Tɔɔɓɛlaa veelɛ 19:19 - Yálá laawoo hɛɓɛ (dc)

¹⁹ Kɛlaa, Yai-Laa kuɔ Yálá, ku nwun gulɔ Senakeribə yəi. Yá yili kɛ tii, yɛnɛ̨ɛ̨ nąą kəlee, da yɛnɛ̨ɛ̨ tɔɔɓɛlaa kəlee, da gɔlɔn diɛ: Oo Yai-Laa! Yɛ́ ɓə ə́ kaa a Yálá.»

Yálá laawoo hɛɓɛ

¹⁹ Kɛlaa, Yai-Laa kuɔ Yálá, ku nwun gulɔ Senakeribə yəi. Yá yili kɛ tii, yɛnɛ̨ɛ̨ nąą kəlee, da yɛnɛ̨ɛ̨ tɔɔɓɛlaa kəlee, da gɔlɔn diɛ: Oo Yai-Laa! Yɛ́ ɓə ə́ kaa a Yálá.»

Bible

¹⁹ Yâwɛɛ, Kúɣâlai kú ŋuŋ-ma ƃó nâa Asiria-ŋai yêei, a gɛɛ ǹɔii-ŋûŋ-ŋai ŋ̀éniɛi sui dí gɔ́lɔŋ a gɛɛ ƃía tɔnɔ nɔ́ ƃé, O Yâwɛɛ, íkaa a Ɣâla.”

Tɔɔɓɛlaa veelɛ 19:19 ပူးပေါင်းရင်းမြစ်များ

Tɔɔɓɛlaa dɔlɔɔ 20:28

Yálá nwɔ nui ə mąą lɛɠɛ Israɛlə tɔɔmun ma, yɛ mą: «Yii Yai-Laa ə mo ya ka: Yii Aramə nuą diɛ Yai-Laa kaa a yee hu Yálá, hvo a nɛ̨ŋɛ̨ hu Yálá; gáá nu kpulu ŋɛ̨i kəlee lɔi ə́ yee ŋą ə gɛ ka gɔlɔn kaa diɛ: Ɲą́ą́ ɓə a Yai-Laa.»

Tɔɔɓɛlaa dɔlɔɔ 8:42

Mąąhɔlɔɓo, di kaa pai kɛi ə́ laa kɛnɛ̨ mɛ̨nį bələ mąn ɉii, da ə́ wɔ huwalawala mɛ̨nį; mąą nu a pa bɛlɛ́i ŋɛ̨i pɔ, yɛ ə́ hvɛli,

Tɔɔɓɛlaa dɔlɔɔ 8:43

Ee Yai-Laa! Lɛɛ yələkɔlɔn ɉu, ə́ ə́ wəli tɔɔ, ə́ mɛ̨nį kəlee kɛ, yɛ bələi nwɛ̨ąi tii kaa pai vɛli la yɛ́. Ə gɛ, yɛnɛ̨ɛ̨ nuą kəlee diɛ pɛli ə́ laa kɔ́lɔn ɉii, ɛlɛɛ, diɛ ɲɔw yɛ́, yɛ bələi ə́ wɔ nu huwu Israɛlə a ɲɔw la yɛ́. Ɛlɛɛ, di gili kɔ́lɔn diɛ kɛ da kɛi ə́ laa ɓoi bɛlɛ́i ŋɛ̨i mɛ̨i, yai ŋą́ dɔɔ.

Tɔɔɓɛlaa dɔlɔɔ 8:60

Ə kɛ tii, lɔi mɛ̨i nu huwuɠaa kəlee da gili kɔ́lɔn diɛ kɛ: ‹Yai-Laa ɓə gaa a Yálá, dakpɛli hvo laa.›

Tɔɔɓɛlaa veelɛ 19:15

Ə nwoo tɛ Yai-Laa ɓa, yɛ mą: «Yai-Laa, Israɛlə nwɔ Yálá, yɛ́i ə́ kaa heeni mąąkpɛ malakaɠaa nwun mɛ̨i, yɛ́ ɓə a lɔi kəlee nwɔ Yálá tɔ̨nɔ̨, yɛ́ ɓə yələkɔlɔn da lɔi di pɛli.

Tɔɔɓɛlaa veelɛ 5:15

Ə nɛɛ ɲąąɓa, ə pənə da bɔ nuą kəlee, diɛ li Yálá nwɔ nui pɔ. Naaman ə li ə too Yálá nwɔ nui lííla, yɛ mą: «Yiihui, ŋą́ą́ gɔlɔn gɛ́ Yálá hvo lɔi mɛ̨i nąą takpɛli ɓa, hvo kɛli Israɛlə lɔi hu. Yili ɓa gáá ə́ mąąnɛ̨ɛ̨i gɛ́ ə́ ə́ yee hee ə́ wɔɔ luwɔi nwɔ towələ mu, yai yɛ ə bu ə́ yəi.»

Kɔlɔnikɔ Maa-ŋuŋ 16:8

'Ka Yai-Laa mąątɛ̨nɛ̨, 'ka naa tɛ! 'Ka gɛ mɛ̨inɛ̨ɛ̨ɠaa hukulɔ hį́iɠaa diɛ!

Kɔlɔnikɔ Veerɛi 32:1

Yii kɛa Ezekiasə ə nwɔ kwəi kwələ laa lɛ tii mɛ̨nįɠaa tii kɛɛ pulu, Asiri tɔɔmun Senakeribə ə pa Ɉuda lɔi hu, ə nwɔ kɔlaɠai pɛlɛ Ɉuda gɔtaaɠaa diɛ, diɛi ə kɛ bɔ ə di hon.

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Lɛɛ gbɔwɔ ɓa 7:17

Yili ɓa, Yai-Laa yɛ, yii ka yaa ka káá pai tɛɛi ɉu nwɛi, ə́ kaa pai gɔlɔn ɉii, yɛ́ kɛ Yaa lɔ ɓə gaa a Yai-Laa. Gáá ɲá kɛlɛi a dunwɔ̨n ŋɛ̨i, ə mąą pənə a ŋąmą.

Zasua 4:24

Ə yili kɛ tii, ə gɛ, nu kəlee di gɔlɔn diɛ Yai-Laa ɓə ɲee wala-walaa, ə lɛɛ ka ɲɔw mą, yai gaa a Yai-Laa ka wɔ Yálá a yələ kəlee.»

Zasua 7:9

Kanaan nuą, da nuąi kpɔ di heɛ kaa nɔi ŋɛ̨i hu, daa mɛ̨nįi ŋɛ̨i bələ mɛ̨n, di kaa pai tínɛ̨n ɉii kuɔ, di ku laa waa lɔi mɛ̨i. Akɛ tii, naa kɛnɛ̨i ŋɛ̨i gaa yɛ́, yá gɛ ləi?»