Tɔɔɓɛlaa veelɛ 18:37 - Yálá laawoo hɛɓɛ (dc)

³⁷ Dɔɔ pɛlɛ́ nwun nąmu Ɛliakimə, yai a Hilkiyahu lon, ɉɛɓɛ́ kɛmun Sɛvna da Asafə lon Yoa, yii a noloɓomun, di pənə di li Ezekiasə pɔ, daa di mąą həɠəɠaa hu ɓɛla. Di gwɛli hɛn ɉəɠəmun tii wooɠaa hukulɔ mą.

Yálá laawoo hɛɓɛ

³⁷ Dɔɔ pɛlɛ́ nwun nąmu Ɛliakimə, yai a Hilkiyahu lon, ɉɛɓɛ́ kɛmun Sɛvna da Asafə lon Yoa, yii a noloɓomun, di pənə di li Ezekiasə pɔ, daa di mąą həɠəɠaa hu ɓɛla. Di gwɛli hɛn ɉəɠəmun tii wooɠaa hukulɔ mą.

Bible

³⁷ È kɛ̀ tí, Iliakiŋ, Sibina da Zôa dí díseɣe-ŋai fàla-fala a lii-too pôlu. Dí lì pôlu dí mɛni-ŋai kélee ƃó gâloŋ ma nyii-ŋai Asiria kɔ-kɔ-ƃelai mɛi-nuui è mòi.

Tɔɔɓɛlaa veelɛ 18:37 ပူးပေါင်းရင်းမြစ်များ

Zɛnɛse 37:29

Ɓɛlɔwai Rubɛn ə li la nɔwa hu kaai, hvo Ɉosɛfə kaa laa, nii ə ɓɛla kpɔ mą kɛnɛ̨, ə mąą həɠə hu ɓɛla.

Zɛnɛse 37:34

Nąąlɔwai, Ɉakɔbə ə nwɔ həɠəi hu ɓɛla, ə mąąwɛli hee ɓo, ə non nwɔlɔ ɓo kpɔ a ɉu kwɛa.

Samia Veerɛi 8:16

Seruya lon Ɉoabə ɓə gɔlaɠa nwun na. Yehosafatə Ahiludə lon yɛ ɓo a tɔɔmun naa woo tɛɛmun.

Tɔɔɓɛlaa veelɛ 18:18

Di tɔɔmun mąą kɛɛ mąąni kɛ, Hilkiyahu lon Ɛliakimə, yai kɛi dɔɔ pɛlɛ́ ɲąąwooɓo, da ɉɛɓɛ́ kɛmun Sɛvna, ə lɛɛ, Asafə lon Yoa yai dɔɔ pɛlɛ́ mu mɛ̨nįɠaa kəlee di kɛ ɲee ɲą, gɔ́kulááɠaa tii di pa di tɔɔ di lííla.

Tɔɔɓɛlaa veelɛ 18:26

Hilkiyahu lon Ɛliakimə, da Sɛvna, ɛlɛɛ, Yoa, di mo nui tii ɓa, diɛ mą: «Nąn! Mɛ̨nįi yɛ́ ə́ mo, mɔ yɛ́ tínuą diɛ Aramə woo hu, mąąhɔlɔɓo, nwoo yili ɓə kwa pɛli mąn ɉii; kɛlaa, hvó pələ ɓɔ kuɔ Ɉude woo hu, ə gɛ, hvo pa too nuąi ŋɛ̨i ɉįi la di wəlii.»

Tɔɔɓɛlaa veelɛ 18:36

Nuą kəlee di di laa pilɛ, di hvo nwoo pulu pənə kpɛli tɔ̨nɔ̨. Mąąhɔlɔɓo, tɔɔmun ə kɛ diɛ: Ka hvo nwoo ŋąąpənə.

Tɔɔɓɛlaa veelɛ 19:1

Ɓɛlɔwai tɔɔmun Ezekiasə ə nwooɠaa tii mɛ̨n na, ə mąą həɠəɠaa huɓɛla, ə mąąwɛli həɠə too gwaną; ə li Yai-Laa yəi bɛlɛ́n.

