Tɔɔɓɛlaa veelɛ 2:1 - Yálá laawoo hɛɓɛ (dc)

¹ Ɓɛlɔwai Yai-Laa ə Eli tɛ la yələkɔlɔn ɉu ɉigilin ɉu, mɛ̨nįi kɛ ya ka. Eli da Elise di həɠə Gilgalə daai,

Yálá laawoo hɛɓɛ

¹ Ɓɛlɔwai Yai-Laa ə Eli tɛ la yələkɔlɔn ɉu ɉigilin ɉu, mɛ̨nįi kɛ ya ka. Eli da Elise di həɠə Gilgalə daai,

Bible

¹ Tãi Yâwɛɛ è kɛ̀ pâi tɛ̂i la a Ilaza Ɣâla-taa fãa kɛ́tɛ sui, Ilaza da Ilasa dí kɛ̀ perêi díkɛ kùla Geega.

Tɔɔɓɛlaa veelɛ 2:1 ပူးပေါင်းရင်းမြစ်များ

Zɛnɛse 5:24

Henɔkə da Yálá di nɛ̨ɛ̨yɔwɔ laa kɛ, yili pulu, nu ta hvo kɛa gaa. Mąąhɔlɔɓo, Yálá ə ɉəɠə ə nɛɠɛ mą.

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Tɔɔɓɛlaa dɔlɔɔ 19:11

Yai-Laa nwɔ malaka yɛ Eli ɓa: «'Kulɔ ə́ li ə́ tɔɔ ɲee mɛ̨i, ə́ ə́ ɲɛ̨i kɛ Yai-Laa tɔwɔ, ə́ ə́ ɲɛ̨i hee Yai-Laa kaa pai tɛɛi.» Ɲąąɓa, tulɔ hvaŋą kɛnɛ̨ ta ə tɛɛ, vaŋa kɛnɛ̨ pələ, yɛ yee ɓɛla, yɛ kwɛniɠaa ɓɛla. Kɛlaa, Yai-Laa hvo kɛ vaŋąi tii hu. Vaŋąi tii tɛɛ pulu, lɔi ə kpɛlin kpɔ kɛnɛ̨, Yai-Laa hvo kɛ nɔi kpɛlin ŋąą tii hu.

Tɔɔɓɛlaa dɔlɔɔ 19:4

Eli yaa kpinįi ə hvóló tɔ̨nɔ̨ hiɛ kɛ yɛ li nɔi pun ɉu. Líi ə mo laa, ə hee ɉenɛ wulu mu. Eli ə hee laa, yɛ haa huhvɛli, yɛ kɛ mą: «Oo kə! Yai-Laa! Víi aa kpɛɛ kpɔ kɛnɛ̨, ɉə́ɠə kɛa yɛnɛ̨ɛ̨, və́ hviɛlaɓo li və́ tɛɛ ną́nni diɛ.»

Tɔɔɓɛlaa veelɛ 1:18

Akaziasə kɛ mɛ̨nįɠaa, yii kpɔ ə gɛ, hvo mɔ̨ɔ̨ pɛ̨ɛ̨ li Israɛlə tɔɔɓɛlaa mąą mɛ̨nį hɛɓɛ́ hu?

Tɔɔɓɛlaa veelɛ 2:11

Di kɛɛ líi, diɛ mɛ̨nįi tii ɓo, wotolo tɔ̨nɔ̨, da hooɠaa di ɓo a nwɔ̨n, di kulɔ, di Eli da Elise di ɓɛlaɓo, ɉigilin ə Eli həɠə yɛ tɛ la yələkɔlɔn ɉu.

Tɔɔɓɛlaa veelɛ 4:38

Elise ə li Gilgalə ɓɛlɔwai pulu toɔ kɛ la nɔi. Yɛ bələi Yálá kwəi mɛ̨nį hukulɔ nuą di wɔ kalan nɛa di kɛ la laa, di kɛ heeni Elise lííla, Elise ə mo nwɔ tímun mą, yɛ mą: «Nəɠi kɛnɛ̨i tii hee nwɔ̨n ɲą, ə́ kɔ̨nɔ̨n ɲili Yálá kwəi mɛ̨nį hukulɔ nuą di wɔ kalan nɛai mąą mɛ̨nį ɓa.

Zôo 38:1

Yai-Laa ə lɛɛ hvaŋą hu, ə Ɉobə woo ɲąą pənə, yɛ mą:

Lukə 9:51

Ɓɛlɔwai Jesus ə kɛi pa həɠəi la lɔi mɛ̨i yɛ tɛ yələi, nąąlɔwai kɛɛ kɛa həli, ə niikpələ kpɔ, ə ɲɛ̨i walawala yɛ li Ɉerusalɛmə.

Gɛlaɠaa 1:9

Jesus kpɛɛ kɛa a nwooɠaa ti ɓoɔ diɛ, ə muhəɠə yɛ tɛ yələkɔlɔn ɉu, di ɲɛ̨i ə lɛɛ mą tulɔ kpinįn ə noo diɛ.

Hebreu 11:5

Laa na laa háálai ɓə gɛ, Yálá ə Henɔkə həɠə, hvo haa kaa, nu ta hvo kɛa gaa yili pulu. Gbala ə tɔɔ, Yálá ə ɉəɠə. Gɛɛ di hvo ɉəɠə, di mąą kɛla hvaa ɓo, diɛ mą: ə Yálá liihon.

Zasua 4:19

Ɲąnįn dɔlɔɔ nwɔ hvóló pow yələ ɓə Israɛlə lonnii di Ɉurdɛn teen na, di muwu pu Gilgalə, Ɉeriko voló həɠəi pələ.

Zasua 5:9

Yili pulu, Yai-Laa yɛ Ɉosue ɓa: «Háákələi, nwumɛ̨i tii lɛɛ kaa, kaa həɠə la Eziptə, ŋą́ą́ yili mąą kwɛa kaa.» Di gɛɛnąą tii laa hee a: Gilgalə, naai tii ɓə gɛɛnąąi tii ɓa, háá ɓa háá.

M̀ɛni-lɛɛi 11:12

Da woo kɛnɛ̨ ta mɛ̨n yɛ həɠə yələi, yɛ kɛ mą: «'Ká tɛ ɓɛ!» Ɛlɛɛ, diɛ tɛ yələi pələ tulɔ kpinįn ɉu, di yowoɠaa ɲɛ̨i ɓa.