Tɔɔɓɛlaa veelɛ 18:7 - Yálá laawoo hɛɓɛ (dc)

⁷ Yai-Laa ə kɛ bɔ, mɛ̨nįi lɔpee kɛ a ɲee lɔ ɉu, ɉu a nɛ̨ɛ̨ ɲəi. Ə nwun gulɔ Asiri tɔɔmun nwɔ heeɓolaa mu, hvo kɛa pənə hvo lɛɛ ɲee mu.

Yálá laawoo hɛɓɛ

⁷ Yai-Laa ə kɛ bɔ, mɛ̨nįi lɔpee kɛ a ɲee lɔ ɉu, ɉu a nɛ̨ɛ̨ ɲəi. Ə nwun gulɔ Asiri tɔɔmun nwɔ heeɓolaa mu, hvo kɛa pənə hvo lɛɛ ɲee mu.

Bible

⁷ Yâwɛɛ è kpɔŋ-maa tɛ̀ɛ Ɛsekaya pɔ́. Mɛnii kélee è ǹyée pù zui, è ƃûu ƃò. È tɔ̀ɔ kpîŋ Asiria kaloŋ ma. Vé fáa ní ma a gɛɛ é kɛ́ a ǹyée mu-nuu.

Tɔɔɓɛlaa veelɛ 18:7 ပူးပေါင်းရင်းမြစ်များ

Zɛnɛse 21:22

Gwɛlan dɔ̨nɔ̨ tii hu, Abimelɛkə, da nwɔ kɔ́kuláá nwun nąmu Pikɔlə, di pa Abrahamə pɔ. Abimelɛkə yɛ Abrahamə ɓa: «Gílí kaa ɉu, gɛ́ diɛ: Mɛ̨nįɠaai ya ə́ yee too ɉu, Yálá kaa ə́ pɔ gəlee hu.

Samia Veerɛi 8:14

Davidə ə lɔi ɲąąwooɓo nuą hee Edɔmə lɔi nwun na, ə nwun nąmįną hee Edɔmə lɔi kəlee nwun na. Edɔmə nuą kəlee di lɛɛ Davidə yee mu. Bələ ɓə Yai-Laa ə kɛi kɔ́ nɛ̨ɛ̨ la Davidə ɓa ɓɛi lɔpee a li laa.

Samia Veerɛi 8:6

Davidə ə lɔi ɲą́ą́wooɓo nuą hee Damasə daai Aramə lɔi hu. Aramə nuą di lɛɛ Davidə yee mu, diɛ nįįhɔ̨nwɔ̨ kulɔ mą. Ɓɛi lɔpee Davidə ə kɛi li laa, Yai-Laa ə kɛi gɔ́ nɛ̨ɛ̨ mą.

Tɔɔɓɛlaa veelɛ 16:7

Akazə ə nuą tɔɔ Asiri tɔɔmun Tiglatə-Pilesɛrə pɔɔli, yɛ mą: «Gáá a ə́ lon, da ə́ wɔɔ tímun, pa ə́ gúlɔ Aramə tɔɔmun da Israɛlə tɔɔmun di yəi, daa yili mą́ą́ a kɔ́.»

Tɔɔɓɛlaa veelɛ 17:3

Asiri tɔɔmun Salmanasarə ə pa ə kɔ́ pɛlɛ mą. Ose ə lɛɛ ɲee mu, yɛ nįįhɔ̨nwɔ̨ kulɔ mą.

Tɔɔɓɛlaa veelɛ 18:14

Ɉuda tɔɔmun Ezekiasə ə nuą tɔɔ Asiri tɔɔmun bɔɔli Lakisə, yɛ mą: «Ŋą́ą́ ɉɔ́n gɛ, hvó kɛ ə́ kaa pɛlɛi mą́ą́ a kɔ́; kɛlaa, tiɛ̨i yá naa nwúɔ̨, ŋą́ ɉəɠə.» Asiri tɔɔmun ə kɔ́ nįįhɔ̨nwɔ̨ laa Ɉuda tɔɔmun nwuɔ̨ a wali kwələ kilə waa mɛ̨inąąn da hɛni kilə nwun mɛ̨inąąn.

Tɔɔɓɛlaa veelɛ 18:20

Yaai ə́ kɛ la diɛ: ‹Woo tɔ̨nɔ̨ a pɛli ə kɔ́ kɔ́ pələ lɛ mą́ą́, ə ɉú walawala!› Gbɛɛ ɓə ə́ kilitɔɔi mą yɛ́ ə́ kwɛlitee ɲə́i?

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Kɔlɔnikɔ Veerɛi 31:21

Golóɠaai kpɔ ə ɲee too ɉu Yai-Laa ŋą pɛlɛ́i mąą mɛ̨nį ɓa, Yálá nwɔ tɔ́n da mąą pamą wooɠaa mąą mɛ̨nį ɓa; ə gəlee kɛ a Yálá ɲɛ̨i laa kwɛliɛ a nii kəlee, ɛlɛɛ, ɲee ə lɔ.

Kɔlɔnikɔ Veerɛi 32:30

Ezekiasə tii ɓə Gihɔn yaɠaa nwun gulɔi laa kpulun ɲánwuɔ̨ pələ, ə ɲa laa ɉɛɠɛɛ pələ, voló tooi pələ Davidə taa tənən ma. Mɛ̨nįɠaa kpɔ Ezekiasə ə ɲee too ɉu, ɉu ə nɛ̨ɛ̨ mą.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Mąątɛ̨nɛ̨ 60:12

Ə kulɔ ə́ pulu, Yálá, yɛ́i ŋɛ̨i yáá ku pilii, yɛ́i hvo kɛa bɔ, hvo li a ku wɔ kɔlaɠaɠaai kɔ́ ɓa.

Azaya 33:6

Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Azaya 36:5

Yɛ́ kɛ diɛ: Woo ɲąą taanɔ̨n gbən, a pɛli liɛwoo da huwalawala tɛɛi nu pɔ kɔ́ hu! Gbɛɛ kpɔ ə́ kilitɔɔi mą, yɛ́ kulɔ nwóó mu?

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Nwun mąąɓo 1:19

Yai-Laa ə kɛ Ɉuda pɔ, Ɉuda ə ɲee ɓa lɔi hon, kɛlaa, di hvo pɛli nɛ̨ŋɛ̨ lɔi hu nuą kpɛi, mąąhɔlɔɓo, kwɛli wotoloɠaa di kɛ yiliɠaai yəi.

Samuɛlə dɔlɔɔ 18:14

Gɔɠaai kpɔ ə kɛi doo, ə kɛi nɛ̨ɛ̨ mą; ə lɛɛ, Yai-Laa ə kɛ Davidə pɔ.

Samuɛlə dɔlɔɔ 18:5

Ɓɛi lɔpee Saulə ə kɛi Davidə tɔɔ laa kɔ́ mɛ̨i, gɔ́ ə kɛi lɔ nɛɛ Davidə ɓa. Yili ɓə gɛ, Saulə ə Davidə hee gɔ́ kɔ́ nuą nwun na. Davidə wɛli ə kɛ nɔi nuą kəlee diɛ; Ə mą kɛ Saulə yee pɔ nuą kpɛa-kpɛaa kəlee.