Tɔɔɓɛlaa veelɛ 22:11

Yii lɔ tɔɔmun ə dɔ́n ɉɛɓɛ́i tii hu woo mɛ̨n, ə mąą hɛɠɛ huɓɛla.

Tɔɔɓɛlaa veelɛ 22:19

yii kpɔ ə́ lii ə too pulu, ə́ ə́ mąą həɠə huɓɛla, yɛ́ wɔlɔ nííla, yili ɓa, ɲą́ą́ gbɛli mąn, ŋą́ą́ mɛ̨n, Yai-Laa nwóó li.

Tɔɔɓɛlaa veelɛ 5:7

Yii lɔi Israɛlə tɔɔmun ə kpɛɛ a ɉɛɓɛ́ ɓoɔ, ə mąą həɠə hu ɓɛla, yɛ diɛ: «Akɛti Yálá ɓaa a ɲą́ą́, gɛ́ pɛli nu paai, a wala kɛ tii gɛ́ pɛli nu ɓaloi! Yai ɉulɔnui ŋɛ̨i kaa nwɔ tímun dɔɔi, yɛ kɛ ŋą́ hvólóɲɔ̨n ɉəɠə mą! Ka mɛ̨nį taaləi ŋɛ̨i kaa, ka gɔlɔn kaa diɛ, ɉulɔnui ŋɛ̨i kaa gwɛ́lii a hvaa.»

Tɔɔɓɛlaa veelɛ 6:30

Ɓɛlɔwai tɔɔmun ə nɛ̨ɛ̨nui tii woo mɛ̨n na, ə mąą həɠə hu ɓɛla. Ɛlɛɛ, kɛi tii ə mo ɉįi kpoloon mɛ̨i yɛ tɛɛ, nuą di gaa, aa mąąwɛli həɠə too gwąną.

Kɔlɔnikɔ Veerɛi 32:1

Yii kɛa Ezekiasə ə nwɔ kwəi kwələ laa lɛ tii mɛ̨nįɠaa tii kɛɛ pulu, Asiri tɔɔmun Senakeribə ə pa Ɉuda lɔi hu, ə nwɔ kɔlaɠai pɛlɛ Ɉuda gɔtaaɠaa diɛ, diɛi ə kɛ bɔ ə di hon.

Ɛsdrasə 9:3

Yili mɛ̨n ŋį́ mo, ŋį́ nwɔ́ həɠəɠaai huɓɛla, ŋį́ nwún nəɠa da gbɛ́lɛ kulɔ a nwun, ŋį́ hee, níí kələn ŋąą gwə́i.

Zôo 1:20

Nąąlɔwai, Ɉobə ə nɛɛmą ə muhəɠə ə tɔɔ, ə nwɔ biliɉui huɓɛla, di nwun gbəlaan mo, ə too nɔi ɓa, ə kwɛli hvilɛn Yálá ɓa.

Azaya 22:20

Mąą yələi tii, gáá pai ŋį́ tímun, Ɛliakimə təlii, yai a Hilkiyahu lon.

Azaya 33:7

Ka káá gaai; Ariɛlə nuą kaa tómąi gwəli hɛ̨ąɠaa, niilaa-wɛlɛɛ ɓo nuą kaa wɔlɔi kpɔ a di nwąnąi.

Ɉeremi 36:24

Di ta lɔpee hvo ɲɔw, di hvo di mąą həɠəɠaa huɓɛla, yɛi kɛ a dɔɔmun, yɛ ə kɛ a nwɔ tínuąi nwooɠaai tii mɛ̨n.

Maafîu 26:65

Ɉaláá laa həli nuą nwun nąmui tii ə mąą həɠə hu ɓɛla, yɛ diɛ: «Aa Yálá lalan. Yili ɓa tii, ə mą kɛ kɛa gu hvo kɛla takpɛli kwɛli li, ka kəlee kaa nąą kaa, ə lɛɛ kaa nwoo ɲɔ̨n tii mɛ̨n.