Tɔɔɓɛlaa veelɛ 2:15 - Yálá laawoo hɛɓɛ (dc)

¹⁵ Yálá kwəi mɛ̨nį hukulɔ nuą di wɔ kalan nɛa ŋɛ̨i kɛ Ɉeriko, yii kɛa di gaa tii, diɛ di kee ɓa: «Yálá nwɔ Kilii ŋɛ̨i kɛ Eli yəi, yɛ Yálá kwəi mɛ̨nį ɓo la, aa lɔ Elise hu.» Di nɛɛ mą, di pa, di Elise laakwiɛn, di pɛlɛ nɔi ɓa di kwɛli hvilɛn mą;

Yálá laawoo hɛɓɛ

¹⁵ Yálá kwəi mɛ̨nį hukulɔ nuą di wɔ kalan nɛa ŋɛ̨i kɛ Ɉeriko, yii kɛa di gaa tii, diɛ di kee ɓa: «Yálá nwɔ Nįį ŋɛ̨i kɛ Eli yəi, yɛ Yálá kwəi mɛ̨nį ɓo la, aa lɔ Elise hu.» Di nɛɛ mą, di pa, di Elise laakwiɛn, di pɛlɛ nɔi ɓa di kwɛli hvilɛn mą;

Bible

¹⁵ Ɣâla ŋɔlóno kɛ́-ƃela kpului kùla Zɛleko nyii-ŋai kɛ̀ tɔɔ-ni dí kɛ́ naa kàai dí mò dîyɛɛi, “Ilaza ŋɔmɔ̂leŋ káa Ilasa kponôi.” Ǹyaŋ dí lì a gɛɛ da dîa-ni dí koyaŋ. Dí dímaa pɛ̂lɛ ǹɔii ma ŋ̀ɛ́i túɛ.

Tɔɔɓɛlaa veelɛ 2:15 ပူးပေါင်းရင်းမြစ်များ

Tɔɔɓɛlaa dɔlɔɔ 19:16

Yili pulu, ə́ dɔɔ wulɔ lɔ Nimsi lon Ɉehu ɓa, ə́ gɛ a Israɛlə tɔɔmun. Ɛlɛɛ, Safatə lon Elise, yai gaa a Avɛlə-Mehola mun, 'ə́ dɔɔ wulɔ lɔ mą, 'ə́ gɛ a gwə́i mɛ̨nį hukulɔ mun a ə́ mąąhvalin.

Tɔɔɓɛlaa dɔlɔɔ 20:35

Yai-Laa ə gwəi mɛ̨nį hukulɔ nuą di wɔ kalan non dɔ̨nɔ̨ tí, yili yɛ mɛlan ma: «Gɛ́lɛ!» Kɛlaa, mɛlan və gɛ hvo gɛlɛ.

Tɔɔɓɛlaa veelɛ 2:19

Ɉeriko nuą di pa diɛ Elise ɓa: «Yɛ bələi ə́ kaa gaai la, ku wɔ mɛ̨nį nąmu, ku wɔ taai heei lɛlɛɛi, kɛlaa, ɲáɠaa di hvo lɛlɛ li, hɛn da hva lɛlɛ nɔi ɓa.»

Tɔɔɓɛlaa veelɛ 2:7

Yálá kwəi mɛ̨nį hukulɔ nuą nu pow lɔɔli di li di hee Ɉurdɛn kwɛlɛ, di mąą ta wolo kwɛaa Eli da Elise diɛ.

Tɔɔɓɛlaa veelɛ 4:37

Nɛ̨ɛ̨nui tii ə pa, ə pɛlɛ Elise kɔ́wɔ mu, ə kwɛli hvilɛn mą, yili pulu, ə non ɉəɠə da yaa di kulɔ.

Tɔɔɓɛlaa veelɛ 5:22

Gehazi yɛ mą: «Ɲɔ̨nwɔ̨ɔ̨ hvo ɉu! Gálamɔ̨ɔ̨ ɓə dɔ́ɔ́, yɛ: ‹Yálá kwəi mɛ̨nį hukulɔ nuą lonnii a hilɛlɛa hveelɛ, daa həɠə Ɛfraimə yee hu daa pa. Gáá ɉuhvɛlii yɛ́, ə́ wali kwələ pow haaɓa, da hiŋɛ̨nɉəɠə hveelɛ tɛɛ, nuąi tii mąą mɛ̨nį ɓa.›»

Tɔɔɓɛlaa veelɛ 9:1

Yálá kwəi mɛ̨nį hukulɔ mun Elise ə nwɔ kalan non dɔ̨nɔ̨ təli, yɛ mą: «Ə́ hąą yili, ə́ nwulɔ kpowo həɠə, ə́ li la Ramotə Galaadə lɔi hu.

Azaya 11:2

Yai-Laa nwɔ Kilii kaa pai kɛi a naa mɛ̨i a yələ kəlee mɛ̨nį, gaa a mɛ̨nį hukpɛ kili da mɛ̨nį ɲąą kaa, yə ɓo a liɛwoo kili, da huwalawala kili, ya ɓə a Yai-Laa lɛ nuą diɛ, diɛ ɲɔw mą mąąwiɛ laa hu.

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Amɔsə 7:14

Amɔsə ə Amasia woo ŋąąpənə, yɛ mą: «Və́ a Yálá kwəi mɛ̨nį hu kulɔ mun, və́ nwɔ̨nɔ̨ a Yálá kwəi mɛ̨nį hu kulɔ mun da lon. Mąąhɔlɔɓo, gáá a ɓɛlaa tɔɔ mun, gɛ́ ɓo a ɓɔɔla yɛa laa mun.

Lonon mo 27:20

ə́ ə́ wɔ heeɓo laa tɛɛ bɔ, Israɛlə nuą kəlee diɛ tí mą.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Korɛntə veelɛ 12:9

Kɛlaa, ə nwóó ŋąą pənə yɛ mą́ą́: «Nwɔ́ mɛ̨inɛ̨ɛ̨ tii ə́ yəi, a pɛli; mąąhɔlɔɓo, nwɔ́ huwalawalalaa a too pono ŋą, ə́ wɔɔ hvįikpɛɛlaa tii hu.» Yili ɓa tii, nwɔ́ hvįikpɛɛlaa hu ɓə ŋą́ gbɔ́wɔ́ ɲąą kɛnɛ̨ la, ə gɛ, Kristə nwɔ huwalawalaa ə hee mɛ̨́i.

Zasua 3:7

Yai-Laa yɛ Ɉosue ɓa: «Ə həɠə háákələi ɓa, gáá pai ə́ kɛnɛ̨i Israɛlə nuą kəlee ɲɛ̨i ɓa; əgɛ, di gɔlɔn diɛ, gáá ə́ pɔ, yɛ bələi ŋį́ kɛ la Moisə pɔ.

Zasua 4:14

Nąąlɔwai, Yai-Laa ə Ɉosue kɛnɛ̨ nuą ɲɛ̨i ɓa, nuą diɛ ɲɔw mą, yɛ bələi di kɛi ɲɔw la Moisə ɓa ɲíi hvóló kəlee hu.

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.

Samuɛlə dɔlɔɔ 10:5

Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.