Tɔɔɓɛlaa veelɛ 19:6 - Yálá laawoo hɛɓɛ (dc)

⁶ Yili yɛ diɛ: «Mɛ̨nįi ka lii moi ka Nąmu ɓa, ya ka, Yai-Laa woo li, yɛ diɛ: Nwooɠaai ə́ kaa mɛ̨n ɉii, da nalan ŋɛ̨i Asiri tɔɔmun nwɔ nui ə mo, hvo ɲɔw yili ɓa.

Yálá laawoo hɛɓɛ

⁶ Yili yɛ diɛ: «Mɛ̨nįi ka lii moi ka Nąmu ɓa, ya ka, Yai-Laa woo li, yɛ diɛ: Nwooɠaai ə́ kaa mɛ̨n ɉii, da nalan ŋɛ̨i Asiri tɔɔmun nwɔ nui ə mo, hvo ɲɔw yili ɓa.

Bible

⁶ È mò Ɛsekaya yée-mu-ƃelai dîa, “Ŋ̀orɛ̂-wooi ká ŋí Yâwɛɛ yêei Ɛsekaya mɛni mai. ‘Ńyãa ƃa Yâwɛɛ. Ílii fé sɛ̀lɛŋ a ŋoo-nyɔŋ-ŋai mɛni nyii-ŋai Asiria kaloŋ ŋɔworɛ̂-woo ƃó-ƃelai díkaa môi é pîlaŋ la mâi.

Tɔɔɓɛlaa veelɛ 19:6 ပူးပေါင်းရင်းမြစ်များ

Tɔɔɓɛlaa veelɛ 18:17

Asiri tɔɔmun ə lɛɛ Lakisə daai, ə nwɔ kɔ́kulááɠaa kəlee ɲɛ̨itɔwɔmun, da gɔ́laɠa nwun nąmu, ə mą kɛ, nwɔ kɔ́ kɔ́ hɛnŋąą həɠə mu, ə di tɔɔ Ɉerusalɛmə tɔɔmun Ezekiasə pɔɔli, da kɔ́kuláá kpulu kɛnɛ̨. Di pa, di həli Ɉerusalɛmə. Di pa di tɔɔ ɓɛi a ɲá heei kɛnɛ̨ ɓa ɲələi pələ nąą kwɛlɛ, bələi tii a li ɉəɠə waa mun bɔ yɛa pələ, mɛ̨i.

Tɔɔɓɛlaa veelɛ 18:30

Ka hvo ka kilitɔɔ Ezekiasə woo ɓa, yai ə kɛ la kaa: ‹Ka ka kilitɔɔ Yai-Laa ɓa; yɛ kɛ kaa, Yai-Laa kaa pai gu nwun mąąkɔ̨nwɔ̨i, daai ŋɛ̨i hvo pai tooi Asiri tɔɔmun ɲee ŋą.›

Tɔɔɓɛlaa veelɛ 18:35

Ɉaliɠaa tii, nɛlɛ kpɔ ɓə pɛli nwɔ lɔi kulɔi ɲə́i, yai, ka kɛ diɛ: Yai-Laa a pɛli Ɉerusalɛmə taa kulɔi ɲə́i!»

Tɔɔɓɛlaa veelɛ 19:22

Gbɛɛ ɓə ə́ nalan? Yɛ mɛlɛkpɛɛ mą? Gbɛɛ ɓə ə́ ə́ woo həɠəi mą? Yɛ́ gaa a ə́ ɲɛ̨i kpon bələ? Israɛlə nwɔ Yálá Mąąhəɠɛɛ ɓə!

Tɔɔɓɛlaa veelɛ 19:5

Tɔɔmun Ezekiasə nwɔ tínuą də li di həli Esai ɓa.

Tɔɔɓɛlaa veelɛ 6:16

Elise yɛ mą: «'Hvó ɲɔw, diɛi gwa diɛni gu tɔɔ, di kpulu kɛnɛ̨i dɛɛ diɛi diɛ.»

