Tɔɔɓɛlaa veelɛ 18:5 - Yálá laawoo hɛɓɛ (dc)

⁵ Ezekiasə ə gilitɔɔ Israɛlə nwɔ Yálái Yai-Laa ɓa, ɉəɠɛɛ dɔɔlaa hu, nu ta hvo hɔlɔɓo yɛ pɛli túwɔ́ yɛ yaa Ɉuda tɔɔɓɛlaa lɔwai; nuąi nwɔ̨nɔ̨ kɛ daa tɛɛ laa dɔɔlaa hu dɔ̨nɔ̨ kpɛli hvo gɛ yɛ yaa.

Yálá laawoo hɛɓɛ

⁵ Ezekiasə ə gilitɔɔ Israɛlə nwɔ Yálái Yai-Laa ɓa, ɉəɠɛɛ dɔɔlaa hu, nu ta hvo hɔlɔɓo yɛ pɛli túwɔ́ yɛ yaa Ɉuda tɔɔɓɛlaa lɔwai; nuąi nwɔ̨nɔ̨ kɛ daa tɛɛ laa dɔɔlaa hu dɔ̨nɔ̨ kpɛli hvo gɛ yɛ yaa.

Bible

⁵ Ɛsekaya è kɛ̀ a ǹáa a Yâwɛɛ, Eezuɛ ŋɔɣâlai. Zuda kaloŋ kpéli-ŋai da fé kɛ́ ní a ǹáa a Yâwɛɛ yɛ̂ɛ Ɛsekaya, é lɛ́ɛ pâi kɛ̂i a kâloŋ kpaa máŋ gúlaa gâloŋ-laai su pôlu ma.

Tɔɔɓɛlaa veelɛ 18:5 ပူးပေါင်းရင်းမြစ်များ

Tɔɔɓɛlaa veelɛ 18:19

Gɔ kɔ́ kwɛli hɛn ɉəɠəmun yɛ diɛ: «Ka mo Ezekiasə ɓa, kaa mą: Asiri tɔɔmun gɛnɛ̨ yɛ: Lə ɓə ə́ kilitɔɔi mą!

Tɔɔɓɛlaa veelɛ 19:10

Ka li kaa Ɉuda tɔɔmun Ezekiasə ɓa: «Ə́ wɔ Yálái ə́ kilitɔɔ mąi, hvo kɛ gaa ə́ ɓowoi, yɛ kɛ diɛ, Ɉerusalɛmə taa hvo pai lɔi Asiri tɔɔmun ɲee ŋą.

Tɔɔɓɛlaa veelɛ 23:25

A tɛ̨ą, tɔɔmun da hvo ta kɛ hɔlɔɓo li Ɉosiasə tɔwɔ yii nii kəlee tinɛ̨n Yai-Laa pɔ pələ nwɔ yɛnɛ̨ɛ̨ kəlee hu, nwɔ huwalawala kəlee, yɛ Moisə nwɔ tɔ́n laahɔnmo ɲee tɔ̨nɔ̨ mɛ̨i. Ə kulɔ Ɉosiasə pulu da hvo ta gɛ li yɛ yaa ə mą kɛ ɉaa pulu, yɛ bɔɔ tɔɔn.

Kɔlɔnikɔ Veerɛi 14:11

Yai-Laa ə Nubinuą kɛlɛ Asa da Ɉuda nuą di tɔwɔ, Nubinuą di pu.

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Kɔlɔnikɔ Veerɛi 20:35

Yili pulu, Ɉuda tɔɔmun Ɉosafatə da Israɛlə tɔɔmun Akaziasə di too di kee pɔ. Yili yaan dúwɔ́ pələ ɲɔ̨nwɔ̨ɔ̨i kɛ.

Zôo 13:15

Yálá ka kiɛ pai báái, gíli hvo tɔɔ li hɛn da kpɛli ɓa. Ə mą kɛ ti, gáá lɔ pai ɉíɛ pələ hukulɔi ma.

Mąątɛ̨nɛ̨ 13:5

Ɲówó hvo pa nəi kɛ diɛ: «Ɲéé aa tɛɛ mą», ɛlɛɛ ɲówóɠaa diɛ kɛa kwəinɛ̨ɛ̨ kulɔ, dóó mɛ̨nį hu.

Mąątɛ̨nɛ̨ 84:12

Mąąhɔlɔɓo, Yai-Laa nwɔ́ Yálá kaa a hvoló, Yɛ ɓo a nu mąą kpɛ gbanąn, Yai-Laa a nu kɔ́ a nɛ̨ɛ̨laa, da ɲɛ̨i pɔ̨nɔ̨. Nuąi da hiɛ a ɉaŋąą, hva di kunwɔ̨ a nwun nąnɛ̨ɛ̨.

Azaya 36:7

Ə́ kaa nwɔ̨nɔ̨ kɛi mą: Yai-Laa ɓə a ku wɔ Yálá, ya ɓə kwa ku kilitɔɔmą. Kɛlɛi yaa tii ɓə Ezekiasə ə nwɔ haláá kulɔiɠaa taɠa, da gɛɛnąąɠaai da gɔ laa? Yɛ kɛ Ɉuda lɔi da Ɉerusalɛmə taa diɛ: Ɉaláá kulɔi ŋɛ̨i ɓɛ Ɉerusalɛmə, nąą ɓə mąąnɛ̨ɛ̨ ka pa kaa kwɛli hvilɛn naa mą.

Azaya 38:3

Yɛ kɛ mą: «Ee kə! Yai-Laa, nɛ̨ɛ̨ yɛ́, ə́ kiliŋąhiɛ, ə́ vilɛn bələi ŋą́ túwɔ́ la ə́ ɲɛ̨i ɓa a tɛ̨ą da kwəi kwələ laa; mɛ̨nįi kɛ a nɛ̨ɛ̨ yɛ́, ya ɓə ŋą́ kɛi gɛ.» Ezekiasə ə wɔlɔ kpɔ kɛnɛ̨.

Maafîu 27:43

Ə gilitɔɔi Yálá ɓa, ə mo yɛ diɛ: ‹Gáá a Yálá Lon.› Yili ɓa, ka gu gu ɲɛ̨i hee laa, akɛ Yálá kaa pai nwun gulɔi.»

Ifisiɛŋ 1:12

Guɔi gbɛa gu kilitɔɔ Kristə ɓa tɔwɔi, 'ká gu Yálá mąątɛ̨nɛ̨ wələ too.