą́ą́, gɛ́ tomą, gɛ́ kɛ mą: «Too mɛ̨i da wea ɓə» Yai-Laa woo mąą mɛ̨nį ɓa, da túwɔ́ lɔ nálan ɉii, diɛ di laa pu ɉú.

Ɉeremi 7:18

Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Osia 10:15

Mɛ̨nįi tii ɓə Betɛlə kaa pai nąą kaai, ka wɔ kili ɲɔ̨nwɔ̨n gwəi laa mąą mɛ̨nį ɓa, gɛɛ yələ hvo ɓɔ, Israɛlə tɔɔmun nwɔ yɛnɛ̨ɛ̨ a kɛ a gbɛɛ.

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Levetekɔ 13:40

«Nu ta nwuɔ̨ a kɔ́mɔ, nwun nəɠa lɔ ka tii pu, tɔ́n və mą.

Amɔsə 3:14

hvólói gáá pai Israɛlə nu huwu di wɔ mɛ̨nį ɲɔ̨n ŋɛ̨i kiti teei la, gáá pai Betɛlə nwɔ haláá kulɔi kiti teei, gáá pai ɉaláá kulɔiɠaa wəli yali diɛ, ŋį́ di pu nɔi ɓa.

Amɔsə 4:4

Ną́mu Yai-Laa yɛ nwɔ̨nɔ̨ diɛ: Israɛlə nu huwu, ka li Betɛlə ka ka liiɓa nɛ̨ŋɛ̨n gɛ, ka li Gilgalə, ka nɛ̨ŋɛ̨n gɛ kpɔ kɛnɛ̨. Yələwala pɔ kəlee, ka pa a ka wɔ haláá hɛnŋąąi, ka naa həli voló ɉaaɓa yələ, ka pa a ka wɔ hɛn bow nąą, ka naa həli

Amɔsə 5:5

Kɛlaa, Yálá hee pɛlɛ́i ŋɛ̨i gaa Betɛlə daai hvəi ka gwɛ́li laa. Ka hvo kpɛli li Gilgalə daai. Ka hvo kɛ ka káá lii Beɛrə-Seva daai Mąąhɔlɔɓo, Gilgalə nuą kaa pai li luwɔlaa hu. Yálá hee pɛlɛ́i ŋɛ̨i gaa Betɛlə daai, naa kaa pai lɛɛi a nąnį nwɔ pɛlɛ́.

Amɔsə 7:13

Kɛlaa, Betɛlə daai ɓɛ, hvo kɛa pai pɛli Yálá mąą mɛ̨nį ɓoi ɓɛ daai, mąąhɔlɔɓo, ɓɛ kaa a tɔɔmun nwɔ haláá kulɔi, da nwɔ tɔɔ hee taa.»

Galatə 4:29

Kɛlaa, bələi kpɔlɔɔ nui hɔlɔɓo a kɔlɔ liiɓa, ə kɛ wɛli kpɛɛmąąlaa kulɔ la a nui hɔlɔɓo a Yálá liiɓa, bələ kpɔlɔɔ ɓə a kɛ kɛi la háákələi.

Hebreu 11:36

Daɠaa, diɛ di liikpələ yɛlɛkulɔɉu mu, da hvaɠa, diɛ daɠaa yili a yɔwɔn, diɛ daɠaa too gaho ŋą;