Kɔlɔnikɔ Veerɛi 20:15

Yɛ diɛ: «'Ka ká wəli tɔɔ kpɔ a nɛlɛɛ, kaa a Ɉuda nuą, kaa a Ɉerusalɛmə heeɓo nuą, ɛlɛɛ, yɛ́i ɓaa a tɔɔmun Ɉosafatə! Yai-Laa woo ka, yɛ diɛ: 'Ka hvo ɲɔw, 'ka mąą hvo kpɛlin nu kpulu kɛnɛ̨i tii ɲɛ̨i tɔwɔ; hvo gaai, ka mąą kɔ́ hvoli, Yálá mąą kɔ́ li.

Kɔlɔnikɔ Veerɛi 20:17

Ka hvo lii kɔ́ kɔ́ mɛ̨nį ɓa, 'ka li lɔ, ka ká kpɔɔ lɛ, ka tɔɔ, ka ká ɲɛ̨i hee Yai-Laa ŋą yeetɛɛmąą kɔ́i kɔ́ pələ ɓa, ka mąą mɛ̨nį ɓa. Ɉuda nuą ka Ɉerusalɛmə nuą, 'ka hvo ɲɔw, ka mąą hvo kpɛlin! Tínąą, 'ka kulɔ ka li ka tɔɔ di tɔwɔ, Yai-Laa kaa ka pɔ.»

Mąątɛ̨nɛ̨ 74:18

Yai-Laa, mąąnɛ̨ɛ̨ ə́ kili ə pu ɉu yɛ́ diɛ, ə́ yowo kaa ə́ ɓɛlɛ too woo ɓoi; nwun gbɛɛ ɉu nu huwu aa ɓɛlɛkpɛɛ ə́ laa ɓa.

Mąątɛ̨nɛ̨ 74:23

'Hvó lɛ̨ą ə́ yowoɠaa huluun woo ɓa, da nuąi kɔ́ pɛlɛi yɛ́ di tomą woo, yai ɉu lɔ ɓə kɛnɛ̨i yɛ li la.

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Azaya 10:24

Yili mąą mɛ̨nį ɓa, mɛ̨nįi Nąmu Yai-Laa Mɛ̨nį Kəlee ŋą Hééɓomun kaa moi, ya ka, yɛ diɛ: Kaai a nwɔ́ nu huwui, ka heɛ Siɔn, 'ka hvo ɲɔw Asiri ɓa, yai ka kɛlɛi a gbɔn; yɛ nwɔ tunwɔ̨n pili ɲee mɛ̨i, yɛ bələi Eziptə ə kɛi gɛ la.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Ɉeremi 42:9

yɛ diɛ: «Yai-Laa Israɛlə nwɔ Yálái woo ka káá ɓə dɔ́ɔ́ bɔ, gɛ́ ka wɔ nɛɛmąą hvə woo laa həli mą.

Woolaa 3:57

Ɲələi ŋą́ ə́ təli la, ə́ pa yɛ́ mą́ą́: «'Hvó kɛ ə́ kaa ɲɔwi.»

Levetekɔ 26:8

Nu lɔɔli kaa pai həɠəi ka lɔwai, yɛ ka yowo nwun dɔ̨nɔ̨ yee kulɔ, nu nwun dɔ̨nɔ̨ yɛ ka yowo nwaa pow kpɛ. Ka yowoɠaa diɛ too ka wɔ kɔ́ kɔ́ ɓɔwaɠaai yəi.

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Zasua 11:6

Yai-Laa yɛ Ɉosue ɓa: «Hvo ɲɔw diɛ! Tinąą, kpɔlɔ a ɓɛlɔwai, ŋą́ di lɔ Israɛlə nuą yee ŋą a di powa. Ə́ kaa pai di wɔ hooɠaai kɔ́wɔ pulu laną teei, yɛ di wɔ kɔ́ kɔ́ wotoloɠaai kələn.»

M̀ɛni-lɛɛi 13:6

Ə naa pili yələi, yɛ Yálá lalan nwooɠaa ɓo, yɛ Yálá laa ɓɛlɛ too, da vɛli pɛlɛ́, ɛlɛɛ, da yiiɠaai kpɔ di heɛ kaa yələkɔlɔn ɉu.